Eclesiastés 7:2 - Li Santil hu

² Kꞌaxal us nak toxic chi yoꞌlec camenak chiru nak toxic chi ninkꞌei̱c. Li ani toj yoꞌyo, tento nak cua̱nk saꞌ xchꞌo̱l lix camic xban nak aꞌan li rosoꞌjic li junju̱nk.

Q'eqchi Bible

² Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

Eclesiastés 7:2 ပူးပေါင်းရင်းမြစ်များ

Salmos 90:12

Cꞌut chiku chanru nak takara li kayuꞌam re nak cua̱nk kanaꞌleb chixba̱nunquil li us.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Deuteronomio 32:46

Tojoꞌnak quixye reheb: —Qꞌuehomak retal chixjunil li xinye e̱re chiru li cutan aꞌin ut cheba̱nuhak. Ut te̱ye reheb le̱ ralal e̱cꞌajol nak teꞌxba̱nu chixjunil li naxye saꞌ li chakꞌrab aꞌin.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

San Mateo 5:4

Us xak reheb li nequeꞌya̱bac xban xrahileb xchꞌo̱l xban nak eb aꞌan ta̱cꞌojoba̱k xchꞌo̱leb.

Hageo 1:5

Li nimajcual Dios quixye reheb: —Checꞌoxla chi us li cꞌaꞌru yo̱quex chixba̱nunquil.

Isaías 47:7

La̱ex queye, “Junelic ta̱cua̱nk kacuanquil.” Abanan incꞌaꞌ quecꞌoxla li cꞌaꞌru queba̱nu, chi moco quecꞌoxla li cꞌaꞌru yo̱quex chixcꞌulbal anakcuan.

Números 23:10

Incꞌaꞌ naru rajlanquileb li ralal xcꞌajol laj Jacob. Chanchaneb li poks xban xqꞌuialeb. Usan cui tinca̱mk joꞌ nak nequeꞌcam li ti̱queb xchꞌo̱l. Usan cui tin-osokꞌ joꞌ nak nequeꞌosoꞌ eb aꞌan, chan laj Balaam.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Eclesiastés 2:14

Li ani cuan xnaꞌleb naxnau cꞌaꞌru ta̱cha̱lk saꞌ xbe̱n. Ut li ma̱cꞌaꞌ xnaꞌleb incꞌaꞌ naxnau cꞌaꞌru ta̱cha̱lk saꞌ xbe̱n. Abanan juntakꞌe̱t tixcꞌul li cuan xnaꞌleb riqꞌuin li ma̱cꞌaꞌ xnaꞌleb.

Eclesiastés 2:16

Nak telajeꞌnumekꞌ li cutan ma̱ ani chic ta̱cꞌoxla̱nk re li cuan xnaꞌleb joꞌ ajcuiꞌ li ma̱cꞌaꞌ xnaꞌleb. Ta̱sachk ban saꞌ xchꞌo̱leb chi junaj cua. Ta̱ca̱mk li cuan xnaꞌleb ut ta̱ca̱mk ajcuiꞌ li ma̱cꞌaꞌ xnaꞌleb.

Eclesiastés 3:19

Relic chi ya̱l nak eb li cui̱nk ut eb li xul juntakꞌe̱t nequeꞌxcꞌul. Li xul nacam. Joꞌcaneb ajcuiꞌ eb li cristian nequeꞌcam. Junaj ajcuiꞌ li ikꞌ naxmusikꞌa li xul riqꞌuineb li cristian. Moco kꞌaxal ta us li cui̱nk chiru li xul xban nak chixjunil li cuan saꞌ ruchichꞌochꞌ ma̱cꞌaꞌ na-oc cuiꞌ.

Eclesiastés 3:20

Nak nequeꞌcam li xul nequeꞌsukꞌi chꞌochꞌ. Joꞌcan ajcuiꞌ li cristian. Nak nequeꞌcam nequeꞌsukꞌi chꞌochꞌ. Chꞌochꞌ oquenakeb ut nak teꞌca̱mk, nequeꞌsukꞌi cuiꞌchic chꞌochꞌ.

Eclesiastés 6:6

Li cui̱nk aꞌin xru raj xcuan cuibak mil chihab saꞌ ruchichꞌochꞌ. Abanan cui incꞌaꞌ xyal xsahil li cꞌaꞌru cuan re, ma̱cꞌaꞌ na-oc cuiꞌ. ¿Ma incꞌaꞌ ta biꞌ ta̱ca̱mk li cui̱nk joꞌ nak quicam li cꞌulaꞌal?

Eclesiastés 9:2

Chixjunileb juntakꞌe̱t teꞌxcꞌul. Juntakꞌe̱t teꞌxcꞌul li ti̱queb xchꞌo̱l riqꞌuineb li incꞌaꞌ ti̱queb xchꞌo̱l. Juntakꞌe̱t teꞌxcꞌul li cha̱bileb xnaꞌleb riqꞌuineb li incꞌaꞌ useb xnaꞌleb. Juntakꞌe̱t teꞌxcꞌul li nequeꞌxba̱nu li us riqꞌuineb li nequeꞌxba̱nu ma̱usilal. Juntakꞌe̱t teꞌxcꞌul li nequeꞌxqꞌue lix cꞌatbil mayej riqꞌuineb li incꞌaꞌ nequeꞌxqꞌue lix cꞌatbil mayej. Juntakꞌe̱t teꞌxcꞌul li ma̱cꞌaꞌeb xma̱c riqꞌuineb li cuanqueb xma̱c. Juntakꞌe̱t teꞌxcꞌul li nequeꞌyechiꞌin cꞌaꞌak re ru riqꞌuin juramento riqꞌuineb li incꞌaꞌ nequeꞌxba̱nu li juramento.

Eclesiastés 9:3

Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Jeremías 16:8

Mat-oc saꞌ junak cab yo̱ cuiꞌ junak ninkꞌe. Matcꞌojla chi cuaꞌac chi ucꞌac rochbeneb.

Eclesiastés 9:5

Li toj yoꞌyo̱queb nequeꞌxnau nak teꞌca̱mk. Ut eb li ac camenakeb chic ma̱cꞌaꞌ nequeꞌxnau, chi moco cuan ta cꞌaꞌru teꞌroybeni. Ut ma̱ ani chic ta̱jultica̱nk reheb.