Eclesiastés 7:12 - Li Santil hu

¹² Li naꞌleb naxtenkꞌa li junju̱nk. Joꞌcan ajcuiꞌ li tumin naxtenkꞌa li junju̱nk. Abanan li ani cuan xnaꞌleb naxnau xcolbal rix lix yuꞌam.

Q'eqchi Bible

¹² Li chaab'il na'leb' natenq'ank qe; jo'kan ajwi' li tumin. Ab'anan najtaq roq li qayu'am wi wank qachoxahil na'leb'.

Eclesiastés 7:12 ပူးပေါင်းရင်းမြစ်များ

Proverbios 8:35

Li ani nasicꞌoc re li cha̱bil naꞌleb naxtau li junelic yuꞌam. Ut li ani nasicꞌoc re naxtau li rusilal li Ka̱cuaꞌ.

Proverbios 3:18

Cui cuan e̱naꞌleb, naru nacuan e̱yuꞌam chi junelic. Us xak re li ani naxnau xxocbal saꞌ xchꞌo̱l li naꞌleb aꞌin.

Proverbios 2:7

Li Ka̱cuaꞌ naxqꞌue cha̱bil naꞌleb reheb li ti̱queb xchꞌo̱l ut naxcoleb li nequeꞌcuan saꞌ ti̱quilal chiru.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 12:50

La̱in ninnau nak li cꞌaꞌru naxye cue li Yucuaꞌbej, aꞌan li naqꞌuehoc yuꞌam chi junelic. Ut li cꞌaꞌru ninye la̱in, aꞌan li naxcꞌutbesi chicuu li Yucuaꞌbej.

Proverbios 11:4

Li biomal incꞌaꞌ naru nacoloc saꞌ xkꞌehil li rakba a̱tin. Abanan li ti̱quilal nacoloc chiru li ca̱mc.

Jueces 9:15

Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Proverbios 9:11

Cui cha̱bil la̱ naꞌleb ta̱najtokꞌ ru la̱ yuꞌam saꞌ ruchichꞌochꞌ.

Proverbios 2:11

Xban nak se̱b chic a̱chꞌo̱l ta̱nau chic cꞌoxlac ut naru ta̱col a̱cuib chiru li cꞌaꞌak re ru ta̱cha̱lk saꞌ a̱be̱n.

Salmos 57:1

Chatokꞌoba taxak cuu, at inDios. Chacuuxta̱na taxak cuu xban nak caꞌaj cuiꞌ a̱cuiqꞌuin cau inchꞌo̱l. Tincuaj xcolbal cuib rubel la̱ cuanquil toj retal ta̱numekꞌ li raylal aꞌin saꞌ inbe̱n.

Li xHu LAJ JOB 1:10

¿Ma ma̱cuaꞌ ta biꞌ la̱at yo̱cat chi coloc rix lix jun cablal ut chixjunil li cꞌaꞌru cuan re? Ut la̱at ajcuiꞌ yo̱cat chi osobtesi̱nc re riqꞌuin chixjunil li cꞌaꞌru naxba̱nu. Joꞌcan nak yo̱ chi qꞌuia̱nc li cꞌaꞌru re saꞌ ruchichꞌochꞌ.

Deuteronomio 32:47

Li chakꞌrab li quixqꞌue li Dios ma̱cuaꞌ yal a̱tin. Cuan ban rajbal xban nak aꞌan ta̱qꞌuehok e̱yuꞌam. Cui te̱ba̱nu li cꞌaꞌru naxye saꞌ li chakꞌrab, najt texcua̱nk saꞌ li naꞌajej li xic e̱re chire̱chaninquil jun pacꞌal li nimaꞌ Jordán, chan laj Moisés.

Isaías 30:2

Nequeꞌxic Egipto chixsicꞌbal xtenkꞌanquileb chi incꞌaꞌ nequeꞌxpatzꞌ cue ma us malaj ut incꞌaꞌ us li nequeꞌxba̱nu. Nequeꞌraj nak li tenamit Egipto ta̱colok reheb. Eb aꞌan cauheb xchꞌo̱l riqꞌuin laj faraón.

Proverbios 14:20

Eb li nebaꞌ tzꞌekta̱nanbileb xbaneb li rami̱g, usta rami̱gueb. Abanan eb li biom nabal li rami̱gueb.

Eclesiastés 2:13

La̱in xinqꞌue retal nak kꞌaxal us li cha̱bil naꞌleb chiru li naꞌleb ma̱cꞌaꞌ na-oc cuiꞌ, joꞌ li cutan kꞌaxal us chiru li kꞌojyi̱n.

Eclesiastés 7:19

Li ani cuan xnaꞌleb naqꞌueheꞌ xcacuilal xban lix naꞌleb ut cau rib chiru laje̱b chi cui̱nk li cuanqueb xcuanquil.

Eclesiastés 9:16

Nak ninqꞌue retal aꞌin la̱in ninye nak kꞌaxal us nak cua̱nk kanaꞌleb chiru nak cauhak kib. Abanan eb aꞌan queꞌxtzꞌekta̱na lix naꞌleb li cui̱nk aꞌan yal xban nak nebaꞌ ut incꞌaꞌ queꞌrabi li cꞌaꞌru quixye.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

Eclesiastés 10:19

Li ninkꞌe naqꞌuehoc sahil chꞌo̱lej. Ut li vino naxqꞌue ajcuiꞌ xsahil xchꞌo̱leb li cuanqueb saꞌ ruchichꞌochꞌ. Abanan li tumin, aꞌan li naxba̱nu chixjunil aꞌin.