Eclesiastés 8:16 - Li Santil hu

¹⁶ Nak quinkꞌaxtesi cuib chixtzolbal ut chixtzꞌilbal rix li cꞌaꞌak re ru nacꞌulman saꞌ ruchichꞌochꞌ, chi kꞌek chi cutan incꞌaꞌ nachal incuara.

Q'eqchi Bible

¹⁶ Naq xinq'axtesi wib' chi xnawb'al ut xk'eeb'al reetal li nak'ulmank sa' ruuchich'och' ut xinyal inq'e chi xtawb'al ru b'ar wank li choxahil na'leb', chi q'eq ut chi kutan ink'a' nachalk linwara.

Eclesiastés 8:16 ပူးပေါင်းရင်းမြစ်များ

Eclesiastés 2:23

Nak li cui̱nk cuan saꞌ ruchichꞌochꞌ junes raylal naxcꞌul ut junes chꞌaꞌajquilal. Incꞌaꞌ nahilan chiru kꞌojyi̱n xban li cꞌoxlac. Chixjunil aꞌin ma̱cꞌaꞌ na-oc cuiꞌ.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Salmos 127:2

Ma̱cꞌaꞌ rajbal nak junak cui̱nk ta̱cuacli̱k ekꞌela ut tixnumsi li cutan chi trabajic cui ma̱cꞌaꞌ li Dios riqꞌuin. Ma̱cꞌaꞌ rajbal nak tixcamsi rib chi cꞌanjelac re xsicꞌbal lix tzacae̱mk xban nak li Dios naxqꞌue reheb li ani naxra ut naxqꞌueheb ajcuiꞌ chi hila̱nc.

Eclesiastés 8:9

Chixjunil aꞌin quinqꞌue retal nak quin-oc chixtzꞌilbal rix li cꞌaꞌru nacꞌulman saꞌ ruchichꞌochꞌ. Quinqꞌue retal nak cuanqueb li cui̱nk cuanqueb xcuanquil saꞌ xbe̱neb li ras ri̱tzꞌin ut nequeꞌxba̱nu raylal reheb.

Eclesiastés 8:7

xban nak ma̱ ani naxnau cꞌaꞌru tixcꞌul, chi moco cuan ta junak naru tixye cꞌaꞌru ta̱cꞌulma̱nk mokon.

Eclesiastés 7:25

Joꞌcan nak quin-oc xsicꞌbal xya̱lal chanru nak tintau xtzꞌakob lin naꞌleb re nak tintau ru chixjunil li cꞌaꞌak re ru aꞌin. Quicuaj xtaubal ru cꞌaꞌut nak na-uxman li ma̱usilal ut li to̱ntil naꞌleb saꞌ ruchichꞌochꞌ.

Eclesiastés 5:12

Li ani nacꞌanjelac, sa nacuar, usta natzacan chi us usta incꞌaꞌ. Abanan li biom incꞌaꞌ nacuar chixcꞌoxlanquil li cꞌaꞌru cuan re.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Génesis 31:40

Laj Jacob quixye ajcuiꞌ: —La̱in xincuy rilbaleb la̱ queto̱mk. Chi cutan caꞌchꞌin ma̱ nincam xban xtikcual li sakꞌe ut chiru kꞌojyi̱n ma̱ caꞌchꞌin nak niquinixcꞌol li que. Incꞌaꞌ naru nacube bayak lin cuara xban li que.

Eclesiastés 1:14

Riqꞌuin aꞌin quinqꞌue retal nak chixjunil li na-uxman saꞌ ruchichꞌochꞌ, ma̱cꞌaꞌ na-oc cuiꞌ. Junes rahil chꞌo̱lej naxqꞌue.

Eclesiastés 1:17

Quinkꞌaxtesi cuib chixtaubal nabal chic li naꞌleb li cha̱bil. Ut quinqꞌue ajcuiꞌ inchꞌo̱l chixtaubal li naꞌleb li incꞌaꞌ us li ma̱cꞌaꞌ na-oc cuiꞌ. Abanan quinqꞌue retal nak chixjunil aꞌan ma̱cꞌaꞌ na-oc cuiꞌ. Junes rahil chꞌo̱lej naxqꞌue.