Eclesiastés 5:11 - Li Santil hu

¹¹ Li ani cuan nabal cꞌaꞌru re, nabal ajcuiꞌ naxsach. ¿Cꞌaꞌru naxra nak cuan nabal cꞌaꞌru re? Ma̱cꞌaꞌ, xban nak yal naril nak na-osoꞌ chiru.

Q'eqchi Bible

¹¹ xb'aan naq li wank naab'al li k'aru re, naab'al ajwi' li xtumin taasachmanq. Ut k'aru naxra naq wank xb'ihomal chi yo'oon? Maak'a', ka'ajwi' tixtaw b'ayaq xsahil xch'ool rik'in rilb'al li xb'ihomal!

Eclesiastés 5:11 ပူးပေါင်းရင်းမြစ်များ

1 Juan 2:16

Chixjunil li ma̱usilal cuan saꞌ ruchichꞌochꞌ moco riqꞌuin ta li Dios nachal. Li ma̱c li naxrahi ru li tzꞌejcualej ut li xrahinquil ru li cꞌaꞌak re ru nakil riqꞌuin xnakꞌ ku moco riqꞌuin ta li Dios nachal. Joꞌcan ajcuiꞌ li kꞌetkꞌetil. Chixjunil aꞌin moco riqꞌuin ta li Dios nachal; xnaꞌleb ban li ruchichꞌochꞌ.

Habacuc 2:13

¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ.

Proverbios 23:5

La̱ex te̱qꞌue retal nak li biomal ma̱cꞌaꞌ na-oc cuiꞌ. Saꞌ junpa̱t na-osoꞌ. Chanchan nak narupupic li cꞌuch.

Eclesiastés 6:9

Kꞌaxal us nak tixcꞌojob xchꞌo̱l riqꞌuin li joꞌ qꞌuial cuan re chiru nak yo̱k chi cꞌoxlac chirix nabal xtzꞌakob li cꞌaꞌru re xban nak aꞌan ma̱cꞌaꞌ na-oc cuiꞌ. Junes raylal naxqꞌue.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Génesis 13:2

Numtajenak xbiomal laj Abram. Cuan x-oro. Cuan xplata ut cuan ajcuiꞌ nabal lix queto̱mk.

Génesis 12:16

Xban nak laj Abram quixkꞌaxtesi lix Sarai saꞌ rukꞌ laj faraón, nabal lix ra̱bal quiqꞌueheꞌ re laj Abram. Laj faraón quixqꞌue xqueto̱mk, quixqꞌue xcuacax, quixqꞌue xbu̱r ut quixqꞌue ajcuiꞌ lix mo̱s cui̱nk ut lix mo̱s ixk. Ut quiqꞌueheꞌ ajcuiꞌ xni̱nki xul camello xcꞌabaꞌ.

Jeremías 17:11

Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Eclesiastés 2:9

La̱in li rey li kꞌaxal nim incuanquil chiruheb chixjunileb li rey li queꞌcuan Jerusalén. Usta kꞌaxal nim incuanquil, abanan incꞌaꞌ quintzꞌekta̱na lin naꞌleb.

Eclesiastés 5:12

Li ani nacꞌanjelac, sa nacuar, usta natzacan chi us usta incꞌaꞌ. Abanan li biom incꞌaꞌ nacuar chixcꞌoxlanquil li cꞌaꞌru cuan re.