Eclesiastés 6:12 - Li Santil hu

¹² ¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Q'eqchi Bible

¹² Ma wank tab'i' junaq nanawok re k'aru tz'aqal li us cho'q re li winq naq wank arin sa' ruuchich'och'? Li xyu'am nanume'k sa' junpaat kama' junaq mu. Maa'ani naru chi xyeeb'al qe k'aru taak'ulmanq moqon, chirix li qakamik.

Eclesiastés 6:12 ပူးပေါင်းရင်းမြစ်များ

Santiago 4:14

Aban la̱ex incꞌaꞌ nequenau cꞌaꞌru te̱cꞌul cuulaj caꞌbej xban nak li kayuꞌam chanchan li chok. Junpa̱t ajcuiꞌ nacuan ut junpa̱t chic ac ma̱cꞌaꞌ chic.

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Li xHu LAJ JOB 14:2

Lix yuꞌameb aꞌan chanchan li utzꞌuꞌuj napuqꞌueꞌ ut junpa̱t natzꞌumar. Saꞌ junpa̱t na-osoꞌ ut incꞌaꞌ chic nacuan.

Salmos 144:4

Li cui̱nk ma̱cꞌaꞌ na-oc cuiꞌ. Incꞌaꞌ najt nacuan xyuꞌam. Chanchan li ikꞌ li nanumeꞌ chi junpa̱t.

Eclesiastés 8:13

Ac chꞌolchꞌo nak eb li nequeꞌxba̱nu li ma̱usilal incꞌaꞌ us teꞌxcꞌul xban nak yal nequeꞌxnumsi lix yuꞌameb chi ma̱cꞌaꞌ rajbal. Incꞌaꞌ nequeꞌxqꞌue xlokꞌal li Dios ut incꞌaꞌ nequeꞌxxucua ru.

Eclesiastés 8:7

xban nak ma̱ ani naxnau cꞌaꞌru tixcꞌul, chi moco cuan ta junak naru tixye cꞌaꞌru ta̱cꞌulma̱nk mokon.

Li xHu LAJ JOB 8:9

La̱o li cuanco anakcuan, ma̱cꞌaꞌ nakanau. Li kayuꞌam saꞌ li ruchichꞌochꞌ aꞌin junpa̱t na-osoꞌ.

1 Crónicas 29:15

La̱o chanchano li jalaneb xtenamit cha̱cuu xban nak la̱o yal numelo joꞌ eb li kaxeꞌto̱nil yucuaꞌ. Li kayuꞌam arin saꞌ ruchichꞌochꞌ saꞌ junpa̱t ta̱osokꞌ.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Eclesiastés 9:6

Li ac camenakeb chic incꞌaꞌ chic nequeꞌrahoc, chi moco xicꞌ chic nequeꞌiloc ut incꞌaꞌ chic nequeꞌcakalin, chi moco teꞌoque̱nk chic riqꞌuin li cꞌaꞌru na-uxman saꞌ ruchichꞌochꞌ.

Eclesiastés 2:3

Xban nak junes xsicꞌbal innaꞌleb yo̱quin, quincꞌoxla nak tintau xsahil inchꞌo̱l riqꞌuin li cala̱c. Joꞌcan nak quin-oc chi ucꞌac re rilbal ma aꞌan li us tixba̱nu li cui̱nk joꞌ najtil ta̱cua̱nk saꞌ ruchichꞌochꞌ.

Salmos 109:23

Yo̱ chi osocꞌ lin yuꞌam. Chanchan nak nanumeꞌ li kꞌojyi̱n saꞌ junpa̱t. Chanchanin chic laj sa̱cꞌ li yalak bar nacꞌameꞌ xban ikꞌ.

Salmos 102:11

Yo̱ chi osocꞌ lin yuꞌam. Chanchan nak na-ecuu chi junpa̱t li cutan. Chanchanin aj chic li pim li nachakic chi junpa̱t.

Salmos 17:15

Aban la̱in xban nak ti̱c inchꞌo̱l, tincuil a̱cuu chi tzꞌakal. Ut ta̱sahokꞌ inchꞌo̱l chi cua̱nc a̱cuiqꞌuin saꞌ choxa.

Salmos 4:6

At Ka̱cuaꞌ, nabaleb nequeꞌyehoc re: ¿Ani ta cuiꞌ ta̱ba̱nu̱nk usilal ke? chanqueb. Aꞌut la̱in tintzꞌa̱ma cha̱cuu, at Ka̱cuaꞌ, chacuil taxak xtokꞌoba̱l ku.

Li xHu LAJ JOB 14:21

Incꞌaꞌ naxnau ma naqꞌueheꞌ xlokꞌaleb li ralal xcꞌajol malaj ut nacubsi̱c xcuanquileb. Aꞌan incꞌaꞌ naxnau.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Salmos 89:47

Chijulticokꞌ taxak a̱cue nak la̱o moco najt ta nococuan saꞌ ruchichꞌochꞌ xban nak yal cui̱nko. Ac joꞌcan nak coa̱yi̱b.

Salmos 47:4

Li Dios quisicꞌoc ru li naꞌajej li quixyechiꞌi ke. Li naꞌajej aꞌan quicuulac chiru laj Jacob, li raro xban li Dios.

Salmos 16:5

At Ka̱cuaꞌ, caꞌaj cuiꞌ la̱at nacattenkꞌan cue. A̱cuiqꞌuin nachal chixjunil li cꞌaꞌru nacuaj. Caꞌaj cuiꞌ la̱at yal a̱cue saꞌ inbe̱n.

Eclesiastés 2:24

Li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li cꞌaꞌru tixcꞌanjela. Ut la̱in xinqꞌue retal nak chixjunil li cꞌaꞌru cuan ke li Dios naqꞌuehoc re.

Eclesiastés 6:11

Li ani nacuulac chiru cuechꞌi̱nc, ma̱cꞌaꞌ na-oc cuiꞌ li naxba̱nu. Usta nabal li a̱tin naxye, ma̱cꞌaꞌ naxra nak naa̱tinac nabal.

Eclesiastés 7:15

Usta ma̱cꞌaꞌ na-oc cuiꞌ lin yuꞌam, abanan xinqꞌue retal li cuib chi naꞌleb aꞌin: Cuan nak eb li ti̱queb xchꞌo̱l nequeꞌcam nak toj sa̱jeb. Ut cuan nak eb li incꞌaꞌ useb xnaꞌleb najt nequeꞌcuan saꞌ ruchichꞌochꞌ.

Eclesiastés 9:9

Chanumsi la̱ yuꞌam chi sa saꞌ a̱chꞌo̱l riqꞌuin li ixk li nacara. Chanumsihak chi us la̱ yuꞌam li ma̱cꞌaꞌ na-oc cuiꞌ li quiqꞌueheꞌ a̱cue saꞌ ruchichꞌochꞌ, xban nak caꞌaj cuiꞌ aꞌan li naru ta̱ba̱nu re xyalbal xsahil la̱ cꞌanjel.

Eclesiastés 10:14

Li ma̱cꞌaꞌ xnaꞌleb cꞌajoꞌ nacuulac chiru a̱tinac. Abanan ¿ma ta̱ru̱k ta biꞌ tixye cꞌaꞌru ta̱cꞌulma̱nk? Incꞌaꞌ, xban nak ma̱ ani nanaꞌoc re cꞌaꞌru ta̱cꞌulma̱nk mokon nak ma̱ anihak chic aꞌan.