Eclesiastés 7:18 - Li Santil hu

¹⁸ Us nak te̱ba̱nu li cꞌaꞌru nequecꞌoxla xba̱nunquil, abanan incꞌaꞌ chinumta̱k li cꞌaꞌru te̱ba̱nu xban nak li ani naxxucua ru li Dios, us na-el riqꞌuin li cꞌaꞌru li naxba̱nu.

Q'eqchi Bible

¹⁸ Wanqat sa' xyi li b'e. Chawoxloq'i li Yos; chi jo'kan us tat-elq sa' chixjunil laak'anjel.

Eclesiastés 7:18 ပူးပေါင်းရင်းမြစ်များ

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

San Lucas 11:42

—Ra cha̱lel saꞌ e̱be̱n la̱ex aj fariseo. Nequemayeja li junju̱nk saꞌ xlaje̱tkil li isquiꞌij, li ruda ut li cꞌaꞌak re ru chi ichajil li natiꞌeꞌ. Abanan incꞌaꞌ nequera li Dios ut incꞌaꞌ nequeba̱nu li ti̱quilal. Us xqꞌuebal li junju̱nk saꞌ xlaje̱tkil, abanan kꞌaxal cuiꞌchic tento xra̱bal li Dios ut xba̱nunquil li ti̱quilal.

San Lucas 1:50

Li Ka̱cuaꞌ junelic na-uxta̱nan u. Naruxta̱na ruheb li nequeꞌxucuan ru.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Eclesiastés 11:6

Nak tat-a̱uk, ta̱cuau la̱ cuiyaj ekꞌela ut ta̱cuau cuiꞌchic ecuu xban nak incꞌaꞌ nacanau bar cuan li ta̱e̱lk chi us, ma li ta̱cuau xbe̱n cua, malaj ut li ta̱cuau mokon, malaj ut juntakꞌe̱t ta̱e̱lk.

Eclesiastés 8:12

Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

Eclesiastés 3:14

Ut ninqꞌue ajcuiꞌ retal nak chixjunil li naxba̱nu li Dios ta̱cua̱nk chi junelic. Chixjunil li cꞌaꞌru quixba̱nu incꞌaꞌ naru xqꞌuebal xtzꞌakob chi moco naru xjepbal. Li Dios quixba̱nu chi joꞌcaꞌin re nak chixjunileb teꞌxxucua ru.

Proverbios 8:20

Li cha̱bil naꞌleb li ninqꞌue, aꞌan naxcꞌut chanru nak texcua̱nk saꞌ xya̱lal ut saꞌ ti̱quilal.

Eclesiastés 5:7

Joꞌcan nak cui la̱ex junes matqꞌuec nequeba̱nu ut junes a̱tinac nequeba̱nu, aꞌan ma̱cꞌaꞌ na-oc cuiꞌ. Li cꞌaꞌru tento xba̱nunquil, aꞌan xxucuanquil ru li Ka̱cuaꞌ Dios.

Eclesiastés 8:13

Ac chꞌolchꞌo nak eb li nequeꞌxba̱nu li ma̱usilal incꞌaꞌ us teꞌxcꞌul xban nak yal nequeꞌxnumsi lix yuꞌameb chi ma̱cꞌaꞌ rajbal. Incꞌaꞌ nequeꞌxqꞌue xlokꞌal li Dios ut incꞌaꞌ nequeꞌxxucua ru.

Proverbios 12:21

Ma̱ jun chꞌaꞌajquilal teꞌxcꞌul li ti̱queb xchꞌo̱l. Abanan li incꞌaꞌ useb xnaꞌleb ta̱cha̱lk chixjunil li chꞌaꞌajquilal saꞌ xbe̱neb.