Eclesiastés 7:3 - Li Santil hu

³ Kꞌaxal us li ya̱bac chiru li seꞌec xban nak li raylal naxtenkꞌa junak chixtaubal xnaꞌleb.

Q'eqchi Bible

³ Q'axal us li yaab'ak chiru li se'ek, xb'aan naq li rahil ch'oolej nokooxtenq'a chi xtawb'al qana'leb'.

Eclesiastés 7:3 ပူးပေါင်းရင်းမြစ်များ

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

San Lucas 6:25

Raylal cha̱lel saꞌ e̱be̱n la̱ex li cuan nabal cꞌaꞌru e̱re xban nak ta̱cuulak xkꞌehil nak ma̱cꞌaꞌ chic cua̱nk e̱re re textzaca̱nk. Raylal cha̱lel saꞌ e̱be̱n la̱ex li nequexseꞌec anakcuan xban xsahil e̱chꞌo̱l xban nak mokon texya̱bak xban xrahil e̱chꞌo̱l.

San Lucas 6:21

Us xak e̱re la̱ex li textzꞌoca̱k anakcuan xban nak ta̱cꞌojoba̱k e̱chꞌo̱l. Us xak e̱re la̱ex li yo̱quex chi ya̱bac anakcuan xban xrahil e̱chꞌo̱l xban nak saꞌ jun cutan texseꞌek xban xsahil e̱chꞌo̱l.

Daniel 10:19

Ut aꞌan quixye cue: —Li Dios nacatxra. Tuktu̱quil usilal chicua̱nk a̱cuiqꞌuin. Chacacuubresi la̱ chꞌo̱l ut matxucuac, chan cue. Nak quixye cue aꞌan, quicuecꞌa nak cuan chic inmetzꞌe̱u. Usin chic. Ut la̱in quinye re: —At Ka̱cuaꞌ, anakcuan a̱tinan cuiqꞌuin. Us chic nacuecꞌa xban nak la̱at xaqꞌue cuiꞌchic inmetzꞌe̱u, chanquin re.

Salmos 119:71

Kꞌaxal us chokꞌ cue nak xincꞌul li raylal xban nak riqꞌuin li raylal li xincꞌul, xinqꞌue inchꞌo̱l chixtzolbal la̱ chakꞌrab.

Salmos 119:67

Nak toj ma̱jiꞌ nincꞌul li raylal, la̱in quinba̱nu li cꞌaꞌru quicuaj injunes. Abanan anakcuan ninba̱nu chic li cꞌaꞌru naxye la̱ cua̱tin.

Eclesiastés 2:2

Joꞌcan nak quinqꞌue retal nak li seꞌec, aꞌan yal to̱ntil naꞌleb. Ut li sahil chꞌo̱lej saꞌ ruchichꞌochꞌ ma̱cꞌaꞌ na-oc cuiꞌ.

Eclesiastés 7:4

Li ani cuan xnaꞌleb nacꞌoxlac chirix li ca̱mc. Ut li ani ma̱cꞌaꞌ xnaꞌleb caꞌaj cuiꞌ li ninkꞌei̱c naxcꞌoxla.