Eclesiastés 7:24 - Li Santil hu

²⁴ Incꞌaꞌ quinru xtzꞌilbal rix li cꞌaꞌak re ru aꞌin xban nak kꞌaxal chꞌaꞌaj xtaubal ru. Ma̱ ani naru xtaubal ru li cꞌaꞌak re ru aꞌin.

Q'eqchi Bible

²⁴ Najt ut cham wank chixjunil li k'a'aq re ru: ani taatawoq re?

Eclesiastés 7:24 ပူးပေါင်းရင်းမြစ်များ

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Salmos 139:6

Cꞌajoꞌ la̱ naꞌleb ut kꞌaxal lokꞌ xcꞌoxlanquil. Ma̱ jokꞌe tintau ru chixjunil li nacacꞌoxla la̱at.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Salmos 36:6

At Ka̱cuaꞌ, lix ti̱quilal la̱ chꞌo̱l cuan chi junelic joꞌ eb li ni̱nki tzu̱l cuanqueb chi junelic. Kꞌaxal numtajenak la̱ naꞌleb chi rakoc a̱tin. Chanchan xchamal li nimla palau li incꞌaꞌ naru xbisbal. At Ka̱cuaꞌ, la̱at nacat-iloc reheb li cristian saꞌ ruchichꞌochꞌ joꞌ ajcuiꞌ eb li xul.

Li xHu LAJ JOB 37:23

La̱o incꞌaꞌ nakatau ru li cꞌaꞌru naxba̱nu li nimajcual Dios. Aꞌan kꞌaxal cau rib ut ti̱c xchꞌo̱l. Ut xban nak ti̱c xchꞌo̱l, ma̱ ani naxba̱nu raylal re.

Eclesiastés 8:17

Ut quinqꞌue retal nak ma̱ ani nataꞌoc ru li cꞌaꞌru naxba̱nu li Dios. Li cui̱nk ma̱ jokꞌe tixtau ru li cꞌaꞌru naxba̱nu li Dios saꞌ ruchichꞌochꞌ, usta tixtacuasi rib chixsicꞌbal. Li cuan xnaꞌleb naru naxye nak naxnau, abanan ma̱ jokꞌe tixtau ru.