Eclesiastés 5:2 - Li Santil hu

² Moco yalak cꞌaꞌru ta te̱ye chi incꞌaꞌ te̱cꞌoxla chi us. Incꞌaꞌ tex-oc xyechiꞌinquil re li Dios li cꞌaꞌru incꞌaꞌ naru te̱qꞌue xban nak li Dios saꞌ choxa cuan ut la̱ex saꞌ ruchichꞌochꞌ cuanquex. Cheba̱nuhak cue̱nt re nak incꞌaꞌ tex-a̱tinak nabal.

Q'eqchi Bible

² Ma yal aaseeb'a aawib' chi aatinak malaj chi k'oxlak naq wankat chiru li Qaawa', xb'aan naq li Yos wank sa' choxa ut laa'at sa' ruuchich'och'. K'oxla chi us li k'aru ok aawe chi xyeeb'al.

Eclesiastés 5:2 ပူးပေါင်းရင်းမြစ်များ

San Mateo 6:7

Ut nak textijok, me̱ye qꞌuila a̱tin chi ma̱cꞌaꞌ rajbal joꞌ nequeꞌxba̱nu li incꞌaꞌ nequeꞌxpa̱b li Dios. Eb aꞌan nequeꞌxcꞌoxla nak riqꞌuin li qꞌuila a̱tin, teꞌabi̱k xban li Dios.

Proverbios 10:19

Li ani nacuulac chiru a̱tinac chi nabal naru nama̱cob riqꞌuin li cꞌaꞌru naxye. Abanan li ani cuan xnaꞌleb incꞌaꞌ naa̱tinac chi ma̱cꞌaꞌ rajbal.

Isaías 55:9

Kꞌaxal cuiꞌchic nabal lin naꞌleb la̱in ut kꞌaxal cha̱bil chiru le̱ naꞌleb la̱ex. Lin cꞌaꞌux la̱in naxkꞌax ru le̱ cꞌaꞌux la̱ex. Chanchan xnajtil li choxa saꞌ xbe̱n li ruchichꞌochꞌ.

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

Eclesiastés 5:7

Joꞌcan nak cui la̱ex junes matqꞌuec nequeba̱nu ut junes a̱tinac nequeba̱nu, aꞌan ma̱cꞌaꞌ na-oc cuiꞌ. Li cꞌaꞌru tento xba̱nunquil, aꞌan xxucuanquil ru li Ka̱cuaꞌ Dios.

Génesis 18:27

Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

Santiago 3:2

Chikajunilo la̱o nocopaltoꞌ chi cocꞌ aj saꞌ. Cui cuan junak ma̱cꞌaꞌ xpaltil riqꞌuin li ra̱tin, aꞌan tzꞌakal re ru. Li ani naru naxcuy rib riqꞌuin li naxye, naru ajcuiꞌ naxcuy rib riqꞌuin li cꞌaꞌru naraj xba̱nunquil.

Eclesiastés 5:3

Incꞌaꞌ us nak yo̱kex chi cꞌoxlac chirix li cꞌaꞌak re ru, xban nak cui yo̱kex chi cꞌoxlac, yalak cꞌaꞌru tixcꞌut rib che̱ru saꞌ le̱ matcꞌ. Ut cui junes a̱tinac nequeba̱nu, yo̱quex chixba̱nunquil joꞌ nequeꞌxba̱nu li ma̱cꞌaꞌeb xnaꞌleb.

Proverbios 20:25

Xiu xiu chokꞌ re junak cristian xyechiꞌinquil li cꞌaꞌak re ru re li Dios cui incꞌaꞌ tixcꞌoxla chi us xbe̱n cua. Ma̱re mokon tixqꞌue retal nak incꞌaꞌ ta̱ru̱k chixba̱nunquil.

Génesis 28:20

Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

Salmos 115:3

Li kaDios, aꞌan cuan saꞌ choxa ut aꞌan naxba̱nu li cꞌaꞌru naraj.

Génesis 18:32

Toj quixtzꞌa̱ma cuiꞌchic xcuybal laj Abraham ut quixye re li Ka̱cuaꞌ: —Ba̱nu usilal, at Ka̱cuaꞌ, matjoskꞌoꞌ cuiqꞌuin. Caꞌaj chic anakcuan tinpatzꞌok a̱cue ut incꞌaꞌ chic tatinchꞌiꞌchꞌiꞌi. ¿Cꞌaꞌru ta̱ba̱nu cui laje̱b (10) ajcuiꞌ li ti̱queb xchꞌo̱l li cuanqueb saꞌ li tenamit? chan. Ut li Ka̱cuaꞌ quixye re laj Abraham: —Saꞌ xcꞌabaꞌeb li laje̱b li ti̱queb xchꞌo̱l, incꞌaꞌ tinsach ru li tenamit, chan li Ka̱cuaꞌ.

Génesis 18:30

Laj Abraham quixye cuiꞌchic re li Ka̱cuaꞌ: —Chacuy inma̱c. Us cui incꞌaꞌ tatjoskꞌokꞌ cuiqꞌuin xban nak tinpatzꞌok cuiꞌchic a̱cue. Ma̱re caꞌaj cuiꞌ laje̱b xcaꞌcꞌa̱l (30) cuanqueb. ¿Ma ta̱sacheb ru li tenamit? chan. Ut li Ka̱cuaꞌ quixye re, —Saꞌ xcꞌabaꞌeb li laje̱b xcaꞌcꞌa̱l (30) li ti̱queb xchꞌo̱l, la̱in tincuy xma̱queb li tenamit, chan.

Jueces 11:30

Ut laj Jefté quixye re li Ka̱cuaꞌ: —Xakꞌaxtesi ta saꞌ cuukꞌ eb li ralal xcꞌajol laj Amón.

San Marcos 6:23

Ut quixye ajcuiꞌ re li xkaꞌal: —Saꞌ xcꞌabaꞌ li Dios, tinqꞌue a̱cue li cꞌaꞌru ta̱patzꞌ cue. Usta yijach lin jun cablal ta̱patzꞌ cue, tinqꞌue a̱cue, chan.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Levítico 5:4

Joꞌcan ajcuiꞌ li cristian li tixba̱nu li juramento saꞌ junpa̱t chi incꞌaꞌ tixcꞌoxla chi us li cꞌaꞌru tixba̱nu, usta us usta incꞌaꞌ us li tixye saꞌ li juramento. Cui mokon chic tixqꞌue retal nak incꞌaꞌ us xba̱nu, aꞌan cuan xma̱c xban nak xba̱nu li cꞌaꞌak re ru aꞌin.

Eclesiastés 10:12

Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.

Eclesiastés 10:13

Li cui̱nk li ma̱cꞌaꞌ xnaꞌleb naxtiquib a̱tinac riqꞌuin to̱ntil naꞌleb. Ut nak narakeꞌ chi a̱tinac, kꞌaxal cuiꞌchic yibru li naxye.