Eclesiastés 7:14 - Li Santil hu

¹⁴ Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

Q'eqchi Bible

¹⁴ Chisaho'q sa' laach'ool sa' xq'ehil li sahilal. Ab'an wi taachalq li rahilal sa' aab'een, chak'oxla naq chixjunil nachalk rik'in li Yos, ut maa'ani naxnaw li k'aru chalk re sa' xb'een.

Eclesiastés 7:14 ပူးပေါင်းရင်းမြစ်များ

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Eclesiastés 3:4

Cuan li ho̱nal re ya̱bac, ut cuan li ho̱nal re seꞌec. Cuan li ho̱nal re rahil chꞌo̱lej, ut cuan xcutanquil li ninkꞌei̱c.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Deuteronomio 28:47

Li Ka̱cuaꞌ qui-osobtesin e̱re riqꞌuin chixjunil. Abanan la̱ex incꞌaꞌ quexcꞌanjelac chiru chi anchal e̱chꞌo̱l, chi moco chi sa saꞌ e̱chꞌo̱l, riqꞌuin chixjunil li quixqꞌue e̱re.

Deuteronomio 8:3

Usta quexcanab chixcuybal raylal ut chixcuybal e̱tzꞌocajic, abanan mokon quixqꞌue li maná re te̱cuaꞌ, li ma̱ jun sut e̱cuaꞌom chi moco le̱ xeꞌto̱nil yucuaꞌ queꞌcuaꞌoc re. Quixba̱nu chi joꞌcan re nak te̱qꞌue retal nak ma̱cuaꞌ caꞌaj cuiꞌ riqꞌuin li cua yoꞌyo cuiꞌ li cui̱nk. Riqꞌuin ban li a̱tin li naxye li Ka̱cuaꞌ.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Santiago 5:13

Cui cuan junak saꞌ e̱ya̱nk cuan saꞌ raylal, chitijok chiru li Dios. Ut cui cuan junak sa saꞌ xchꞌo̱l, chixbicha xlokꞌal li Dios.

San Mateo 9:13

Cheqꞌuehak biꞌ e̱chꞌo̱l chixtaubal ru lix ya̱lal li a̱tin aꞌin: “li kꞌaxal lokꞌ chicuu, aꞌan li uxta̱na̱nc u ut ma̱cuaꞌ li mayejac xul”. La̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l teꞌxjal xcꞌaꞌux, chan li Jesús.

Miqueas 6:9

Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

Salmos 119:71

Kꞌaxal us chokꞌ cue nak xincꞌul li raylal xban nak riqꞌuin li raylal li xincꞌul, xinqꞌue inchꞌo̱l chixtzolbal la̱ chakꞌrab.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

Salmos 40:3

Numtajenak li sahil chꞌo̱lej quixqꞌue cue. Tinbicha jun li acꞌ bich re xlokꞌoninquil li kaDios. Nabaleb li teꞌabi̱nk re li bich ut teꞌxqꞌue xlokꞌal ut teꞌxpa̱b li Ka̱cuaꞌ.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Eclesiastés 12:8

La̱in, li ninnau a̱tinac chi cha̱bil, ninye nak lix naꞌleb li ruchichꞌochꞌ ma̱cꞌaꞌ na-oc cuiꞌ. Chixjunil ma̱cꞌaꞌ na-oc cuiꞌ.

1 Reyes 8:47

Abanan nak chapcho̱keb xbaneb li jalaneb xtenamit, ma̱re ta̱julticokꞌ reheb nak incꞌaꞌ us xeꞌxba̱nu ut teꞌxjal xcꞌaꞌuxeb. Ut ma̱re teꞌtijok chak saꞌ li tenamit bar cua̱nkeb cuiꞌ chak ut teꞌxye: “Xoma̱cob. Incꞌaꞌ us xkaba̱nu. Xkaba̱nu li ma̱usilal,” chaꞌkeb.

Deuteronomio 8:5

Chijulticokꞌ e̱re nak li Ka̱cuaꞌ le̱ Dios naxtijeb li ralal xcꞌajol joꞌ nak li yucuaꞌbej naxtij li ralal xcꞌajol.

Deuteronomio 26:11

Ut la̱ex, ut eb laj levita, joꞌ eb ajcuiꞌ li jalan xtenamit li cuanqueb saꞌ e̱ya̱nk teꞌsahokꞌ saꞌ e̱chꞌo̱l xban li sahil echej li quixqꞌue e̱re li Ka̱cuaꞌ le̱ Dios ut reheb ajcuiꞌ le̱ jun cablal.

Li xHu LAJ JOB 2:10

Laj Job quixye re li rixakil: —¿Cꞌaꞌut nak nacat-a̱tinac chi joꞌcan? La̱at to̱ntil naꞌleb nacaye. Cui nakacꞌul li us li naxqꞌue ke li Dios, ¿cꞌaꞌut nak incꞌaꞌ takacꞌul li raylal li nachal saꞌ kabe̱n? chan re. Ut riqꞌuin chixjunil li raylal li quixcꞌul ma̱ jun a̱tin quixye re xtzꞌekta̱nanquil li Dios.

Eclesiastés 8:7

xban nak ma̱ ani naxnau cꞌaꞌru tixcꞌul, chi moco cuan ta junak naru tixye cꞌaꞌru ta̱cꞌulma̱nk mokon.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

Eclesiastés 10:14

Li ma̱cꞌaꞌ xnaꞌleb cꞌajoꞌ nacuulac chiru a̱tinac. Abanan ¿ma ta̱ru̱k ta biꞌ tixye cꞌaꞌru ta̱cꞌulma̱nk? Incꞌaꞌ, xban nak ma̱ ani nanaꞌoc re cꞌaꞌru ta̱cꞌulma̱nk mokon nak ma̱ anihak chic aꞌan.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Eclesiastés 5:17

Li ani naxnumsi lix yuꞌam chi ma̱cꞌaꞌ rajbal chanchan saꞌ kꞌojyi̱n cuan. Nabal li raylal xcꞌul ut nabal li chꞌaꞌajquilal ut yajel.

Lamentaciones 3:38

Nakacꞌul li us joꞌ ajcuiꞌ li incꞌaꞌ us xban nak joꞌcan naraj li Ka̱cuaꞌ.