Eclesiastés 5:4 - Li Santil hu

⁴ Cui cꞌaꞌru te̱raj xyechiꞌinquil re li Dios, cheba̱nuhak chi junpa̱t xban nak li Dios incꞌaꞌ nacuulac chiru nak incꞌaꞌ nequeba̱nu li cꞌaꞌru nequeyechiꞌi re.

Q'eqchi Bible

⁴ Wi wank k'aru xayeechi'i re li Qaawa', matb'ayk chi xb'aanunkil, xb'aan naq li Yos ink'a' nawulak chiru eb' li jipeb' li ink'a' neke'xb'aanu li xe'xyeechi'i. A'ut laa'at jo'ch'inal jo'nimal xayeechi'i, b'aanu.

Eclesiastés 5:4 ပူးပေါင်းရင်းမြစ်များ

Números 30:2

Cui ani naxyechiꞌi re li Dios nak tixba̱nu li cꞌaꞌak re ru, malaj ut naxba̱nu li juramento, tento nak tixba̱nu li cꞌaꞌru quixyechiꞌi xba̱nunquil.

San Mateo 5:33

E̱rabiom resil nak quiyeheꞌ reheb le̱ xeꞌto̱nil yucuaꞌ chi joꞌcaꞌin: Li cꞌaꞌak re ru te̱yechiꞌi xba̱nunquil riqꞌuin juramento, tento te̱ba̱nu.

Salmos 76:11

Yechiꞌihomak re li Ka̱cuaꞌ le̱ Dios li cꞌaꞌru te̱raj te̱yechiꞌi re. Ut qꞌuehomak re li cꞌaꞌru te̱yechiꞌi re. Ut chixjunilex li cuanquex chi jun sutam cꞌamomak chak le̱ mayej chiru li Ka̱cuaꞌ li tento xxucuanquil ru.

Salmos 50:14

Li mayej li nacuaj la̱in, aꞌan nak tine̱lokꞌoni, la̱in li Ka̱cuaꞌ Dios. Ut te̱ba̱nu chi tzꞌakal li cꞌaꞌru xeyechiꞌi cue la̱in, li nimajcual Dios.

Salmos 116:14

La̱in tinqꞌue re li Ka̱cuaꞌ li cꞌaꞌru xinyechiꞌi re. Tinba̱nu chiruheb lix tenamit li Ka̱cuaꞌ nak chꞌutchꞌu̱keb.

Hebreos 10:6

Incꞌaꞌ nacuulac cha̱cuu li cꞌatbil mayej chi moco li cꞌaꞌak re ru chi mayejil re risinquil li ma̱c.

Malaquías 1:10

Li Ka̱cuaꞌ li nimajcual Dios quixye: —Us raj cuan ta junak e̱re tixtzꞌap raj xpuertil lin templo re nak ma̱ ani chic ta̱oc aran chixtzꞌabbal li xam saꞌ xbe̱n lin artal chi ma̱cꞌaꞌ rajbal. La̱in incꞌaꞌ sa saꞌ inchꞌo̱l e̱riqꞌuin ut incꞌaꞌ chic tincꞌul li nequemayeja chicuu.

Jonás 2:9

Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.

Salmos 119:106

La̱in xinba̱nu li juramento ut xinxakab xcuanquil. Ut xinye nak junelic tinba̱nu li cꞌaꞌru naxye la̱ chakꞌrab.

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Génesis 35:1

Ut li Dios quixye re laj Jacob: —Anakcuan yi̱bomak li cꞌaꞌru e̱re ut texxic saꞌ li tenamit Bet-el ut texcana̱k aran. Ut ta̱yi̱b junak li artal re tina̱lokꞌoni cuiꞌ. Aꞌan li naꞌajej li quincꞌutbesi cuiꞌ cuib cha̱cuu nak cat-e̱lelic chiru laj Esaú la̱ cuas, chan li Dios.

Isaías 19:21

Li Ka̱cuaꞌ tixcꞌutbesi rib chiruheb laj Egipto re nak teꞌxqꞌue retal nak aꞌan li Ka̱cuaꞌ ut teꞌxlokꞌoni. Teꞌxqꞌue chokꞌ xmayej li ru li trigo ut teꞌmayejak chiru li Ka̱cuaꞌ. Teꞌxye re li Ka̱cuaꞌ cꞌaꞌru li teꞌxba̱nu ut teꞌxba̱nu li cꞌaꞌru teꞌxyechiꞌi.

Génesis 28:20

Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

Jueces 11:35

Cꞌajoꞌ nak quirahoꞌ xchꞌo̱l laj Jefté nak quiril lix rabin. Quixpej li rakꞌ xban xrahil xchꞌo̱l ut quixye: —At inrabin, cꞌajoꞌ xrahil inchꞌo̱l nachal a̱ban. ¿Cꞌaꞌut nak la̱at li xbe̱n li xat-el chak chincꞌulbal? Ac xinyechiꞌi re li Dios nak tinmayejak chiru ut incꞌaꞌ naru tinkꞌet li cua̱tin, chan.

Salmos 22:25

Chiruheb chixjunileb la̱ cualal a̱cꞌajol tinqꞌue a̱lokꞌal. Ut chiruheb chixjunileb li nacateꞌxlokꞌoni tinqꞌue li xinyechiꞌi a̱cue.

Proverbios 20:25

Xiu xiu chokꞌ re junak cristian xyechiꞌinquil li cꞌaꞌak re ru re li Dios cui incꞌaꞌ tixcꞌoxla chi us xbe̱n cua. Ma̱re mokon tixqꞌue retal nak incꞌaꞌ ta̱ru̱k chixba̱nunquil.