Eclesiastés 4:4 - Li Santil hu

⁴ Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Q'eqchi Bible

⁴ Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Eclesiastés 4:4 ပူးပေါင်းရင်းမြစ်များ

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

Eclesiastés 1:14

Riqꞌuin aꞌin quinqꞌue retal nak chixjunil li na-uxman saꞌ ruchichꞌochꞌ, ma̱cꞌaꞌ na-oc cuiꞌ. Junes rahil chꞌo̱lej naxqꞌue.

Eclesiastés 2:21

Joꞌcaꞌin li cꞌanjelac saꞌ ruchichꞌochꞌ. Li cui̱nk nacꞌanjelac chi cau ut cuan xnaꞌleb chixcꞌoxlanquil chanru tixba̱nu. Abanan, nak nacam naxcanab chixjunil li quixba̱nu chokꞌ re jalan li moco xcꞌulub ta xcꞌulbal xban nak incꞌaꞌ xcꞌanjela rix. Joꞌcan nak li cꞌanjel li naxba̱nu nacana chi ma̱cꞌaꞌ rajbal.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

San Mateo 27:18

Laj Pilato naxnau nak xban xcakaleb xchꞌo̱l li xbe̱nil aj tij nak queꞌxkꞌaxtesi li Jesús saꞌ rakleb a̱tin.

Eclesiastés 6:11

Li ani nacuulac chiru cuechꞌi̱nc, ma̱cꞌaꞌ na-oc cuiꞌ li naxba̱nu. Usta nabal li a̱tin naxye, ma̱cꞌaꞌ naxra nak naa̱tinac nabal.

Eclesiastés 6:9

Kꞌaxal us nak tixcꞌojob xchꞌo̱l riqꞌuin li joꞌ qꞌuial cuan re chiru nak yo̱k chi cꞌoxlac chirix nabal xtzꞌakob li cꞌaꞌru re xban nak aꞌan ma̱cꞌaꞌ na-oc cuiꞌ. Junes raylal naxqꞌue.

Eclesiastés 4:16

Kꞌaxal cuiꞌchic nabaleb li tenamit li queꞌoquen chirix nak qui-oc chokꞌ rey. Abanan li tenamit li teꞌcua̱nk mokon incꞌaꞌ chic sahakeb xchꞌo̱l riqꞌuin. Joꞌcan ajcuiꞌ aꞌin ma̱cꞌaꞌ na-oc cuiꞌ. Junes raylal naxqꞌue.

Proverbios 27:4

Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

Santiago 4:5

Cuan xya̱lal nak tzꞌi̱banbil chi joꞌcaꞌin saꞌ li Santil Hu: Li Santil Musikꞌej li quixqꞌue li Dios chi cua̱nc kiqꞌuin, aꞌan kꞌaxal nocoxra ut aꞌan naraj nak caꞌaj cuiꞌ li Dios takalokꞌoni.

Hechos 7:9

Eb li ralal laj Jacob cꞌajoꞌ nak queꞌxcakali laj José li ri̱tzꞌineb. Joꞌcan nak queꞌxcꞌayi laj José ut quicꞌameꞌ aran Egipto. Abanan nak ac cuan aran Egipto, li Dios yo̱ chi tenkꞌa̱nc re.

Eclesiastés 1:17

Quinkꞌaxtesi cuib chixtaubal nabal chic li naꞌleb li cha̱bil. Ut quinqꞌue ajcuiꞌ inchꞌo̱l chixtaubal li naꞌleb li incꞌaꞌ us li ma̱cꞌaꞌ na-oc cuiꞌ. Abanan quinqꞌue retal nak chixjunil aꞌan ma̱cꞌaꞌ na-oc cuiꞌ. Junes rahil chꞌo̱lej naxqꞌue.

Génesis 26:14

Cꞌajoꞌ lix queto̱mk. Cuanqueb ajcuiꞌ nabal lix mo̱s. Ut eb laj filisteo queꞌoc chixcakalinquil laj Isaac.

Génesis 31:1

Laj Jacob narabi li cꞌaꞌru nequeꞌxye li ralal laj Labán nak nequeꞌxye: —Laj Jacob xcꞌam chokꞌ re li cꞌaꞌru re li kayucuaꞌ. Ut riqꞌuin aꞌan xbiomoꞌ, chanqueb.