Eclesiastés 7:17 - Li Santil hu

¹⁷ Cheqꞌuehak retal cꞌaꞌru te̱ba̱nu re nak incꞌaꞌ ta̱numta̱k le̱ ma̱usilal saꞌ e̱be̱n. Ut me̱ba̱nu to̱ntil naꞌleb. ¿Cꞌaꞌru aj e nak texca̱mk chi toj ma̱jiꞌ nacuulac xkꞌehil?

Q'eqchi Bible

¹⁷ Mixik xb'een laamaa'usilal, chi moko chinumtaaq li memil sa' aab'een. K'a' naq tatkamq chi maji'aq xq'ehil?

Eclesiastés 7:17 ပူးပေါင်းရင်းမြစ်များ

Proverbios 10:27

Li ani naxxucua ru li Dios ta̱najtokꞌ ru lix yuꞌam saꞌ ruchichꞌochꞌ. Abanan li nequeꞌxba̱nu ma̱usilal incꞌaꞌ najt teꞌcua̱nk saꞌ ruchichꞌochꞌ.

Salmos 55:23

At Ka̱cuaꞌ, la̱at ta̱sach ruheb li nequeꞌxcamsi ras ri̱tzꞌin ut ta̱sach ruheb laj balakꞌ. Toj ma̱jiꞌ ajcuiꞌ nacuulac yijach lix yuꞌameb arin saꞌ ruchichꞌochꞌ nak ta̱sacheb. Abanan la̱in, at Ka̱cuaꞌ, cau inchꞌo̱l a̱cuiqꞌuin.

Li xHu LAJ JOB 22:16

Eb aꞌan ticto queꞌcam chi toj ma̱jiꞌ nacuulac xkꞌehil. Chanchan nimaꞌ quicꞌamoc reheb nak queꞌosoꞌ.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

Hechos 5:10

Ut saꞌ ajcuiꞌ li ho̱nal aꞌan lix Safira quitꞌaneꞌ chi rok laj Pedro ut camenak quicana. Eb li cui̱nk queꞌoc saꞌ cab ut queꞌril nak camenak chic. Queꞌrisi ut coxeꞌxmuk chak chixcꞌatk lix be̱lom.

Hechos 5:5

Nak quirabi li a̱tin li quixye laj Pedro, quitꞌaneꞌ laj Ananías ut camenak quicana. Ut cꞌajoꞌ nak qui-oc xxiuheb chixjunileb li queꞌiloc re joꞌqueb ajcuiꞌ li queꞌabin resil.

1 Samuel 25:38

Nak ac xnumeꞌ laje̱b cutan chic, li Ka̱cuaꞌ quixrak xyuꞌam laj Nabal ut quicam.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

Ezequiel 16:20

Ut camayejaheb chiruheb li yi̱banbil dios la̱ cualal a̱cꞌajol li quinqꞌue a̱cue. ¿Ma caꞌchꞌin ta biꞌ li ma̱usilal li caba̱nu nak quina̱tzꞌekta̱na?

Ezequiel 8:17

Ut li chanchan cui̱nk quixye cue: —At ralal cui̱nk, ¿ma xacuil chixjunil aꞌin? ¿Ma incꞌaꞌ nacꞌojla xchꞌo̱leb laj Judá nak nequeꞌxba̱nu li ma̱usilal aꞌin? ¿Ma incꞌaꞌ tzꞌakal nak nequeꞌrahobtesin yalak bar? Ut nequeꞌchal arin saꞌ lin templo chixba̱nunquil li ma̱usilal re nak teꞌxqꞌue injoskꞌil. Niquineꞌxmajecua nak nequeꞌxqꞌue li rukꞌ cheꞌ saꞌ ruꞌujeb.

2 Samuel 6:20

Ut laj David co̱ saꞌ rochoch chixtzꞌa̱manquil chiru li Dios nak ta̱rosobtesiheb li cuanqueb saꞌ li rochoch. Lix Mical qui-el chixcꞌulbal ut quixhob ut quixye re: —Anakcuan qꞌuebil chic a̱lokꞌal, at rey, riqꞌuin li cꞌaꞌru xaba̱nu chiruheb li ixk, lix mo̱seb li nequeꞌcꞌanjelac cha̱cuu. Riqꞌuin li cꞌaꞌru xaba̱nu, xacꞌutbesi a̱cuib joꞌ nequeꞌxba̱nu li incꞌaꞌ nequeꞌxnau xuta̱nac, chan.

Hechos 16:28

Ut laj Pablo quixjap re chi cau ut quixye: —Ma̱camsi a̱cuib. Chikajunilo cuanco arin, chan.