Eclesiastés 3:2 - Li Santil hu

² Cuan li ho̱nal re li yoꞌla̱c ut cuan li ho̱nal re li ca̱mc. Cuan xkꞌehil li a̱uc, ut cuan ajcuiꞌ xcutanquil lix michꞌbal li aubil.

Q'eqchi Bible

² Wank xq'ehil li yo'laak, ut wank xq'ehil li kamk. Wank xq'ehil li awk, ut wank xq'ehil xmich'b'al li awb'il.

Eclesiastés 3:2 ပူးပေါင်းရင်းမြစ်များ

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Li xHu LAJ JOB 14:5

Ac chꞌolchꞌo cha̱cuu joꞌ najtil teꞌcua̱nk xyuꞌam li cristian saꞌ ruchichꞌochꞌ. Ut li cꞌaꞌru nacaye la̱at, ma̱ ani naru ta̱jalok re.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

San Lucas 1:20

Anakcuan la̱at tatcana̱k chi mem xban nak incꞌaꞌ xapa̱b li cꞌaꞌru xinye. Incꞌaꞌ tat-a̱tinak toj ta̱cuulak xkꞌehil nak ta̱cꞌulma̱nk chixjunil aꞌin, chan li ángel.

San Mateo 15:13

Quichakꞌoc li Jesús ut quixye reheb: —Chixjunil li acui̱mk incꞌaꞌ aubil xban lin Yucuaꞌ cuan saꞌ choxa, aꞌan ta̱michꞌma̱nk.

San Juan 16:21

Junak ixk yoꞌla̱c re lix cꞌulaꞌal narecꞌa xrahil lix raylal. Abanan nak ac xyoꞌla lix cꞌulaꞌal, nasach saꞌ xchꞌo̱l li raylal li quixcꞌul ut nasahoꞌ saꞌ xchꞌo̱l xban nak ac xyoꞌla lix cꞌulaꞌal.

Isaías 38:1

Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

Li xHu LAJ JOB 7:1

Lix yuꞌam li cui̱nk arin saꞌ ruchichꞌochꞌ kꞌaxal chꞌaꞌaj joꞌ junak li cui̱nk naxnumsi cutan chi trabajic.

Hechos 7:20

Saꞌ eb li cutan aꞌan quiyoꞌla laj Moisés. Li cꞌulaꞌal aꞌan raro xban li Ka̱cuaꞌ. Ut oxib po quiqꞌuiresi̱c xbaneb lix naꞌ xyucuaꞌ.

Hechos 7:17

Cꞌajoꞌ nak yo̱queb chi qꞌuia̱nc li ralal xcꞌajol laj Israel aran Egipto nak ac yo̱ chi cuulac xkꞌehil nak teꞌisi̱k saꞌ li tenamit aꞌan joꞌ quiyechiꞌi̱c re laj Abraham xban li Dios.

San Juan 7:30

Ut queꞌraj raj xchapbal re nak teꞌxqꞌue saꞌ tzꞌalam. Abanan incꞌaꞌ ajcuiꞌ queꞌxchap xban nak toj ma̱jiꞌ nacuulac xkꞌehil nak ta̱chapekꞌ.

San Lucas 1:36

Joꞌcan ajcuiꞌ lix Elisabet la̱ cuechꞌalal yaj aj ixk anakcuan. Ac cuakib po chic xcanajic chi yaj aj ixk, usta ac ti̱x chic ut usta chixjunileb queꞌxye nak aꞌan incꞌaꞌ ta̱cua̱nk xcocꞌal.

San Lucas 1:13

Ut li ángel quixye: —At Zacarías, matxucuac. Li Dios xrabi li cꞌaꞌru xatzꞌa̱ma. Lix Elisabet la̱ cuixakil ta̱cua̱nk jun xcꞌulaꞌal ut Juan ta̱qꞌue chokꞌ xcꞌabaꞌ.

