Eclesiastés 8:1 - Li Santil hu

¹ Ma̱ ani ta̱ru̱k tixjuntakꞌe̱ta rib riqꞌuin li cuan xnaꞌleb. Li ani cuan xnaꞌleb naxnau cꞌaꞌut nak nacꞌulman li cꞌaꞌak re ru saꞌ ruchichꞌochꞌ. Lix naꞌleb naxqꞌue chi sahocꞌ lix chꞌo̱l ut najala li riloba̱l xban nak sa chic saꞌ xchꞌo̱l.

Q'eqchi Bible

¹ Maajun truuq tixjuntaq'eeta rib' rik'in li wank xna'leb'. Ani naxnaw xch'olob'ankil xyaalalil chixjunil li k'a'aq re ru? Li wank xna'leb' junelik se'se' ru na'ilok.

Eclesiastés 8:1 ပူးပေါင်းရင်းမြစ်များ

Hechos 6:15

Ut chixjunileb li nequeꞌtaklan saꞌ xbe̱neb laj judío li cꞌojcꞌo̱queb aran queꞌril laj Esteban ut queꞌxqꞌue retal nak nalemtzꞌun li riloba̱l. Chanchan na-iloc jun li ángel.

Deuteronomio 28:50

Kꞌaxal joskꞌeb. Incꞌaꞌ teꞌril xtokꞌoba̱l e̱ru, chi moco li cocꞌal, chi moco li ac ti̱xeb.

2 Pedro 1:20

Chetauhak xya̱lal aꞌin xbe̱n cua: li a̱tin quilajeꞌxtzꞌi̱ba li profeta saꞌ li Santil Hu incꞌaꞌ naru yalak ani ta̱jalok re xjunes.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Hechos 4:29

Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

Proverbios 17:24

Li cuan xnaꞌleb junelic yo̱ chixcꞌoxlanquil chanru nak tixtau xtzꞌakob lix naꞌleb. Abanan li incꞌaꞌ naxtau xnaꞌleb moco chꞌolchꞌo ta ru li cꞌaꞌru naxba̱nu.

Li xHu LAJ JOB 33:23

Abanan cui cuan ta junak xtakl li Dios naxnau a̱tinac, ta̱cha̱lk raj ut tixchꞌolob raj chiru li cui̱nk cꞌaꞌru us tixba̱nu.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Proverbios 24:5

Kꞌaxal us nak cua̱nk xnaꞌleb chiru nak cua̱nk xcuanquil.

Proverbios 1:6

Ut re ajcuiꞌ nak tixtau ru li a̱tin li nequeꞌxye li cuanqueb xnaꞌleb, li a̱tin li chꞌaꞌaj xtaubal ru.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Romanos 13:5

Joꞌcan nak tento texpa̱ba̱nk chiruheb li cuanqueb xcuanquil saꞌ xbe̱n li tenamit. Ma̱cuaꞌ yal re nak incꞌaꞌ texqꞌuehekꞌ chixtojbal rix le̱ ma̱c; re aj ban cuiꞌ nak cꞌojcꞌo̱k e̱chꞌo̱l riqꞌuin xba̱nunquil li cꞌaꞌru us.

Proverbios 21:29

Eb li incꞌaꞌ useb xnaꞌleb nequeꞌxye nak cauheb rib. Abanan li ti̱queb xchꞌo̱l nequeꞌxnau cua̱nc saꞌ ti̱quilal.

Éxodo 34:35

Ut eb laj Israel nequeꞌril nak nalemtzꞌun li ru laj Moisés. Xban aꞌan laj Moisés naxtzꞌap cuiꞌchic li ru riqꞌuin li tꞌicr. Caꞌaj cuiꞌ nak yo̱ chi a̱tinac riqꞌuin li Dios narisi li tꞌicr saꞌ ru.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.

Daniel 2:22

Aꞌan naxcꞌutbesi chiku li incꞌaꞌ nakatau ru ut li chꞌaꞌaj xtaubal ru. Aꞌan naxnau chixjunil li cꞌaꞌak re ru incꞌaꞌ nakanau la̱o. Chixjunil cutan saken chiru aꞌan.