Eclesiastés 3:20 - Li Santil hu

²⁰ Nak nequeꞌcam li xul nequeꞌsukꞌi chꞌochꞌ. Joꞌcan ajcuiꞌ li cristian. Nak nequeꞌcam nequeꞌsukꞌi chꞌochꞌ. Chꞌochꞌ oquenakeb ut nak teꞌca̱mk, nequeꞌsukꞌi cuiꞌchic chꞌochꞌ.

Q'eqchi Bible

²⁰ Chixjunileb' juntaq'eet toxe'raqe'q, xb'aan naq sa' pojtz' elenaqeb' chixjunil, ut pojtz' te'sutq'iiq wi' chixjunileb'.

Eclesiastés 3:20 ပူးပေါင်းရင်းမြစ်များ

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Li xHu LAJ JOB 34:15

chixjunileb raj teꞌca̱mk ut teꞌsukꞌi̱k raj cuiꞌchic chꞌochꞌ.

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Eclesiastés 6:6

Li cui̱nk aꞌin xru raj xcuan cuibak mil chihab saꞌ ruchichꞌochꞌ. Abanan cui incꞌaꞌ xyal xsahil li cꞌaꞌru cuan re, ma̱cꞌaꞌ na-oc cuiꞌ. ¿Ma incꞌaꞌ ta biꞌ ta̱ca̱mk li cui̱nk joꞌ nak quicam li cꞌulaꞌal?

Eclesiastés 3:21

¿Ma cuan ta biꞌ junak nanaꞌoc re chi tzꞌakal nak lix musikꞌeb li cristian nequeꞌxic saꞌ choxa ut lix musikꞌ li xul nequeꞌosoꞌ rubel chꞌochꞌ?

Salmos 104:29

Nak la̱at incꞌaꞌ chic ta̱qꞌue lix tzacae̱mkeb, teꞌoc xxiu. Cui la̱at ta̱cuisi lix musikꞌeb, teꞌca̱mk ut teꞌsukꞌi̱k cuiꞌchic chꞌochꞌ.

Li xHu LAJ JOB 7:9

Li yuꞌam, aꞌan joꞌ li chok yal nanumeꞌ ut incꞌaꞌ chic na-ilman. Nak nacam junak, ma̱ jokꞌe chic ta̱sukꞌi̱k chak.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Salmos 49:14

Li ca̱mc aꞌan tenebanbil saꞌ xbe̱neb chixjunileb. Chanchaneb li carner re camsi̱c. Ut lix tibeleb ta̱kꞌa̱k saꞌ li mukleba̱l. Ut li mukleba̱l aꞌanak chic li rochocheb. Ut saꞌ jun cutan li ti̱queb xchꞌo̱l, aꞌan eb chic li teꞌqꞌuehekꞌ xlokꞌal.

Li xHu LAJ JOB 17:13

Li cꞌaꞌru nacuoybeni la̱in, aꞌan li ca̱mc re nak naru tinhila̱nk saꞌ li naꞌajej li kꞌojyi̱n ru.

Números 27:13

Nak acak xacuil li naꞌajej la̱at tatca̱mk ut toxa̱tauheb la̱ xeꞌto̱nil yucuaꞌ, joꞌ nak quicam laj Aarón la̱ cuas.

Génesis 25:17

Jun ciento riqꞌuin cuuklaju xcaꞌcꞌa̱l (137) chihab cuan re laj Ismael nak quicam. Ut coxtauheb lix xeꞌto̱nil yucuaꞌ li ac camenakeb.

Génesis 25:8

Nak ac ti̱x chic chi us laj Abraham quicam ut co̱ chixtaubaleb lix xeꞌto̱nil yucuaꞌ li ac camenakeb.

Li xHu LAJ JOB 30:24

¿Ma incꞌaꞌ ta biꞌ ta̱ru̱k tintzꞌa̱ma intenkꞌanquil la̱in nak toj ma̱jiꞌ nincam? ¿Ma ta̱ru̱k ta biꞌ chic teꞌxtzꞌa̱ma xtenkꞌanquil li ac xeꞌcam nak ac xasacheb ru?

Salmos 103:14

Li Ka̱cuaꞌ naxnau nak yal cristiano ut saꞌ junpa̱t nachꞌinan kachꞌo̱l. Najulticoꞌ re nak yal chꞌochꞌ oquenako.

Eclesiastés 7:2

Kꞌaxal us nak toxic chi yoꞌlec camenak chiru nak toxic chi ninkꞌei̱c. Li ani toj yoꞌyo, tento nak cua̱nk saꞌ xchꞌo̱l lix camic xban nak aꞌan li rosoꞌjic li junju̱nk.

Li xHu LAJ JOB 14:10

Abanan eb li cristian nak nequeꞌcam, nequeꞌosoꞌ chi junaj cua. Ut, ¿bar nequeꞌxic nak nequeꞌcam?

Li xHu LAJ JOB 14:14

Nak nacam li cui̱nk, ¿ma ta̱yoꞌla̱k cuiꞌchic? La̱in yo̱quin chiroybeninquil joꞌ najtil chic tincꞌul li raylal toj ta̱cuulak xkꞌehil nak tincolekꞌ chiru li raylal.