Eclesiastés 3:16 - Li Santil hu

¹⁶ La̱in ninqꞌue retal nak saꞌ ruchichꞌochꞌ junes raylal ut ma̱usilal nequeꞌxba̱nu saꞌ eb li naꞌajej li nequeꞌrakoc cuiꞌ a̱tin. Aran raj nequeꞌrakoc a̱tin saꞌ ti̱quilal.

Q'eqchi Bible

¹⁶ Toj wank chik k'aru xwil sa' ruuchich'och': naq ink'a' na'uxk li k'ulub'ej ut li tiikilal, ut a' chik li maa'usilal ut li lab'al nab'aanumank.

Eclesiastés 3:16 ပူးပေါင်းရင်းမြစ်များ

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Hechos 23:3

Ut laj Pablo quixye re: —Aꞌ li Dios ta̱sacꞌok a̱cue la̱at. Chanchanat jun li tzꞌac bonbil ru. La̱at chunchu̱cat aran chi rakoc a̱tin saꞌ inbe̱n joꞌ naxye li chakꞌrab. Ut la̱at xakꞌet li chakꞌrab nak xatakla insacꞌbal, chan.

Santiago 2:6

La̱ex nequetzꞌekta̱naheb li nebaꞌ ut nequeqꞌue xlokꞌaleb li biom. ¿Ma incꞌaꞌ ta biꞌ nequeqꞌue retal nak li biom, aꞌaneb li nequeꞌrahobtesin e̱re? Ut, ¿ma ma̱cuaꞌeb ta biꞌ li biom li nequeꞌcꞌamoc e̱re saꞌ rakleb a̱tin?

San Mateo 26:59

Ut eb li xbe̱nil aj tij ut eb li nequeꞌcꞌamoc be saꞌ xya̱nkeb laj judío ut chixjunileb li nequeꞌtzꞌiloc a̱tin yo̱queb chixsicꞌbal chanru nak teꞌxyoꞌob junak a̱tin chirix li Jesús re nak ta̱ru̱k teꞌxkꞌaxtesi chi camsi̱c.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Isaías 59:14

Incꞌaꞌ chic narakeꞌ a̱tin saꞌ xya̱lal. Nakatzꞌekta̱na li ti̱quilal. Chi moco saꞌ eb li naꞌajej li nequeꞌrakoc cuiꞌ a̱tin naru nequeꞌxba̱nu saꞌ ti̱quilal. Ma̱cꞌaꞌ chic nequeꞌxba̱nu saꞌ xya̱lal.

Eclesiastés 8:9

Chixjunil aꞌin quinqꞌue retal nak quin-oc chixtzꞌilbal rix li cꞌaꞌru nacꞌulman saꞌ ruchichꞌochꞌ. Quinqꞌue retal nak cuanqueb li cui̱nk cuanqueb xcuanquil saꞌ xbe̱neb li ras ri̱tzꞌin ut nequeꞌxba̱nu raylal reheb.

Eclesiastés 5:7

Joꞌcan nak cui la̱ex junes matqꞌuec nequeba̱nu ut junes a̱tinac nequeba̱nu, aꞌan ma̱cꞌaꞌ na-oc cuiꞌ. Li cꞌaꞌru tento xba̱nunquil, aꞌan xxucuanquil ru li Ka̱cuaꞌ Dios.