Eclesiastés 3:5 - Li Santil hu

⁵ Cuan xcutanquil li paji̱nc pec, ut cuan xcutanquil re xchꞌutubanquil li pec. Cuan li ho̱nal nak naru tixkꞌalu rib li junju̱nk, ut cuan ajcuiꞌ li ho̱nal nak incꞌaꞌ naru naxkꞌalu rib li junju̱nk.

Q'eqchi Bible

⁵ Wank xq'ehil li kutuk pek, ut wank xq'ehil li xxokb'al. Wank xq'ehil li q'alunk ib', ut wank xq'ehil li jek'ok ib'.

Eclesiastés 3:5 ပူးပေါင်းရင်းမြစ်များ

2 Reyes 3:25

Ut queꞌxsach ruheb lix naꞌajeb. Nak queꞌnumeꞌ cuan cuiꞌ li racui̱mkeb, eb laj Israel quilajeꞌxtu̱b li pec toj retal queꞌxpoꞌi chixjunil lix naꞌajeb li racui̱mkeb. Ut queꞌxbutꞌ eb li yuꞌam haꞌ. Ut quilajeꞌxtꞌan eb li cha̱bil cheꞌ. Caꞌaj cuiꞌ li nimla tenamit Kir-hareset quicana. Eb li cui̱nk li nequeꞌcutuc riqꞌuin rantꞌin queꞌxsuti li tenamit aꞌan, ut queꞌxcut chi pec toj retal queꞌxsach ru.

Josué 10:27

Nak ac x-ecuu, laj Josué quixtakla xcubsinquileb li camenak. Ut quixye ajcuiꞌ nak teꞌcutekꞌ chak saꞌ li ochoch pec bar queꞌxmuk cuiꞌ chak ribeb. Ut queꞌxqꞌue ajcuiꞌ ni̱nki pec saꞌ li oqueba̱l re li ochoch pec. Ut toj cuanqueb ajcuiꞌ li pec aꞌan chalen anakcuan.

Joel 2:16

Chꞌutubomak lix tenamit li Dios re nak teꞌxxo̱to xma̱queb ut teꞌsantobresi̱k. Cheꞌxchꞌutub ribeb li che̱quel cristian ut eb li toj sa̱jeb joꞌqueb ajcuiꞌ li toj nequeꞌtuꞌuc. Ut teꞌe̱lk ajcuiꞌ saꞌ li rochocheb li toj xeꞌsumla re nak teꞌxchꞌutub rib chixjunileb.

Éxodo 19:15

Laj Moisés quixye reheb: —Checauresi e̱rib re li rox cutan. Eb li cui̱nk incꞌaꞌ teꞌcua̱nk riqꞌuin rixakileb, chan.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Eclesiastés 3:4

Cuan li ho̱nal re ya̱bac, ut cuan li ho̱nal re seꞌec. Cuan li ho̱nal re rahil chꞌo̱lej, ut cuan xcutanquil li ninkꞌei̱c.

Eclesiastés 3:6

Cuan xcutanquil li sicꞌoc, ut cuan li ho̱nal re sachoc. Cuan li ho̱nal re xococ, ut cuan li ho̱nal re tzꞌekoc.