Eclesiastés 3:4 - Li Santil hu

⁴ Cuan li ho̱nal re ya̱bac, ut cuan li ho̱nal re seꞌec. Cuan li ho̱nal re rahil chꞌo̱lej, ut cuan xcutanquil li ninkꞌei̱c.

Q'eqchi Bible

⁴ Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Eclesiastés 3:4 ပူးပေါင်းရင်းမြစ်များ

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

Salmos 30:5

At Ka̱cuaꞌ, junpa̱t ajcuiꞌ nacatjoskꞌoꞌ. Abanan la̱ cha̱bilal nacuan chi junelic. Ma̱re tinya̱bak chiru li kꞌojyi̱n xban xrahil saꞌ inchꞌo̱l. Abanan joꞌ cuulajak chic sahak chic saꞌ inchꞌo̱l.

Éxodo 15:20

Lix María li ranab laj Aarón aꞌan jun xprofeta li Dios. Lix María quixchap jun lix chꞌina cuajb pandero xcꞌabaꞌ. Ut quicꞌamoc be chiruheb li rech ixkilal chirecꞌasinquileb lix pandero ut chi xajoc re xlokꞌoninquil li Dios.

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

San Lucas 1:58

Nak queꞌrabi resil li rech cabal joꞌ cuiꞌ eb li rechꞌalal nak qui-uxta̱na̱c ru lix Elisabet xban li Ka̱cuaꞌ, queꞌsahoꞌ ajcuiꞌ saꞌ xchꞌo̱leb aꞌan.

San Mateo 11:17

“Xkaya̱basi li kaxo̱lb ut incꞌaꞌ xexxajoc; xobichan chi ra saꞌ kachꞌo̱l, ut incꞌaꞌ xyotꞌeꞌ e̱chꞌo̱l chi moco xexya̱bac xban”, chanqueb.

San Mateo 9:15

Ut li Jesús quichakꞌoc ut quixye reheb li tijleb aꞌin: —¿Ma naru ta biꞌ nak rahak saꞌ xchꞌo̱leb li nequeꞌbokeꞌ riqꞌuin sumla̱c nak toj cuan li be̱lomej saꞌ xya̱nkeb? La̱in joꞌ jun li be̱lomej. Ta̱cuulak xkꞌehil nak tin-isi̱k saꞌ xya̱nkeb tojoꞌnak teꞌxba̱nu x-ayu̱n eb lin tzolom, chan.

2 Samuel 6:16

Nak yo̱queb chirocsinquil li Lokꞌlaj Ca̱x Jerusalén, saꞌ lix tenamit laj David, lix Mical lix rabin laj Saúl yo̱ chi iloc saꞌ li ventana. Nak quiril nak laj David yo̱ chi xajoc ut yo̱ chi piscꞌoc re xqꞌuebal xlokꞌal li Ka̱cuaꞌ, xicꞌ quirecꞌa.

Génesis 21:6

Lix Sara quixye saꞌ xchꞌo̱l: —Li Dios xinixqꞌue chi seꞌec xban xsahil inchꞌo̱l xban nak xcuan incꞌulaꞌal. Ut nak teꞌrabi nak xyoꞌla lin cꞌulaꞌal, chixjunileb teꞌsahokꞌ saꞌ xchꞌo̱leb cuiqꞌuin.

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

Eclesiastés 3:5

Cuan xcutanquil li paji̱nc pec, ut cuan xcutanquil re xchꞌutubanquil li pec. Cuan li ho̱nal nak naru tixkꞌalu rib li junju̱nk, ut cuan ajcuiꞌ li ho̱nal nak incꞌaꞌ naru naxkꞌalu rib li junju̱nk.

Eclesiastés 7:14

Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

Isaías 40:1

Li Ka̱cuaꞌ le̱ Dios quixye: —Checꞌojobakeb xchꞌo̱l lin tenamit. Ut cheqꞌuehak xcacuileb xchꞌo̱l.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.