Eclesiastés 7:26 - Li Santil hu

²⁶ Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

Q'eqchi Bible

²⁶ Xink'e ajwi' reetal naq li ixq ink'a' us xna'leb' naab'al chik li rahilal naxk'am chaq chiru li kamk. Li ixq a'an chanchan jun ra'al, naxyal xq'e chi q'unb'esink rik'in li xch'ool ut eb' li xtel. Wi laa'at nakapaab' li Yos, taakol aawib' chiru li ixq a'an; ab'an wi ink'a' nakapaab' li Yos, tatt'ane'q sa' li xra'al.

Eclesiastés 7:26 ပူးပေါင်းရင်းမြစ်များ

Proverbios 22:14

Li cꞌaꞌru naxye li ixk incꞌaꞌ us xnaꞌleb, aꞌan chanchan jun li jul cham ut aran nequeꞌtꞌaneꞌ li nequeꞌtzꞌekta̱na̱c xban li Ka̱cuaꞌ.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Proverbios 2:16

Cui la̱at cuan a̱naꞌleb, ta̱nau xcolbal a̱cuib chiruheb li ixk li incꞌaꞌ useb xnaꞌleb li nequeꞌkꞌunbesin riqꞌuin cha̱bil a̱tin.

Proverbios 9:18

Ut eb aꞌan incꞌaꞌ nequeꞌxnau nak li yo̱queb cuiꞌ chi bokecꞌ aꞌan xnaꞌajeb li camenak. Incꞌaꞌ nequeꞌxqꞌue retal nak yo̱queb chi xic saꞌ xbehil li ca̱mc.

Éxodo 10:7

Ut eb laj cꞌanjel chiru laj faraón queꞌxye re laj faraón: —¿Joꞌ najtil chic toxchꞌiꞌchꞌiꞌi li cui̱nk aꞌin? Canabeb chi xic laj Israel re nak eb aꞌan teꞌxlokꞌoni chak li Ka̱cuaꞌ lix Dioseb. ¿Ma incꞌaꞌ nacacuil nak x-osoꞌ li katenamit Egipto? chanqueb.

Proverbios 6:23

Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Proverbios 6:24

Cui nequeqꞌue saꞌ e̱chꞌo̱l le̱ kꞌusbal, te̱nau xcolbal e̱rib chiruheb li ixk li incꞌaꞌ useb xnaꞌleb, li nequeꞌkꞌunbesin riqꞌuin cha̱bil a̱tin.

Eclesiastés 7:27

Nak yo̱quin xtzꞌilbal rix li cꞌaꞌak re ru aꞌin, quintau li naꞌleb aꞌin, la̱in li ninnau a̱tinac chi cha̱bil.

Génesis 19:35

Saꞌ li kꞌojyi̱n aꞌan queꞌxcaltesi cuiꞌchic lix yucuaꞌeb. Ut li i̱tzꞌinbej co̱ chi cua̱rc riqꞌuin. Abanan lix yucuaꞌ incꞌaꞌ quixqꞌue retal nak quicuan riqꞌuin lix rabin xban lix calajic.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.