San Mateo 13:41

La̱in li Cꞌajolbej tintaklaheb chak lin ángel ut eb aꞌan toleꞌisi̱nk reheb chixjunileb laj ma̱c saꞌ xya̱nkeb li cuanqueb rubel xnimajcual cuanquilal li Dios. Ut teꞌisi̱k ajcuiꞌ chixjunileb li nequeꞌqꞌuehoc re chi ma̱cobc li tenamit.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Isaías 54:1

Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

Isaías 38:5

—Ayu riqꞌuin laj Ezequías ut ta̱ye re, “Joꞌcaꞌin xye a̱cue li Ka̱cuaꞌ lix Dios laj David, la̱ xeꞌto̱nil yucuaꞌ. La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi ut tinqꞌue oꞌlaju chihab chic la̱ yuꞌam.

Salmos 113:9

Naxqꞌueheb ralal xcꞌajol li ixk li incꞌaꞌ nequeꞌqꞌuiresin. Ut naxqꞌueheb xsahil xchꞌo̱l saꞌ li rochocheb. ¡Lokꞌoninbil taxak li Ka̱cuaꞌ!

Salmos 52:5

Abanan li Dios tixsach a̱cuu chi junaj cua. Tatrisi saꞌ la̱ cuochoch ut tatxcamsi.

Li xHu LAJ JOB 14:14

Nak nacam li cui̱nk, ¿ma ta̱yoꞌla̱k cuiꞌchic? La̱in yo̱quin chiroybeninquil joꞌ najtil chic tincꞌul li raylal toj ta̱cuulak xkꞌehil nak tincolekꞌ chiru li raylal.

2 Reyes 4:16

Ut laj Eliseo quixye re: —Joꞌcaꞌin saꞌ jun chihab la̱at ac cuan chic junak a̱cꞌulaꞌal te̱lom yo̱kat chixkꞌalunquil, chan. Ut li ixk quixye re: —Ka̱cuaꞌ, la̱at xprofeta li Dios. Ba̱nu usilal, mina̱balakꞌi, chan.

1 Reyes 13:2

Li profeta quia̱tinac chi cau xya̱b xcux ut quixye cꞌaꞌru tixcꞌul li artal joꞌ quiyeheꞌ re xban li Ka̱cuaꞌ. Quixye: —At artal, joꞌcaꞌin xye li Ka̱cuaꞌ Dios: Saꞌ xya̱nkeb li ralal xcꞌajol li rey David ta̱yoꞌla̱k jun li cꞌulaꞌal aj Josías xcꞌabaꞌ. Ut aꞌan ta̱camsi̱nk reheb laj tij li nequeꞌcꞌatoc incienso saꞌ a̱be̱n re xlokꞌoninquil li jalanil dios. Ut saꞌ a̱be̱n tixcꞌateb aꞌan, chan li profeta.

1 Samuel 2:5

Li cuanqueb nabal cꞌaꞌru eb re nak xeꞌcuan, anakcuan ma̱cꞌaꞌ chic cꞌaꞌru reheb. Yo̱queb chi trabajic chi cau re nak ta̱cua̱nk caꞌchꞌinak xtzacae̱mkeb. Ut eb li ma̱cꞌaꞌ cuan reheb re teꞌtzaca̱nk nak xeꞌcuan, anakcuan cuan chic cꞌaꞌruheb re. Ut li ixk li incꞌaꞌ naqꞌuiresin, xeꞌcuan cuukub xcocꞌal. Abanan li ixk li xcuan nabal xcocꞌal, anakcuan incꞌaꞌ chic naqꞌuiresin.

Deuteronomio 34:5

Ut laj Moisés, laj cꞌanjel chiru li Dios, quicam saꞌ li naꞌajej Moab joꞌ yebil xban li Ka̱cuaꞌ.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Génesis 17:21

Abanan lin contrato junelic cua̱nk riqꞌuin laj Isaac. Aꞌan la̱ cualal li ta̱cua̱nk riqꞌuin lix Sara chiru li chihab jun, chan li Dios re laj Abraham.

Proverbios 24:27

Xbe̱n cua te̱cꞌanjela ru le̱ chꞌochꞌ li cuan saꞌ cꞌaleba̱l. Chirix aꞌan te̱yi̱b le̱ rochoch.

Isaías 28:24

Cui junak aj acuinel naxcauresi lix chꞌochꞌ re ta̱a̱uk, ¿ma junelic ta biꞌ yo̱k rakꞌinquil? ¿Ma junelic ta biꞌ yo̱k chixbecbal?