Eclesiastés 5:14 - Li Santil hu

¹⁴ Cui incꞌaꞌ teꞌxnau rilbal lix biomal, ma̱re tixsach chixjunil chi ma̱cꞌaꞌ rajbal ut ma̱cꞌaꞌ chic ta̱cana̱k reheb li ralal xcꞌajol.

Q'eqchi Bible

¹⁴ Wi ink'a' naxnaw xk'anjelankil chi us li xtumin, sa' junpaat tixsach chixjunil ut maak'a' tixkanab' cho'q reheb' li ralal xk'ajol.

Eclesiastés 5:14 ပူးပေါင်းရင်းမြစ်များ

Hageo 1:9

Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Proverbios 23:5

La̱ex te̱qꞌue retal nak li biomal ma̱cꞌaꞌ na-oc cuiꞌ. Saꞌ junpa̱t na-osoꞌ. Chanchan nak narupupic li cꞌuch.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

Li xHu LAJ JOB 5:5

Ut li ru li racui̱mkeb aꞌ eb chic li teꞌtzꞌoca̱k nequeꞌtzacan re. Usta saꞌ qꞌuix cuan, nequeꞌxsicꞌ. Ut eb li teꞌchakik re, teꞌre̱chani lix biomaleb.

1 Reyes 14:26

Ut quixcꞌam chokꞌ re chixjunil li terto xtzꞌak li xocxo saꞌ li palacio, joꞌ ajcuiꞌ li xocxo saꞌ li templo. Ut quixcꞌam eb ajcuiꞌ li chꞌi̱chꞌ li nequeꞌxram cuiꞌ re xchꞌo̱l, li quixyi̱b riqꞌuin oro laj Salomón.

1 Samuel 2:36

Ut eb la̱ cuechꞌalal li incꞌaꞌ teꞌca̱mk teꞌxic riqꞌuin laj tij li tinsicꞌ ru ut teꞌxtzꞌa̱ma xtzacae̱mkeb ut xtumineb re. Ut teꞌxtzꞌa̱ma chiru nak tixcanabeb chi cꞌanjelac saꞌ xya̱nkeb laj tij re nak teꞌtzaca̱nk,” chan li Ka̱cuaꞌ.—

Eclesiastés 5:13

Cuan jun chic li chꞌaꞌajquilal ninqꞌue retal arin saꞌ ruchichꞌochꞌ kꞌaxal ra rilbal. Aꞌan li xxocbal nabal li biomal yal re nak tixcꞌul chꞌaꞌajquilal mokon.

Eclesiastés 5:15

Nak nayoꞌla li cristian, tꞌustꞌu. Ma̱cꞌaꞌ cuan re. Joꞌcan ajcuiꞌ nak ta̱ca̱mk. Ma̱cꞌaꞌ naru tixcꞌam chirix. Incꞌaꞌ naru naxcꞌam li cꞌaꞌru re li ac xcꞌanjela.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

Salmos 49:18

Nak toj cuan saꞌ ruchichꞌochꞌ, quisahoꞌ saꞌ xchꞌo̱l xban nak cuan cꞌaꞌru re ut naqꞌueheꞌ xlokꞌal xban nak biom.