Eclesiastés 3:3 - Li Santil hu

³ Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.

Q'eqchi Bible

³ Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.

Eclesiastés 3:3 ပူးပေါင်းရင်းမြစ်များ

1 Samuel 2:6

Li nimajcual Dios, aꞌan li ya̱l re saꞌ xbe̱n chixjunil. Li ani naraj naxqꞌue xyuꞌam ut li ani naraj narisi xyuꞌam. Cui ani naraj tixcuaclesiheb cuiꞌchic chi yoꞌyo, ut cui aꞌan naraj tixcanabeb chi camenak.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

Jeremías 31:28

Chanru nak xebinqꞌue saꞌ raylal ut xeꞌcuisi saꞌ lix naꞌajeb, ut xinrahobtesiheb ut xebinsach, joꞌcan ajcuiꞌ nak tebincuaclesi cuiꞌchic ut tintenkꞌaheb chixyi̱banquil lix tenamiteb re nak teꞌcua̱nk aran.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Ezequiel 13:14

La̱in tinsach li tzꞌac li xeꞌxbon rix. Tincuisi lix xeꞌ li tzꞌac ut tintꞌan chi junaj cua. Ut nak ta̱tꞌanekꞌ telajeꞌcamsi̱k xban. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

Zacarías 1:12

Ut lix ángel li Ka̱cuaꞌ quixye: —At nimajcual Dios, laje̱b xca̱cꞌa̱l chihab yo̱ a̱joskꞌil saꞌ xbe̱neb li tenamit Jerusalén ut Judá. ¿Joꞌ najtil chic ta̱cua̱nk la̱ joskꞌil saꞌ xbe̱neb? Ut, ¿jokꞌe ta̱cuuxta̱na ruheb? chan li ángel.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Hageo 1:2

Aꞌan aꞌin li quixye li nimajcual Dios re laj Hageo: —Li tenamit aꞌin nequeꞌxye nak toj ma̱jiꞌ nacuulac xkꞌehil nak teꞌxyi̱b cuiꞌchic lin templo, chan.

Hageo 1:4

—¿Ma xkꞌehil ta biꞌ chokꞌ e̱re la̱ex nak texcua̱nk saꞌ cha̱bil cab ut lix templo li Ka̱cuaꞌ incꞌaꞌ nequecꞌoxla xyi̱banquil?