Eclesiastés 3:7 - Li Santil hu

⁷ Cuan li ho̱nal re pejoc tꞌicr, ut cuan li ho̱nal re xiti̱nc. Cuan li ho̱nal re a̱tinac, ut cuan li ho̱nal nak incꞌaꞌ naru a̱tinac.

Q'eqchi Bible

⁷ Wank xq'ehil li q'ichok, ut wank xq'ehil li b'ojok. Wank xq'ehil li ch'anaak, ut wank xq'ehil li aatinak.

Eclesiastés 3:7 ပူးပေါင်းရင်းမြစ်များ

Miqueas 7:5

Ma̱ ani aj iqꞌuin te̱cꞌojob e̱chꞌo̱l chi moco riqꞌuin le̱ rami̱g, chi moco riqꞌuin li nataklan saꞌ xbe̱neb li tenamit, chi moco riqꞌuin le̱ rixakil. Cheqꞌuehak retal li cꞌaꞌru te̱ye.

Amós 5:13

Joꞌcan nak li ani cuan xnaꞌleb, cui x-ux raylal re, incꞌaꞌ ta̱xic chi jitoc xban nak saꞌ eb li cutan aꞌin incꞌaꞌ nequeꞌrakoc a̱tin saꞌ xya̱lal.

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

Lamentaciones 3:28

Kꞌaxal us nak junak tixcꞌojob xchꞌo̱l ut incꞌaꞌ ta̱cuechꞌi̱nk xban nak li Ka̱cuaꞌ, aꞌan li quiqꞌuehoc re chixcꞌulbal li raylal.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Ester 7:4

—La̱in ut eb li cuech tenamitil, xokꞌaxtesi̱c re camsi̱c. Ta̱sachekꞌ ku chi junaj cua. Cui ta xoxkꞌaxtesi̱c chokꞌ cꞌayinbil mo̱s, ma̱cꞌaꞌ raj tinye. Incꞌaꞌ raj xatinchꞌiꞌchꞌiꞌi. Aban cui la̱o tocamsi̱k, ta̱cha̱lk jun nimla chꞌaꞌajquilal saꞌ a̱be̱n la̱at, at rey, chan lix Ester.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Isaías 36:21

Eb laj Judá ma̱ jun a̱tin queꞌxye xban nak li rey Ezequías quixye reheb nak incꞌaꞌ teꞌxsume.

Salmos 39:2

Xinba̱nu cuib joꞌ li mem. Ma̱cꞌaꞌ xinye. Usta raj us li xinye, abanan incꞌaꞌ xina̱tinac. Ut quiniman ajcuiꞌ lin raylal.

2 Reyes 6:30

Quisach xchꞌo̱l li rey nak quirabi li cꞌaꞌru quixye. Quixpej li rakꞌ ut yo̱ chi be̱c saꞌ xbe̱n li tzꞌac. Ut eb li tenamit li cuanqueb chi nachꞌ queꞌril nak kꞌes ru tꞌicr li cuan chi saꞌ li rakꞌ.

2 Reyes 5:7

Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

1 Reyes 21:27

Nak laj Acab quirabi li quixye li Dios, quixpej li rakꞌ. Ut quixqꞌue chirix li kꞌes ru tꞌicr ut quixba̱nu lix ayu̱n. Quicuar chirix li kꞌes ru tꞌicr ut kꞌaxal ra saꞌ xchꞌo̱l.

2 Samuel 3:31

Laj David quixye reheb laj Joab ut eb li cuanqueb rochben nak tento nak teꞌxpej li rakꞌ ut teꞌxqꞌue li rakꞌ li kꞌes ru chirixeb ut chirahokꞌ xchꞌo̱leb xban xcamic laj Abner. Nak yo̱queb chi xic re teꞌxmuk li camenak, li rey David yo̱ chi xic chirix li camenak.

2 Samuel 1:11

Laj David, joꞌ eb ajcuiꞌ chixjunileb li cui̱nk li cuanqueb rochben, queꞌxpej li rakꞌeb xban xrahil xchꞌo̱leb.

Génesis 44:34

¿Chan ta cuiꞌ ru nak tinxic riqꞌuin lin yucuaꞌ cui ma̱ anihak chic laj Benjamín chicuix? Incꞌaꞌ tincuy rilbal inyucuaꞌ nak cꞌajoꞌak xrahil saꞌ xchꞌo̱l, chan laj Judá re laj José.

Génesis 44:18

Ut laj Judá quinachꞌoc chiru laj José ut quixye re: —Chacuy inma̱c. La̱in tincuaj xyebal cuib oxibak a̱tin a̱cue. Usan cui incꞌaꞌ ta̱cha̱lk a̱joskꞌil saꞌ kabe̱n xban nak la̱at kꞌaxal nim a̱cuanquil. La̱at joꞌ laj faraón, chan.

Génesis 37:34

Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

Hechos 9:39

Laj Pedro co̱ rochbeneb. Nak quicuulac, queꞌxcꞌam saꞌ li naꞌajej li cuan cuiꞌ li camenak. Aran quisuteꞌ xbaneb li xma̱lcaꞌan. Yo̱queb chi ya̱bac ut queꞌxcꞌut chiru li tꞌicr li quixyi̱b lix Dorcas nak toj cuan saꞌ xya̱nkeb.

Jeremías 36:24

Eb li cuanqueb xcuanquil, ut li rey incꞌaꞌ queꞌoc xxiu chi moco queꞌrahoꞌ xchꞌo̱l riqꞌuin li a̱tin queꞌrabi.

Li xHu LAJ JOB 2:13

Ut chirix aꞌan queꞌchunla saꞌ chꞌochꞌ chixcꞌatk chiru cuukub cutan ut cuukub kꞌojyi̱n. Ut ma̱ jun a̱tin queꞌxye xban nak queꞌxqꞌue retal nak kꞌaxal ra yo̱ chixcꞌulbal laj Job.

Eclesiastés 3:6

Cuan xcutanquil li sicꞌoc, ut cuan li ho̱nal re sachoc. Cuan li ho̱nal re xococ, ut cuan li ho̱nal re tzꞌekoc.

1 Samuel 10:16

Laj Saúl quixye re: —Laj Samuel xye ke nak ac xeꞌtauheꞌ lix bu̱r lin yucuaꞌ, chan. Abanan incꞌaꞌ quixye re li rican nak laj Samuel quixye nak aꞌan ta̱oc chokꞌ xreyeb laj Israel.

2 Reyes 18:36

Eb laj Judá ma̱ jun a̱tin queꞌxye xban nak li rey quixye reheb nak incꞌaꞌ teꞌsume̱nk.