Eclesiastés 6:2 - Li Santil hu

² Cuanqueb li nequeꞌqꞌueheꞌ xbiomal ut xlokꞌal xban li Dios. Chixjunil cuan reheb. Ma̱cꞌaꞌ napaltoꞌ chiruheb. Abanan li Dios incꞌaꞌ naxqꞌueheb chixyalbal xsahil lix biomaleb. Jalan ban chic aj e nacana cuiꞌ. Aꞌin ma̱cꞌaꞌ na-oc cuiꞌ. Aꞌan jun raylal ut chꞌaꞌajquilal chokꞌ reheb li cristian.

Q'eqchi Bible

² wankeb' li neke'k'ehe'k xb'ihomal ut xloq'al xb'aan li Yos. Chixjunil wank reheb' ut maak'a' namajelo'k chiruheb'; ab'anan li Yos ink'a' naxk'eheb' chi xyalb'al xsahil li xb'ihomaleb': jalan chik taayaloq xsahil. Ma ink'a' tab'i' nimla rahilal a'in ut maak'a' xyaalal?

Eclesiastés 6:2 ပူးပေါင်းရင်းမြစ်များ

Eclesiastés 5:19

Cui li Dios naxqꞌue xbiomal li junju̱nk, naxqꞌue re nak ta̱ru̱k ta̱cuaꞌak ut ta̱ucꞌak ut tixyal xsahil lix cꞌanjel ut ta̱sahokꞌ saꞌ xchꞌo̱l nak yo̱ chi cꞌanjelac. Aꞌin aꞌan jun ma̱tan naxqꞌue li Dios.

Salmos 17:14

Riqꞌuin la̱ cuanquil china̱col chiruheb li sa nequeꞌxnumsi li cutan junju̱nk xban lix biomaleb arin saꞌ ruchichꞌochꞌ. Canabeb chixba̱nunquil li cꞌaꞌru nequeꞌraj toj retal teꞌosokꞌ joꞌqueb ajcuiꞌ li ralal xcꞌajol ut eb li ri xmam.

Salmos 73:7

Kꞌaxal ni̱nkeb xtibeleb xban nak cuan chixjunil reheb. Joꞌcan ajcuiꞌ li ma̱usilal li cuan saꞌ ra̱meb. Kꞌaxal numtajenak xqꞌuial.

1 Reyes 3:13

Tinqꞌue a̱lokꞌal ut tinqꞌue a̱biomal usta incꞌaꞌ xatzꞌa̱ma chicuu. Ma̱ jun chic rey ta̱cua̱nk joꞌ la̱at joꞌ najtil yoꞌyo̱kat saꞌ ruchichꞌochꞌ.

Lamentaciones 5:2

Eb li jalaneb xtenamit queꞌxmakꞌ chiku li kanaꞌaj li xke̱chani junxil. Ut queꞌxmakꞌ ajcuiꞌ li kochoch.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

Oseas 7:9

Yo̱ xsachbal xcuanquileb xbaneb li jalaneb xtenamit ut eb aꞌan incꞌaꞌ nequeꞌxqꞌue retal. Chanchan li yo̱ chi sakocꞌ xjolomeb nak yo̱queb chi osocꞌ xbaneb li jalaneb xtenamit ut incꞌaꞌ nequeꞌxqꞌue retal.

Daniel 5:18

At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Eclesiastés 5:16

Aꞌin chꞌaꞌaj xcꞌoxlanquil nak nayoꞌla li cristian ma̱cꞌaꞌ cuan re. Joꞌcan ajcuiꞌ nak nacam. Ma̱cꞌaꞌ naxcꞌam chirix. Riqꞌuin aꞌin nakaqꞌue retal nak ma̱cꞌaꞌ aj e nak naxcamsi rib chi cꞌanjelac.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

2 Crónicas 1:11

Li Ka̱cuaꞌ quirabi lix tij laj Salomón ut quixye re: —Us li xatzꞌa̱ma chicuu. La̱at incꞌaꞌ xatzꞌa̱ma nak tinnajtobresi rok la̱ yuꞌam, chi moco xatzꞌa̱ma la̱ biomal, chi moco la̱ lokꞌal. Chi moco xatzꞌa̱ma chicuu nak teꞌca̱mk li xicꞌ nequeꞌiloc a̱cue. Xatzꞌa̱ma ban chicuu nak tinqꞌue a̱naꞌleb re nak ta̱nau takla̱nc saꞌ xya̱lal saꞌ xbe̱neb lin tenamit li xatinxakab cuiꞌ chokꞌ rey.

1 Crónicas 29:28

Ac ti̱x chic chi us laj David nak quicam. Najt rok lix yuꞌam ut cuan xlokꞌal ut xbiomal. Ut aꞌ chic laj Salomón li ralal, aꞌan li qui-oc chokꞌ xreyeb laj Israel chokꞌ re̱kaj laj David.

1 Crónicas 29:25

Ut li Ka̱cuaꞌ quixnimobresi xcuanquil laj Salomón chiruheb chixjunileb laj Israel. Ma̱ jun chic rey quicuan nak toj ma̱jiꞌ na-oc saꞌ xcuanquil laj Salomón quiqꞌueheꞌ xlokꞌal joꞌ laj Salomón.

Jueces 18:10

Tocuulak chi pletic riqꞌuineb chi ma̱cꞌaꞌ saꞌ xchꞌo̱leb li cuanqueb aran. Toxkatau jun nimla naꞌajej. Saꞌ li naꞌajej aꞌan ma̱cꞌaꞌ pa̱lt. Cuan ban chixjunil. Li Dios ac xkꞌaxtesi li naꞌajej aꞌan saꞌ kukꞌ, chanqueb.

Deuteronomio 28:43

Ta̱nima̱nk xcuanquileb li jalaneb xtenamit li cuanqueb saꞌ e̱ya̱nk, ut la̱ex ta̱sachk le̱ cuanquil chi timil timil.

Deuteronomio 28:33

Ut li jalaneb xtenamit tixmakꞌ che̱ru le̱ racui̱mk li xetacuasi e̱rib xcꞌanjelanquil. Xicꞌ chic tex-ilekꞌ ut junes raylal chic te̱cꞌul.

Eclesiastés 5:13

Cuan jun chic li chꞌaꞌajquilal ninqꞌue retal arin saꞌ ruchichꞌochꞌ kꞌaxal ra rilbal. Aꞌan li xxocbal nabal li biomal yal re nak tixcꞌul chꞌaꞌajquilal mokon.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Eclesiastés 5:18

Riqꞌuin chixjunil aꞌin la̱in xinqꞌue retal nak li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li quixcꞌanjela ru nak cuan arin saꞌ ruchichꞌochꞌ. Lix yuꞌam quiqꞌueheꞌ re xban li Dios. Tento ta̱cꞌanjelak xban nak ac tenebanbil saꞌ xbe̱n.