Eclesiastés 4:13 - Li Santil hu

¹³ Kꞌaxal us junak al toj sa̱j cuan xnaꞌleb, usta nebaꞌ, chiru junak rey ac che̱c, ma̱cꞌaꞌ xnaꞌleb ut incꞌaꞌ naraj naqꞌueheꞌ xnaꞌleb.

Q'eqchi Bible

¹³ Q'axal us junaq al neb'a' ut wank xna'leb', chiru jun li awab'ej mama' ut maak'a' xna'leb', li ink'a' naraj nak'ehe'k xna'leb'.

Eclesiastés 4:13 ပူးပေါင်းရင်းမြစ်များ

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

Proverbios 19:1

Kꞌaxal us li cua̱nc saꞌ ti̱quilal usta nebaꞌako chiru nak incꞌaꞌ takatau kanaꞌleb ut ta̱cuulak chiku ticꞌtiꞌic.

Proverbios 28:6

Kꞌaxal us li cua̱nc saꞌ ti̱quilal, usta nebaꞌo, chiru nak cua̱nk kabiomal ut incꞌaꞌ usak kanaꞌleb.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

Génesis 37:2

Ut joꞌcaꞌin nak queꞌcuan chak li ralal xcꞌajol laj Jacob. Laj José cuan cuuklaju chihab re, ut aꞌan natenkꞌan reheb li ras chi iloc reheb li queto̱mk. Eb li ras li nequeꞌochbenin re laj José, aꞌan eb li ralal laj Jacob riqꞌuineb lix Bilha ut lix Zilpa. Nak laj José quiril nak incꞌaꞌ us nequeꞌxba̱nu li ras, najitoc chiru lix yucuaꞌ.

Eclesiastés 4:12

Cui jun ajcuiꞌ ta̱pletik, naru teꞌnumta̱k saꞌ xbe̱n. Abanan cui cuibeb, naru teꞌxcuy xsumenquil. Joꞌcan ajcuiꞌ li cꞌa̱m li oxib ru naxcuy. Incꞌaꞌ natꞌupeꞌ saꞌ junpa̱t.

Eclesiastés 7:19

Li ani cuan xnaꞌleb naqꞌueheꞌ xcacuilal xban lix naꞌleb ut cau rib chiru laje̱b chi cui̱nk li cuanqueb xcuanquil.