Eclesiastés 4:1 - Li Santil hu

¹ Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Q'eqchi Bible

¹ Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Eclesiastés 4:1 ပူးပေါင်းရင်းမြစ်များ

Eclesiastés 3:16

La̱in ninqꞌue retal nak saꞌ ruchichꞌochꞌ junes raylal ut ma̱usilal nequeꞌxba̱nu saꞌ eb li naꞌajej li nequeꞌrakoc cuiꞌ a̱tin. Aran raj nequeꞌrakoc a̱tin saꞌ ti̱quilal.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

San Mateo 26:56

Abanan chixjunil aꞌin x-uxman re nak ta̱tzꞌaklok ru li Santil Hu tzꞌi̱banbil xbaneb li profeta. Tojoꞌnak queꞌe̱lelic chixjunileb lix tzolom ut queꞌxcanab xjunes li Jesús.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Lamentaciones 1:2

Cꞌajoꞌ nak nequeꞌya̱bac chiru kꞌojyi̱n li cuanqueb Jerusalén. Li xyaꞌal ruheb natꞌululnac saꞌ xnakꞌ ruheb. Saꞌ xya̱nkeb chixjunileb li nequeꞌrahoc reheb, ma̱ ani naru nacꞌojoban re xchꞌo̱leb. Xeꞌtzꞌekta̱na̱c xbaneb li rami̱gueb nak queꞌcuan ut xicꞌ chic nequeꞌileꞌ.

Isaías 51:23

Tintakla ban li raylal aꞌin saꞌ xbe̱neb li nequeꞌrahobtesin e̱re, eb li xeꞌxye e̱re, “Yoclankex re nak tonumekꞌ saꞌ e̱be̱n”. Ut la̱ex xeyocob e̱rib re teꞌnumekꞌ saꞌ e̱be̱n. Chanchanex chic li chꞌochꞌ.—

Salmos 42:9

La̱in tinye re li Dios, aj Colol cue: —¿Cꞌaꞌut nak xina̱canab injunes? ¿Cꞌaꞌut nak junelic ra saꞌ inchꞌo̱l xban nak yo̱queb chinrahobtesinquil li xicꞌ nequeꞌiloc cue?

Salmos 42:3

Chi kꞌek chi cutan yo̱quin chi ya̱bac. Incꞌaꞌ chic nincuaꞌac xban nak junes ya̱bac chic ninba̱nu. Ut eb li xicꞌ nequeꞌiloc cue yo̱queb chinhobbal ut yo̱queb chixyebal, ¿Bar cuan la̱ Dios? chanqueb.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Li xHu LAJ JOB 35:9

Eb aꞌan japjo̱keb re xban li raylal li yo̱keb chixcꞌulbal. Yo̱keb chixsicꞌbal ani ta̱colok reheb chiruheb li ni̱nkeb xcuanquil.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Malaquías 2:13

Incꞌaꞌ us nequeba̱nu la̱ex. Nequejap e̱re chi ya̱bac ut nequetꞌakresi li artal riqꞌuin xyaꞌal e̱ru xban nak li Ka̱cuaꞌ incꞌaꞌ chic naxcꞌul li nequemayeja chiru.

Eclesiastés 7:7

Cui cuan junak cuan xnaꞌleb tixrahobtesi li ras ri̱tzꞌin, li jun aꞌan yo̱ chixba̱nunquil joꞌ naxba̱nu li ma̱cꞌaꞌ xnaꞌleb. Ut cui cuan junak naxqꞌue rib chi tumina̱c ru, li jun aꞌan naxpoꞌ lix naꞌleb.

Proverbios 28:3

Nak nachal li cacuil hab saꞌ xbe̱n li acui̱mk, nasach ruheb li acui̱mk. Joꞌcan ajcuiꞌ li incꞌaꞌ useb xnaꞌleb nak nequeꞌxrahobtesiheb li nebaꞌ.

