Eclesiastés 6:3 - Li Santil hu

³ Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Q'eqchi Bible

³ Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.

Eclesiastés 6:3 ပူးပေါင်းရင်းမြစ်များ

Li xHu LAJ JOB 3:16

¿Cꞌaꞌut nak incꞌaꞌ quincam chi toj ma̱jiꞌ nacuulac xkꞌehil inyoꞌlajic, joꞌ nequeꞌxcꞌul li cꞌulaꞌal li incꞌaꞌ nequeꞌiloc cutan?

Jeremías 22:19

Teꞌxmuk joꞌ nak namukeꞌ li bu̱r. Quelonbil teꞌxba̱nu nak teꞌxcꞌam toj chirix li tenamit Jerusalén. Ta̱cutekꞌ toj jun pacꞌal li oqueba̱l.

Eclesiastés 4:3

Abanan kꞌaxal cuiꞌchic us chokꞌ reheb li toj ma̱jiꞌ nequeꞌyoꞌla, xban nak toj ma̱jiꞌ nequeꞌril li ma̱usilal li na-uxman saꞌ ruchichꞌochꞌ.

2 Reyes 9:35

Abanan nak queꞌcuulac cuan cuiꞌ li camenak re teꞌxmuk, incꞌaꞌ chic queꞌxtau. Caꞌaj cuiꞌ lix bakel lix jolom, li rok ut li rukꞌ.

Génesis 47:9

Ut laj Jacob quichakꞌoc ut quixye re: —Jun ciento riqꞌuin laje̱b xcaꞌcꞌa̱l (130) chihab cuoquic chi be̱c la̱in yalak bar. Nabal li raylal xincꞌul saꞌ ruchichꞌochꞌ ut incꞌaꞌ qꞌui lin chihab joꞌ lix chihab eb lin xeꞌto̱nil yucuaꞌ nak queꞌcuan saꞌ ruchichꞌochꞌ, chan laj Jacob.

San Mateo 26:24

Relic chi ya̱l la̱in li Cꞌajolbej tincamsi̱k joꞌ tzꞌi̱banbil retalil chicuix saꞌ li Santil Hu. Abanan raylal cuan saꞌ xbe̱n li cui̱nk aꞌan li ta̱kꞌaxtesi̱nk cue. Kꞌaxal us raj chokꞌ re li cui̱nk aꞌan nak incꞌaꞌ raj quiyoꞌla, chan li Jesús.

Jeremías 36:30

Anakcuan tinye a̱cue, at rey Joacim, ma̱ jun reheb la̱ cualal a̱cꞌajol teꞌcꞌanjelak chokꞌ xreyeb li ralal xcꞌajol laj David. Ut nak tatca̱mk, la̱ tzꞌejcual tꞌantꞌo ta̱cana̱k. Tixcꞌul li sakꞌe chi cutan ut li xchuꞌque chiru kꞌojyi̱n.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

Proverbios 17:6

Lix lokꞌaleb li ac ti̱xeb, aꞌaneb li ri. Ut lix lokꞌaleb li alalbej cꞌajolbej, aꞌaneb lix naꞌ xyucuaꞌeb.

Salmos 58:8

Cheꞌxcꞌul taxak joꞌ naxcꞌul li pur nak na-osoꞌ. Cheꞌxcꞌul ta joꞌ naxcꞌul li cꞌulaꞌal li camenak nak nayoꞌla. Incꞌaꞌ na-iloc cutan.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Ester 5:11

Laj Amán qui-oc chixserakꞌinquil reheb chixjunil lix biomal. Quixye reheb nak nabaleb li ralal xcꞌajol ut nak sicꞌbil ru xban li rey. Ut quixye chanru nak quiqꞌueheꞌ xlokꞌal chiruheb chixjunileb ut quiqꞌueheꞌ xcuanquil saꞌ xbe̱neb chixjunileb li nequeꞌcꞌanjelac chiru li rey.

2 Crónicas 11:21

Laj Roboam kꞌaxal quixra lix Maaca chiruheb li jun chꞌol chic li rixakil joꞌ eb ajcuiꞌ li ixk li ma̱cuaꞌ tzꞌakal rixakil. Queꞌcuan cuakxaklajuheb li tzꞌakal rixakil ut queꞌcuan oxcꞌa̱l eb li ixk li ma̱cuaꞌ tzꞌakal rixakil. Ut queꞌcuan cuakxakib xcaꞌcꞌa̱l (28) li ralal ut oxcꞌa̱l (60) lix rabin.

1 Crónicas 28:5

Li Dios xqꞌue cue nabaleb li cualal. Ut saꞌ xya̱nkeb aꞌan quixsicꞌ ru laj Salomón re nak aꞌan chic ta̱oc chokꞌ xreyeb laj Israel lix tenamit li Dios.

2 Reyes 10:1

Laje̱b xca̱cꞌa̱l (70) li ralal laj Acab cuanqueb saꞌ li tenamit Samaria. Laj Jehú quixtzꞌi̱baheb li hu ut quixtakla reheb li nequeꞌtaklan saꞌ li tenamit Jezreel ut reheb li nequeꞌcꞌamoc be. Quixtakla ajcuiꞌ reheb li nequeꞌiloc reheb li ralal laj Acab. Saꞌ li hu quixye chi joꞌcaꞌin:

Génesis 33:5

Ut laj Esaú quirileb li ixk joꞌ eb ajcuiꞌ li cocꞌal ut quixye re laj Jacob: —¿Aniheb li cristian aꞌin? chan. Laj Jacob quixye re: —Aꞌineb lin cocꞌal li quixqꞌue cue li Ka̱cuaꞌ Dios.—

Eclesiastés 6:4

Usta li cꞌulaꞌal aꞌin li yal quinumeꞌ incꞌaꞌ quiyoꞌla saꞌ xya̱lal, quicana yal chi joꞌcan. Chanchan quicana saꞌ kꞌojyi̱n chi ma̱cꞌaꞌ xcꞌabaꞌ.

Li xHu LAJ JOB 3:11

¿Cꞌaꞌut nak incꞌaꞌ quincam nak toj ma̱jiꞌ ninyoꞌla? Us raj nak quincam ta nak yo̱quin chi yoꞌla̱c.