Eclesiastés 8:17 - Li Santil hu

¹⁷ Ut quinqꞌue retal nak ma̱ ani nataꞌoc ru li cꞌaꞌru naxba̱nu li Dios. Li cui̱nk ma̱ jokꞌe tixtau ru li cꞌaꞌru naxba̱nu li Dios saꞌ ruchichꞌochꞌ, usta tixtacuasi rib chixsicꞌbal. Li cuan xnaꞌleb naru naxye nak naxnau, abanan ma̱ jokꞌe tixtau ru.

Q'eqchi Bible

¹⁷ Xink'e reetal naq ink'a' naru tqataw ru li k'aru naxb'aanu li Yos chi moko li nak'ulmank sa' ruuchich'och'. Us ta tqayal qaq'e chi xsik'b'al, ink'a' tqataw. Mare li wank xna'leb' tixye naq naxnaw xsumenkil li patz'om a'in, ab'anan li xyaalalil, naq maajoq'e tixtaw ru.

Eclesiastés 8:17 ပူးပေါင်းရင်းမြစ်များ

Eclesiastés 3:11

Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Salmos 73:16

Xinqꞌue inchꞌo̱l chixtaubal ru cꞌaꞌut nak incꞌaꞌ nequeꞌxcꞌul li raylal li incꞌaꞌ useb xnaꞌleb. Abanan chꞌaꞌaj xtaubal ru chokꞌ cue la̱in.

Isaías 40:28

¿Ma incꞌaꞌ ta biꞌ nequenau nak li Ka̱cuaꞌ ac aꞌan ajcuiꞌ chalen chak najter kꞌe cutan? Ut, ¿Ma incꞌaꞌ ta biꞌ e̱rabiom nak li Ka̱cuaꞌ, aꞌan li quiyoꞌobtesin re li cꞌaꞌru cuan saꞌ chixjunil li ruchichꞌochꞌ? Aꞌan incꞌaꞌ nalub chi moco nalaj lix metzꞌe̱u. Lix cꞌaꞌux ma̱ ani nataꞌoc re.

Li xHu LAJ JOB 5:9

Aꞌan kꞌaxal nim xcuanquil chixba̱nunquil li sachba chꞌo̱lej. Ut ma̱ ani nataꞌoc ru li cꞌaꞌak re ru naxba̱nu.

Eclesiastés 11:5

La̱at incꞌaꞌ nacanau bar naxic li ikꞌ. Ut incꞌaꞌ ajcuiꞌ nacanau chanru nak naqꞌui li cꞌulaꞌal li toj ma̱jiꞌ nayoꞌla. Joꞌcan ajcuiꞌ nak incꞌaꞌ nacanau cꞌaꞌru naxba̱nu li Dios li quiyi̱ban re chixjunil li cꞌaꞌak re ru.

Salmos 40:5

At Ka̱cuaꞌ, at kaDios, numtajenak li usilal xaba̱nu ke. Ma̱ ani naru nacatkajuntakꞌe̱ta cuiꞌ. Junelic yo̱cat chi cꞌoxlac chikix. Nacuaj raj xyebal resil joꞌ qꞌuial xaba̱nu, abanan incꞌaꞌ ninru xyebal xban nak numtajenak cuiꞌchic la̱ cuusilal.

Salmos 104:24

At Ka̱cuaꞌ, cꞌajoꞌ xlokꞌal li cꞌanjel li quilaja̱ba̱nu. Chixjunil li cꞌanjel aꞌin quilaja̱ba̱nu riqꞌuin la̱ naꞌleb. Li ruchichꞌochꞌ nujenak riqꞌuin chixjunil li us quilaja̱ba̱nu.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 7:13

Cheqꞌuehak retal li cꞌaꞌru naxba̱nu li Dios. ¿Ma cuan ta biꞌ junak naru tixti̱cobresi rix junak li cꞌaꞌak re ru li ac xyi̱b li Dios chi yocos rix?