Eclesiastés 8:12 - Li Santil hu

¹² Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Q'eqchi Bible

^12-13 Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

Eclesiastés 8:12 ပူးပေါင်းရင်းမြစ်များ

Salmos 37:11

Abanan li tu̱laneb, aꞌaneb li teꞌe̱chani̱nk re li naꞌajej li yechiꞌinbil reheb, ut sahakeb xchꞌo̱l chi cua̱nc saꞌ tuktu̱quil usilal.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Eclesiastés 7:15

Usta ma̱cꞌaꞌ na-oc cuiꞌ lin yuꞌam, abanan xinqꞌue retal li cuib chi naꞌleb aꞌin: Cuan nak eb li ti̱queb xchꞌo̱l nequeꞌcam nak toj sa̱jeb. Ut cuan nak eb li incꞌaꞌ useb xnaꞌleb najt nequeꞌcuan saꞌ ruchichꞌochꞌ.

Eclesiastés 3:14

Ut ninqꞌue ajcuiꞌ retal nak chixjunil li naxba̱nu li Dios ta̱cua̱nk chi junelic. Chixjunil li cꞌaꞌru quixba̱nu incꞌaꞌ naru xqꞌuebal xtzꞌakob chi moco naru xjepbal. Li Dios quixba̱nu chi joꞌcaꞌin re nak chixjunileb teꞌxxucua ru.

Romanos 9:22

Chanchan aꞌan li naxba̱nu li Dios. Aꞌan yal re cꞌaꞌru tixba̱nu. Xcꞌulubeb raj li cuanqueb saꞌ ruchichꞌochꞌ li rakba a̱tin ut li ca̱mc. Li Dios quixcꞌut raj lix joskꞌil ut lix cuanquilal. Abanan kꞌaxal nim xcuyum saꞌ xbe̱neb.

San Lucas 1:50

Li Ka̱cuaꞌ junelic na-uxta̱nan u. Naruxta̱na ruheb li nequeꞌxucuan ru.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Eclesiastés 7:18

Us nak te̱ba̱nu li cꞌaꞌru nequecꞌoxla xba̱nunquil, abanan incꞌaꞌ chinumta̱k li cꞌaꞌru te̱ba̱nu xban nak li ani naxxucua ru li Dios, us na-el riqꞌuin li cꞌaꞌru li naxba̱nu.

Eclesiastés 5:16

Aꞌin chꞌaꞌaj xcꞌoxlanquil nak nayoꞌla li cristian ma̱cꞌaꞌ cuan re. Joꞌcan ajcuiꞌ nak nacam. Ma̱cꞌaꞌ naxcꞌam chirix. Riqꞌuin aꞌin nakaqꞌue retal nak ma̱cꞌaꞌ aj e nak naxcamsi rib chi cꞌanjelac.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Salmos 115:13

Li Ka̱cuaꞌ ta̱rosobtesiheb chixjunileb li nequeꞌxucuan ru. Ta̱rosobtesiheb li cuanqueb xcuanquil joꞌ ajcuiꞌ li ma̱cꞌaꞌeb xcuanquil.

Salmos 112:1

Lokꞌoninbil taxak li Ka̱cuaꞌ. Us xak reheb li ani nequeꞌxucuan ru li Ka̱cuaꞌ. Us xak reheb li nequeꞌsahoꞌ saꞌ xchꞌo̱leb xba̱nunquil li cꞌaꞌru naxye lix chakꞌrab li Dios.

Salmos 96:9

Chelokꞌoni li Ka̱cuaꞌ saꞌ lix santil naꞌaj ut chexucua ru che̱junilex la̱ex li cuanquex saꞌ ruchichꞌochꞌ.

1 Crónicas 16:30

Chexucua ru li Ka̱cuaꞌ che̱junilex la̱ex li cuanquex saꞌ ruchichꞌochꞌ xban nak aꞌan li quixakaban re li ruchichꞌochꞌ saꞌ xnaꞌaj re nak incꞌaꞌ ta̱ecꞌa̱nk.

1 Reyes 21:25

Kꞌaxal quinumta li ma̱usilal quixba̱nu laj Acab chiru li Dios. Ma̱ ani junak reheb li rey quixba̱nu ma̱usilal joꞌ quixba̱nu aꞌan. Ut lix Jezabel li rixakil, aꞌan li quicꞌamoc be chiru chixba̱nunquil li ma̱usilal.

Deuteronomio 12:25

Me̱tzaca li quicꞌ re nak us tex-e̱lk riqꞌuin li cꞌaꞌru te̱ba̱nu. Ut re ajcuiꞌ nak us teꞌe̱lk le̱ ralal e̱cꞌajol li teꞌcua̱nk mokon xban nak yo̱kex chixba̱nunquil li ti̱quilal chiru li Ka̱cuaꞌ.

Éxodo 1:20

Li Ka̱cuaꞌ Dios quixba̱nu usilal reheb laj xoconeleb. Ut eb laj hebreo queꞌnabaloꞌ ut queꞌqꞌuian ut cauheb rib.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 12:28

Cheba̱nu chi anchal e̱chꞌo̱l chixjunil li yo̱quin chixyebal e̱re re nak us tex-e̱lk joꞌ eb ajcuiꞌ le̱ ralal e̱cꞌajol li teꞌcua̱nk mokon. Us tex-e̱lk xban nak yo̱kex chixba̱nunquil li us ut li ti̱c chiru li Ka̱cuaꞌ le̱ Dios.

Salmos 128:2

Us tat-e̱lk riqꞌuin li cꞌaꞌru ta̱ba̱nu. Ut ta̱sahokꞌ saꞌ a̱chꞌo̱l xban nak osobtesinbilakat xban li Ka̱cuaꞌ.

Eclesiastés 5:7

Joꞌcan nak cui la̱ex junes matqꞌuec nequeba̱nu ut junes a̱tinac nequeba̱nu, aꞌan ma̱cꞌaꞌ na-oc cuiꞌ. Li cꞌaꞌru tento xba̱nunquil, aꞌan xxucuanquil ru li Ka̱cuaꞌ Dios.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Li xHu LAJ JOB 35:15

La̱at nacaye nak li Dios incꞌaꞌ najoskꞌoꞌ chi moco naxqꞌueheb chixtojbal xma̱queb li ani nequeꞌma̱cob.

Proverbios 28:14

Us xak reheb li ani nequeꞌxxucua ru li Ka̱cuaꞌ. Abanan eb li cauheb xchꞌo̱l ut li incꞌaꞌ nequeꞌxtau xya̱lal, ra teꞌxcꞌul.

Jeremías 44:10

Toj chalen anakcuan la̱ex incꞌaꞌ quecubsi e̱rib chi moco niquine̱lokꞌoni. Ut incꞌaꞌ nequeba̱nu li cꞌaꞌru naxye saꞌ lin chakꞌrab li quinqꞌue e̱re la̱ex ut reheb ajcuiꞌ le̱ xeꞌto̱nil yucuaꞌ.