Eclesiastés 7:15 - Li Santil hu

¹⁵ Usta ma̱cꞌaꞌ na-oc cuiꞌ lin yuꞌam, abanan xinqꞌue retal li cuib chi naꞌleb aꞌin: Cuan nak eb li ti̱queb xchꞌo̱l nequeꞌcam nak toj sa̱jeb. Ut cuan nak eb li incꞌaꞌ useb xnaꞌleb najt nequeꞌcuan saꞌ ruchichꞌochꞌ.

Q'eqchi Bible

¹⁵ Yal numelin arin sa' ruuchich'och', ut xink'e reetal chixjunil a'in: wankeb' chaab'ileb' xch'ool li neke'kamk, us ta chaab'il li xna'leb'eb'; ut wankeb' li ink'a' useb' xch'ool najt neke'wank sa' ruuchich'och', us ta k'ajo' xmaa'usilaleb'.

Eclesiastés 7:15 ပူးပေါင်းရင်းမြစ်များ

Eclesiastés 6:12

¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

Isaías 65:20

Incꞌaꞌ chic teꞌca̱mk li cꞌulaꞌal. Eb li che̱quel cristian toj ta̱tzꞌaklok lix chihabeb. Li ani teꞌca̱mk nak ac xeꞌxba̱nu oꞌcꞌa̱l chihab, chanchan nak toj sa̱jeb nak teꞌca̱mk. Cui ani nacam nak toj ma̱jiꞌ naxba̱nu oꞌcꞌa̱l chihab, aꞌan retalil nak tzꞌekta̱nanbilak xban lix ma̱c.

Eclesiastés 9:9

Chanumsi la̱ yuꞌam chi sa saꞌ a̱chꞌo̱l riqꞌuin li ixk li nacara. Chanumsihak chi us la̱ yuꞌam li ma̱cꞌaꞌ na-oc cuiꞌ li quiqꞌueheꞌ a̱cue saꞌ ruchichꞌochꞌ, xban nak caꞌaj cuiꞌ aꞌan li naru ta̱ba̱nu re xyalbal xsahil la̱ cꞌanjel.

Eclesiastés 3:16

La̱in ninqꞌue retal nak saꞌ ruchichꞌochꞌ junes raylal ut ma̱usilal nequeꞌxba̱nu saꞌ eb li naꞌajej li nequeꞌrakoc cuiꞌ a̱tin. Aran raj nequeꞌrakoc a̱tin saꞌ ti̱quilal.

Eclesiastés 2:23

Nak li cui̱nk cuan saꞌ ruchichꞌochꞌ junes raylal naxcꞌul ut junes chꞌaꞌajquilal. Incꞌaꞌ nahilan chiru kꞌojyi̱n xban li cꞌoxlac. Chixjunil aꞌin ma̱cꞌaꞌ na-oc cuiꞌ.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

1 Reyes 21:13

Ut queꞌcuulac li cui̱nk li incꞌaꞌ useb xnaꞌleb. Queꞌchunla chiru laj Nabot ut queꞌxye li ticꞌtiꞌ chiruheb li tenamit. Queꞌxye nak laj Nabot quixmajecua li Dios ut quixmajecua ajcuiꞌ li rey. Ut queꞌxcꞌam laj Nabot chire tenamit ut queꞌxcuti chi pec toj retal quicam.

Génesis 47:9

Ut laj Jacob quichakꞌoc ut quixye re: —Jun ciento riqꞌuin laje̱b xcaꞌcꞌa̱l (130) chihab cuoquic chi be̱c la̱in yalak bar. Nabal li raylal xincꞌul saꞌ ruchichꞌochꞌ ut incꞌaꞌ qꞌui lin chihab joꞌ lix chihab eb lin xeꞌto̱nil yucuaꞌ nak queꞌcuan saꞌ ruchichꞌochꞌ, chan laj Jacob.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

Salmos 10:3

Li incꞌaꞌ useb xnaꞌleb nequeꞌxnimobresi ribeb riqꞌuin li cꞌaꞌru nequeꞌxrahi ru lix chꞌo̱leb. Ut nequeꞌxqꞌue xlokꞌal li naxrahi ru cꞌaꞌak re ru, aban nequeꞌxtzꞌekta̱na li Dios.