Salmos 142:4

Chaqꞌue taxak retal. Ma̱ ani cuan arin re tinixcol. Ma̱ ani natenkꞌan cue. Ma̱ ani nacꞌoxlan cue.

Salmos 80:5

Cꞌajoꞌ li ya̱bac nakaba̱nu xban nak incꞌaꞌ nocoa̱sume. Incꞌaꞌ chic nakacꞌoxla tzaca̱nc. Aꞌ chic li ya̱bac nakaba̱nu.

Salmos 69:20

Cꞌajoꞌ nak nayotꞌeꞌ inchꞌo̱l xban nak niquineꞌxhob. Yo̱ chi chꞌina̱nc inchꞌo̱l ut incꞌaꞌ chic nincuy. Xcuoybeni nak teꞌril xtokꞌoba̱l cuu, abanan ma̱ jun x-iloc xtokꞌoba̱l cuu. Xcuoybeni nak ta̱cꞌojoba̱k inchꞌo̱l, abanan ma̱ jun xcꞌojoban inchꞌo̱l.

Li xHu LAJ JOB 16:4

Cui ta la̱ex yo̱quex chi cꞌuluc re li raylal li yo̱quin chixcꞌulbal, la̱in tinye raj ajcuiꞌ e̱re joꞌ yo̱quex chixyebal cue anakcuan. Tincuecꞌasi raj injolom ut texinseꞌe. Ut nabal raj li cꞌaꞌak re ru tinye e̱re, re e̱chꞌiꞌchꞌiꞌinquil.

Li xHu LAJ JOB 6:29

Canabomak incuechꞌinquil. Me̱ba̱nu li incꞌaꞌ us cue. La̱in ma̱cꞌaꞌ inma̱c. Ti̱c ban inchꞌo̱l.

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Deuteronomio 28:48

Joꞌcan nak la̱ex texcꞌanjelak chiruheb li xicꞌ nequeꞌiloc e̱re li tixtakla chak li Ka̱cuaꞌ. Textzꞌoca̱k ut ta̱chakik e̱re ut ma̱cꞌaꞌak le̱ rakꞌ. Ut ma̱cꞌaꞌak chic cꞌaꞌru e̱re. Li Ka̱cuaꞌ texqꞌue chi cꞌanjelac chokꞌ rahobtesinbil mo̱s chiruheb li xicꞌ nequeꞌiloc e̱re toj retal nak tex-osokꞌ.

Deuteronomio 28:33

Ut li jalaneb xtenamit tixmakꞌ che̱ru le̱ racui̱mk li xetacuasi e̱rib xcꞌanjelanquil. Xicꞌ chic tex-ilekꞌ ut junes raylal chic te̱cꞌul.

Éxodo 1:22

Tojoꞌnak laj faraón quixtakla resil saꞌ chixjunil lix tenamit nak ta̱cutekꞌ saꞌ nimaꞌ li jarubeb li cocꞌ te̱lom li teꞌyoꞌla̱k saꞌ xya̱nkeb li ixk aj hebreo. Chixjunileb li cocꞌ xkaꞌal teꞌcanaba̱k chi qꞌui̱c.

Éxodo 1:16

Quixye reheb: —Nak te̱rileb li ixk aj hebreo, cui te̱lom lix cꞌulaꞌaleb teꞌyoꞌla̱k te̱camsiheb. Ut cui ixk lix cꞌulaꞌaleb te̱canabeb chi qꞌui̱c, chan.

Proverbios 19:7

Eb li nebaꞌ nequeꞌtzꞌekta̱na̱c xbaneb li rechꞌalal. ¿Ma tojaꞌ ta chic li rami̱g incꞌaꞌ teꞌtzꞌekta̱na̱nk reheb? Usta nequeꞌxtzꞌa̱ma usilal chiruheb, abanan eb aꞌan ma̱cꞌaꞌ nequeꞌraj re.

