Eclesiastés 7:8 - Li Santil hu

⁸ Kꞌaxal us nak ta̱choy li cꞌanjel li ac xatiquib xba̱nunquil chiru nak ta̱tiquib xba̱nunquil jun chic cꞌanjel ut incꞌaꞌ ta̱choy xba̱nunquil. Ut kꞌaxal us li cuyuc ib chiru li nimobresi̱nc ib.

Q'eqchi Bible

⁸ Q'axal us xchoyb'al junaq k'anjel chiru li yal xtikib'ankil. Ut q'axal us li kuyuk chiru li nimob'resink ib'.

Eclesiastés 7:8 ပူးပေါင်းရင်းမြစ်များ

Hebreos 10:36

La̱ex tento te̱cuy li cꞌaꞌru na-ux e̱re re nak te̱ba̱nu li naraj li Dios. Ut riqꞌuin aꞌan te̱cꞌul li yechiꞌinbil e̱re xban li Dios.

Proverbios 14:29

Li ani cuan xnaꞌleb incꞌaꞌ najoskꞌoꞌ chi junpa̱t. Ut li ani incꞌaꞌ nacuyuc naxcꞌutbesi nak ma̱cꞌaꞌ xnaꞌleb.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

Santiago 5:11

La̱o nakaye nak us xak reheb li nequeꞌcuyuc raylal. Xerabi resil chanru nak laj Job quixcuy xnumsinquil li raylal. Ut nequenau nak mokon li Dios quirosobtesi. Li Ka̱cuaꞌ Dios na-uxta̱nan ut natokꞌoban u.

Santiago 5:8

Joꞌcan ajcuiꞌ la̱ex checuyak oybeni̱nc ut me̱chꞌinan e̱chꞌo̱l. Cacuubresihomak ban e̱chꞌo̱l xban nak li Ka̱cuaꞌ chi se̱b ta̱cha̱lk cuiꞌchic.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

San Lucas 21:19

Cui incꞌaꞌ nachꞌinan e̱chꞌo̱l saꞌ le̱ pa̱ba̱l usta yo̱kex chi cꞌuluc raylal te̱re̱chani li junelic yuꞌam.

Proverbios 16:32

Kꞌaxal us nak cua̱nk a̱cuyum chiru nak cauhak a̱cuib. Ut kꞌaxal us nak ta̱nau xcuybal a̱cuib chiru nak ta̱cue̱chani junak tenamit.

Proverbios 15:18

Li ani chꞌinpoꞌ naxnimobresi ru li chꞌaꞌajquilal. Abanan li ani incꞌaꞌ najoskꞌoꞌ saꞌ junpa̱t, aꞌan naxyi̱b ru li chꞌaꞌajquilal saꞌ usilal.

San Lucas 16:25

Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

Proverbios 28:25

Li ani naxrahi ru li cꞌaꞌak re ru yal re aꞌan xjunes, aꞌan nayoꞌoban ple̱t. Abanan li ani naxcꞌojob xchꞌo̱l riqꞌuin li Dios us ta̱e̱lk riqꞌuin li cꞌaꞌru naxba̱nu.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Efesios 4:2

Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

Eclesiastés 7:1

Kꞌaxal us nak cha̱bil ta̱yehekꞌ chirix li junju̱nk xban nak cha̱bil lix naꞌleb. Aꞌan kꞌaxal us chiru li sununquil ban. Ut kꞌaxal us li ca̱mc chiru li yoꞌla̱c.