Eclesiastés 4:8 - Li Santil hu

⁸ Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Q'eqchi Bible

⁸ Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 4:8 ပူးပေါင်းရင်းမြစ်များ

1 Juan 2:16

Chixjunil li ma̱usilal cuan saꞌ ruchichꞌochꞌ moco riqꞌuin ta li Dios nachal. Li ma̱c li naxrahi ru li tzꞌejcualej ut li xrahinquil ru li cꞌaꞌak re ru nakil riqꞌuin xnakꞌ ku moco riqꞌuin ta li Dios nachal. Joꞌcan ajcuiꞌ li kꞌetkꞌetil. Chixjunil aꞌin moco riqꞌuin ta li Dios nachal; xnaꞌleb ban li ruchichꞌochꞌ.

Proverbios 27:20

Li xbalba ut li mukleba̱l ma̱ jokꞌe nequeꞌnujac riqꞌuin li joꞌ qꞌuial nequeꞌxcꞌul. Joꞌcaneb ajcuiꞌ li cristian. Incꞌaꞌ nequeꞌcꞌojla xchꞌo̱l riqꞌuin li joꞌ qꞌuial cuan reheb. Toj nequeꞌxrahi ru xtzꞌakob.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

Eclesiastés 1:8

Nocolub riqꞌuin chixjunil li cꞌaꞌak re ru aꞌin, ut ma̱ ani nequeꞌru xyebal chanru nak nequeꞌtitzꞌ xban. Usta nabal nequeꞌrabi ut usta nabal nequeꞌril, abanan incꞌaꞌ nequeꞌcꞌojla xchꞌo̱leb.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Eclesiastés 5:10

Li ani cuan xtumin, toj naraj nabal xtzꞌakob. Ut li ani cuan nabal lix biomal, incꞌaꞌ natzꞌakloc re. Toj ta̱raj cuiꞌchic xtzꞌakob. Chixjunil aꞌin ma̱cꞌaꞌ na-oc cuiꞌ.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

Génesis 2:18

Li Ka̱cuaꞌ Dios quixye nak incꞌaꞌ us ta̱cua̱nk li cui̱nk xjunes. —Tinqꞌue junak rochben re ta̱tenkꞌa̱nk re, chan.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Eclesiastés 2:23

Nak li cui̱nk cuan saꞌ ruchichꞌochꞌ junes raylal naxcꞌul ut junes chꞌaꞌajquilal. Incꞌaꞌ nahilan chiru kꞌojyi̱n xban li cꞌoxlac. Chixjunil aꞌin ma̱cꞌaꞌ na-oc cuiꞌ.

Eclesiastés 2:21

Joꞌcaꞌin li cꞌanjelac saꞌ ruchichꞌochꞌ. Li cui̱nk nacꞌanjelac chi cau ut cuan xnaꞌleb chixcꞌoxlanquil chanru tixba̱nu. Abanan, nak nacam naxcanab chixjunil li quixba̱nu chokꞌ re jalan li moco xcꞌulub ta xcꞌulbal xban nak incꞌaꞌ xcꞌanjela rix. Joꞌcan nak li cꞌanjel li naxba̱nu nacana chi ma̱cꞌaꞌ rajbal.

Eclesiastés 4:7

Ut quinqꞌue ajcuiꞌ retal nak cuan cuiꞌchic cꞌaꞌak re ru na-uxman saꞌ ruchichꞌochꞌ li ma̱cꞌaꞌ na-oc cuiꞌ.

Salmos 39:7

¿Cꞌaꞌ chic ru nacuoybeni, at Ka̱cuaꞌ? Caꞌaj chic a̱cuiqꞌuin cau inchꞌo̱l.

Eclesiastés 5:9

¿Ma incꞌaꞌ ta biꞌ nacꞌanjelac re chixjunileb chixjunil li acui̱mk li na-el saꞌ li chꞌochꞌ? Li acui̱mk li na-el saꞌ li chꞌochꞌ nacꞌanjelac ajcuiꞌ re li rey.