Eclesiastés 5:6 - Li Santil hu

⁶ Cheqꞌuehak retal li cꞌaꞌru te̱ba̱nu re nak incꞌaꞌ texma̱cobk xban li cꞌaꞌru te̱yechiꞌi. Ma̱re mokon te̱ye re laj cꞌanjel chiru li Dios nak xma̱cꞌaꞌil e̱naꞌleb xeba̱nu cuiꞌ. Li Dios naru nasach ru li ac xeba̱nu. ¿Cꞌaꞌut nak te̱chikꞌ xjoskꞌil li Dios riqꞌuin li cꞌaꞌru nequeye?

Q'eqchi Bible

⁶ Maakanab' naq laawe tatxk'e chi maakob'k. Mare anchal taaye moqon re laj k'anjel chiru li Yos naq xmaak'a'il aana'leb' xab'aanu wi'. K'a'ut naq taachiq' xjosq'il li Yos rik'in li k'aru xaye? Maak'e chi sache'k li ak xab'aanu.

Eclesiastés 5:6 ပူးပေါင်းရင်းမြစ်များ

Santiago 1:26

Cui junak naxcꞌoxla nak tzꞌakal aj pa̱banel, ut incꞌaꞌ naxqꞌue retal li cꞌaꞌru naxye, li jun aꞌan naxbalakꞌi rib xjunes rib ut lix pa̱ba̱l ma̱cꞌaꞌ na-oc cuiꞌ.

2 Juan 1:8

Cheqꞌuehak retal che̱ribil e̱rib re nak incꞌaꞌ ta̱cana̱k chi ma̱cꞌaꞌ rajbal le̱ cꞌanjel chiru li Dios. Tzꞌakalak ban re ru xkꞌajca̱munquil le̱ cꞌanjel te̱cꞌul riqꞌuin li Dios.

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Números 15:25

Laj tij ta̱mayejak re xtojbal rix le̱ ma̱c che̱junilex la̱ex aj Israel ut la̱in tincuy le̱ ma̱c xban nak xekꞌet li chakꞌrab chi incꞌaꞌ yal xraj e̱chꞌo̱l, ut xban nak te̱qꞌue le̱ cꞌatbil mayej chicuu ut te̱qꞌue ajcuiꞌ le̱ mayej re xtzꞌa̱manquil xcuybal le̱ ma̱c.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

1 Timoteo 5:21

Joꞌ chiru li Dios, joꞌ chiru li Ka̱cuaꞌ Jesucristo, joꞌ ajcuiꞌ chiruheb li santil ángel, la̱in nintzꞌa̱ma cha̱cuu nak ta̱ba̱nu la̱ taklanquil yo̱quin chixyebal a̱cue. Ut incꞌaꞌ ta̱sicꞌ ru junak. Juntakꞌe̱takeb ban chixjunileb nak ta̱cuileb. Jun xxiquic nak ta̱kꞌuseb li ani cuanqueb xma̱c.

1 Corintios 11:10

Joꞌcan nak li ixk tixtzꞌap lix jolom ut aꞌan retalil chiruheb li ángel nak li cui̱nk cuan xcuanquil saꞌ xbe̱n.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

Levítico 4:22

Cui junak aj cꞌamol be ta̱ma̱cobk riqꞌuin xkꞌetbal junak reheb lix chakꞌrab li Ka̱cuaꞌ lix Dios, aꞌan cuan xma̱c usta incꞌaꞌ naxnau nak ma̱c xba̱nu.

Proverbios 23:17

Me̱ra ru li ma̱usilal li nequeꞌxba̱nu eb laj ma̱c. Junelic ban chexucua ru li Dios.

Eclesiastés 3:14

Ut ninqꞌue ajcuiꞌ retal nak chixjunil li naxba̱nu li Dios ta̱cua̱nk chi junelic. Chixjunil li cꞌaꞌru quixba̱nu incꞌaꞌ naru xqꞌuebal xtzꞌakob chi moco naru xjepbal. Li Dios quixba̱nu chi joꞌcaꞌin re nak chixjunileb teꞌxxucua ru.

Eclesiastés 10:12

Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.