Eclesiastés 8:9

Chixjunil aꞌin quinqꞌue retal nak quin-oc chixtzꞌilbal rix li cꞌaꞌru nacꞌulman saꞌ ruchichꞌochꞌ. Quinqꞌue retal nak cuanqueb li cui̱nk cuanqueb xcuanquil saꞌ xbe̱neb li ras ri̱tzꞌin ut nequeꞌxba̱nu raylal reheb.

Jeremías 16:7

Ma̱ ani tixtakla lix tzacae̱mk ut li rucꞌaheb re xcꞌojobanquil xchꞌo̱leb li yo̱keb chixyoꞌlenquil lix camenakeb, usta naꞌbej yucuaꞌbej li xeꞌcam.

Lamentaciones 1:16

Xban li raylal li yo̱co chixcꞌulbal, nocoya̱bac. Natꞌuluc xyaꞌal ku. Ma̱ ani nacꞌojoban kachꞌo̱l ut ma̱ ani naru naqꞌuehoc xcacuil kachꞌo̱l. Ut eb li kalal kacꞌajol xeꞌcana chi ma̱cꞌaꞌ chic cuan reheb xban nak eb li xicꞌ nequeꞌiloc ke xeꞌnumta saꞌ kabe̱n.

Li xHu LAJ JOB 9:24

Aꞌan naxkꞌaxtesi li ruchichꞌochꞌ saꞌ rukꞌeb li incꞌaꞌ useb xnaꞌleb. Ut aꞌan ajcuiꞌ naba̱nun re nak eb li nequeꞌrakoc a̱tin incꞌaꞌ nequeꞌxba̱nu saꞌ xya̱lal. Cui ma̱cuaꞌ aꞌan naba̱nun re, ¿ani chic naba̱nun re chi joꞌcanan?

Salmos 69:21

Nak quintzꞌoca, cꞌa queꞌxqꞌue chintzaca, ut nak ta̱chakik cue, vinagre queꞌxqꞌue chicuucꞌ.

Salmos 142:5

At nimajcual Dios, la̱in yo̱quin chixtzꞌa̱manquil intenkꞌanquil cha̱cuu. At Ka̱cuaꞌ, la̱at aj Colol cue. Caꞌaj cuiꞌ a̱cuiqꞌuin la̱at nincꞌojob inchꞌo̱l arin saꞌ ruchichꞌochꞌ.

Proverbios 29:2

Nak li ti̱queb xchꞌo̱l nequeꞌqꞌueheꞌ saꞌ xcuanquil, eb li tenamit nequeꞌsahoꞌ saꞌ xchꞌo̱leb. Abanan kꞌaxal narahoꞌ saꞌ xchꞌo̱leb nak eb li incꞌaꞌ useb xnaꞌleb nequeꞌqꞌueheꞌ saꞌ xcuanquil.

Lamentaciones 1:17

Eb li cuanqueb Sión yo̱queb chixtzꞌa̱manquil xtenkꞌanquil. Abanan ma̱ ani natenkꞌan reheb. Li Ka̱cuaꞌ quixye nak eb li cuanqueb chi nachꞌ xicꞌ chic teꞌrileb li ralal xcꞌajol laj Jacob. Eb li cuanqueb Jerusalén tzꞌekta̱nanbileb xbaneb li xicꞌ nequeꞌiloc reheb.

Amós 3:9

Joꞌcaꞌin te̱ye reheb li cuanqueb saꞌ eb li palacio aran Asdod ut reheb ajcuiꞌ li cuanqueb saꞌ eb li palacio aran Egipto: —Chꞌutubomak e̱rib saꞌ eb li tzu̱l aran Samaria. Ilomak li rahobtesi̱nc ut li ma̱usilal li yo̱queb chixba̱nunquil aran.

Amós 3:10

Joꞌcaꞌin quixye li Ka̱cuaꞌ: —Incꞌaꞌ nequeꞌxnau xba̱nunquil li ti̱quilal. Nujenak lix palacio riqꞌuin li cꞌaꞌak re ru nequeꞌrelkꞌa riqꞌuin pletic ut numtajenak li ma̱usilal nequeꞌxba̱nu.