Eclesiastés 6:6 - Li Santil hu

⁶ Li cui̱nk aꞌin xru raj xcuan cuibak mil chihab saꞌ ruchichꞌochꞌ. Abanan cui incꞌaꞌ xyal xsahil li cꞌaꞌru cuan re, ma̱cꞌaꞌ na-oc cuiꞌ. ¿Ma incꞌaꞌ ta biꞌ ta̱ca̱mk li cui̱nk joꞌ nak quicam li cꞌulaꞌal?

Q'eqchi Bible

⁶ chiru junaq winq li kiyo'yook wiib' mil chihab' ut ink'a' kixyal xsahil li k'aru wank re. Chiqajunilo junaj toxooraqe'q wi'.

Eclesiastés 6:6 ပူးပေါင်းရင်းမြစ်များ

Eclesiastés 3:20

Nak nequeꞌcam li xul nequeꞌsukꞌi chꞌochꞌ. Joꞌcan ajcuiꞌ li cristian. Nak nequeꞌcam nequeꞌsukꞌi chꞌochꞌ. Chꞌochꞌ oquenakeb ut nak teꞌca̱mk, nequeꞌsukꞌi cuiꞌchic chꞌochꞌ.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Li xHu LAJ JOB 30:23

La̱in ninnau nak la̱at ta̱cuaj tinca̱mk. Ninnau nak la̱at ta̱cuaj nak tinxic saꞌ li naꞌajej li teꞌxic cuiꞌ chixjunileb li nequeꞌcam.

Jeremías 17:6

Li jun aꞌan ma̱cꞌaꞌ na-oc cuiꞌ. Chanchanak li tun qꞌuix li cuan saꞌ li chaki chꞌochꞌ. Ta̱cua̱nk saꞌ li naꞌajej li chaki ru bar ma̱cꞌaꞌ cuiꞌ cristian.

Isaías 65:22

Incꞌaꞌ teꞌxyi̱b li rochocheb re nak jalan teꞌcua̱nk aran, chi moco teꞌa̱uk re nak jalan chic teꞌtzaca̱nk re. Li sicꞌbil ruheb inban teꞌxyal xsahil li cꞌaꞌru reheb li xeꞌxcꞌanjela ru xban nak najtak rok lix yuꞌameb joꞌ eb li ni̱nki cheꞌ.

Isaías 65:20

Incꞌaꞌ chic teꞌca̱mk li cꞌulaꞌal. Eb li che̱quel cristian toj ta̱tzꞌaklok lix chihabeb. Li ani teꞌca̱mk nak ac xeꞌxba̱nu oꞌcꞌa̱l chihab, chanchan nak toj sa̱jeb nak teꞌca̱mk. Cui ani nacam nak toj ma̱jiꞌ naxba̱nu oꞌcꞌa̱l chihab, aꞌan retalil nak tzꞌekta̱nanbilak xban lix ma̱c.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Eclesiastés 6:3

Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Salmos 34:12

¿Ma te̱raj nak najtak rok le̱ yuꞌam saꞌ ruchichꞌochꞌ? Ut, ¿ma te̱raj nak sa cua̱nkex?

Li xHu LAJ JOB 7:7

At Ka̱cuaꞌ, at inDios, lin yuꞌam yo̱ chi osocꞌ saꞌ junpa̱t. Ma̱cꞌaꞌ chic xsahil inchꞌo̱l.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

Génesis 5:5

Bele̱b ciento riqꞌuin laje̱b xcaꞌcꞌa̱l (930) chihab cuan re laj Adán nak quicam.

Eclesiastés 2:14

Li ani cuan xnaꞌleb naxnau cꞌaꞌru ta̱cha̱lk saꞌ xbe̱n. Ut li ma̱cꞌaꞌ xnaꞌleb incꞌaꞌ naxnau cꞌaꞌru ta̱cha̱lk saꞌ xbe̱n. Abanan juntakꞌe̱t tixcꞌul li cuan xnaꞌleb riqꞌuin li ma̱cꞌaꞌ xnaꞌleb.

Eclesiastés 6:5

Li cꞌulaꞌal aꞌan incꞌaꞌ qui-iloc cutan chi moco quixnau ru li cua̱nc saꞌ ruchichꞌochꞌ. Abanan kꞌaxal us quixcꞌul li cꞌulaꞌal aꞌan chiru li quixcꞌul li cui̱nk xban nak co̱ chi hila̱nc.

Eclesiastés 7:2

Kꞌaxal us nak toxic chi yoꞌlec camenak chiru nak toxic chi ninkꞌei̱c. Li ani toj yoꞌyo, tento nak cua̱nk saꞌ xchꞌo̱l lix camic xban nak aꞌan li rosoꞌjic li junju̱nk.

Eclesiastés 9:2

Chixjunileb juntakꞌe̱t teꞌxcꞌul. Juntakꞌe̱t teꞌxcꞌul li ti̱queb xchꞌo̱l riqꞌuineb li incꞌaꞌ ti̱queb xchꞌo̱l. Juntakꞌe̱t teꞌxcꞌul li cha̱bileb xnaꞌleb riqꞌuineb li incꞌaꞌ useb xnaꞌleb. Juntakꞌe̱t teꞌxcꞌul li nequeꞌxba̱nu li us riqꞌuineb li nequeꞌxba̱nu ma̱usilal. Juntakꞌe̱t teꞌxcꞌul li nequeꞌxqꞌue lix cꞌatbil mayej riqꞌuineb li incꞌaꞌ nequeꞌxqꞌue lix cꞌatbil mayej. Juntakꞌe̱t teꞌxcꞌul li ma̱cꞌaꞌeb xma̱c riqꞌuineb li cuanqueb xma̱c. Juntakꞌe̱t teꞌxcꞌul li nequeꞌyechiꞌin cꞌaꞌak re ru riqꞌuin juramento riqꞌuineb li incꞌaꞌ nequeꞌxba̱nu li juramento.