Eclesiastés 8:4 - Li Santil hu

⁴ Li ra̱tin li rey, aꞌan cuan xcuanquil. Ut ma̱ ani naru ta̱yehok re nak incꞌaꞌ us naxba̱nu.

Eclesiastés 8:4 ပူးပေါင်းရင်းမြစ်များ

Li xHu LAJ JOB 9:12

Cui li Dios narisi li cꞌaꞌak re ru chiru li junju̱nk, ¿ma naru ta biꞌ takaye nak incꞌaꞌ? ¿Ma cuan ta biꞌ junak ta̱ru̱k tixye nak incꞌaꞌ us naxba̱nu?

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Romanos 9:20

Aban la̱in tinye a̱cue, ¿anihat la̱at nak ta̱cuechꞌi rix li cꞌaꞌru naxba̱nu li Dios? Junak li cuc incꞌaꞌ ta̱ru̱k tixye re laj pacꞌol re, ¿Cꞌaꞌut nak xina̱yi̱b chi joꞌcaꞌin?

Proverbios 20:2

Nak najoskꞌoꞌ li rey, aꞌan chanchan nak najoskꞌoꞌ li cakcoj. Li ani naxchikꞌ xjoskꞌil li rey naxqꞌue xyuꞌam saꞌ xiu.

Proverbios 19:12

Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Proverbios 30:31

Li xcab, aꞌan li tzoꞌ xul li kꞌaxal kꞌetkꞌet, ut li rox, aꞌan li chiba̱t. Ut li xca̱, aꞌan li rey li naxcꞌameb xbeheb lix soldados chi pletic.

1 Reyes 2:46

Ut chirix aꞌan, li rey Salomón quixtakla laj Benaía li ralal laj Joiada chixcamsinquil laj Simei. Joꞌcan nak lix cuanquil laj Salomón quicana chi xakxo saꞌ xnaꞌaj.

1 Reyes 2:25

Joꞌcan nak li rey Salomón quixtakla laj Benaía li ralal laj Joiada chixcamsinquil laj Adonías. Ut laj Benaía quixba̱nu li cꞌaꞌru quiyeheꞌ re.

Éxodo 1:18

Ut li acuabej re Egipto quixtakla xbokbal li cuib chi ixk ut quixye reheb: —¿Cꞌaꞌut nak incꞌaꞌ xeba̱nu li xinye e̱re? ¿Cꞌaꞌut nak incꞌaꞌ xecamsi li cocꞌ te̱lom aj hebreo nak xeꞌyoꞌla? chan reheb.

2 Samuel 24:4

Abanan li rey quixpuersi laj Joab ut eb li nequeꞌtaklan saꞌ xbe̱neb li soldados chixba̱nunquil. Joꞌcan nak queꞌel riqꞌuin li rey ut queꞌco̱eb chirajlanquileb chixjunileb laj Israel.

1 Reyes 1:30

la̱in ninye a̱cue nak tinba̱nu joꞌ xinye a̱cue saꞌ xcꞌabaꞌ li kaDios la̱o aj Israel. Laj Salomón la̱ yum ta̱oc chokꞌ rey chokꞌ cue̱kaj la̱in ut aꞌan chic ta̱cꞌojla̱k saꞌ lin cꞌojariba̱l chi takla̱nc. Anakcuan ajcuiꞌ tinba̱nu aꞌin, chan.

Esdras 6:13

Joꞌcan nak laj Tatnai li nataklan saꞌ eb li tenamit li cuanqueb jun pacꞌal li nimaꞌ Éufrates, ut laj Setar-boznai joꞌqueb ajcuiꞌ li rochben queꞌxba̱nu chi tzꞌakal joꞌ quixye li rey Darío.