Eclesiastés 7:20 - Li Santil hu

²⁰ Relic chi ya̱l ma̱ jun cuan saꞌ ruchichꞌochꞌ li kꞌaxal ta ti̱c xchꞌo̱l chi incꞌaꞌ ta ta̱ma̱cobk.

Q'eqchi Bible

²⁰ Ab'anan moko wank ta junaq tiik xch'ool sa' ruuchich'och' li tixb'aanu li us chi junelik, chi ink'a' ta taamaakob'q.

Eclesiastés 7:20 ပူးပေါင်းရင်းမြစ်များ

Romanos 3:23

Chixjunileb xeꞌma̱cob ut incꞌaꞌ nequeꞌxcꞌul li lokꞌal li naxqꞌue li Dios.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

1 Reyes 8:46

Ma̱ ani incꞌaꞌ ta nama̱cob. Nak eb la̱ tenamit ta̱ma̱cobk cha̱cuu, la̱at tatjoskꞌokꞌ riqꞌuineb. Ut ta̱kꞌaxtesiheb saꞌ rukꞌeb li xicꞌ nequeꞌiloc reheb re nak teꞌchapekꞌ ut teꞌcꞌamekꞌ saꞌ xtenamiteb li xicꞌ nequeꞌiloc reheb, usta najt, usta nachꞌ.

Proverbios 20:9

Ma̱ ani naru nayehoc re nak tzꞌakal re ru li ra̱m. Incꞌaꞌ naru naxye nak ma̱cꞌaꞌ chic li ma̱c riqꞌuin.

2 Crónicas 6:36

Ma̱ ani incꞌaꞌ ta nama̱cob. Nak eb la̱ tenamit ta̱ma̱cobk cha̱cuu, la̱at tatjoskꞌokꞌ riqꞌuineb. Ut ta̱kꞌaxtesiheb saꞌ rukꞌeb li xicꞌ nequeꞌiloc reheb re nak teꞌchapekꞌ ut teꞌcꞌamekꞌ saꞌ xtenamiteb li xicꞌ nequeꞌiloc reheb, usta najt, usta nachꞌ.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Salmos 143:2

Incꞌaꞌ taxak tatrakok a̱tin saꞌ inbe̱n la̱in aj cꞌanjel cha̱cuu xban nak ma̱ ani ta̱ru̱k tixye nak ma̱cꞌaꞌ xma̱c cha̱cuu.

Salmos 130:3

At Ka̱cuaꞌ, cui ta la̱at nacaqꞌue saꞌ a̱chꞌo̱l li ma̱c li nakaba̱nu, ma̱ ani raj ta̱ru̱k ta̱colekꞌ chiru li tojba ma̱c.

Li xHu LAJ JOB 33:12

Abanan li cꞌaꞌru xaye moco us ta xban nak li Dios nim xcuanquil chiru li cui̱nk.

Levítico 13:39

laj tij ta̱ril lix ra. Cui xsakoꞌ lix tibel ut incꞌaꞌ nalemtzꞌun, yal xox x-el chirix. Moco muxbil ta ru li cristian aꞌan.

1 Samuel 20:34

Ma̱ caꞌchꞌin xjoskꞌil laj Jonatán nak qui-el saꞌ li me̱x ut incꞌaꞌ quicuaꞌac saꞌ xcab li cutan nak yo̱queb chixninkꞌeinquil li xyoꞌlajic li po. Cꞌajoꞌ nak yo̱ chi cꞌoxlac chirix laj David xban nak lix yucuaꞌ ta̱raj xcamsinquil.

Salmos 14:1

Eb li jip nequeꞌxye saꞌ xchꞌo̱leb nak ma̱cꞌaꞌ li Dios. Kꞌaxal yibru xnaꞌlebeb. Junes ma̱usilal nequeꞌxba̱nu. Ut ma̱ jun naxba̱nu li us saꞌ xya̱nkeb.

Salmos 14:3

Abanan chixjunileb queꞌxtzꞌekta̱na li Dios ut nequeꞌxba̱nu li ma̱usilal. Ma̱ ani naraj xba̱nunquil li us. Yal ta jun.