Eclesiastés 3:14 - Li Santil hu

¹⁴ Ut ninqꞌue ajcuiꞌ retal nak chixjunil li naxba̱nu li Dios ta̱cua̱nk chi junelic. Chixjunil li cꞌaꞌru quixba̱nu incꞌaꞌ naru xqꞌuebal xtzꞌakob chi moco naru xjepbal. Li Dios quixba̱nu chi joꞌcaꞌin re nak chixjunileb teꞌxxucua ru.

Q'eqchi Bible

¹⁴ Ninnaw ajwi' naq chixjunil li naxb'aanu li Yos, wanq chi junelik. Maak'a' tiqe'k chi moko jeb'e'k naraj. Li Yos xb'aanu chixjunil chi jo'kan, re naq taaqoxloq'i li xnimal xwankil.

Eclesiastés 3:14 ပူးပေါင်းရင်းမြစ်များ

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Salmos 33:11

Abanan li cꞌaꞌru naxba̱nu li Ka̱cuaꞌ incꞌaꞌ na-osoꞌ. Cuan ban chi junelic.

Romanos 11:36

Chixjunil li cꞌaꞌ re ru cuan, riqꞌuin li Dios nachal chak. Li Dios quiyi̱ban re chixjunil ut aꞌan aj e̱chal re chixjunil. Lokꞌoninbil taxak li Ka̱cuaꞌ Dios chi junelic kꞌe cutan. Joꞌcan taxak.

Hechos 5:39

Abanan cui ut re li Dios, incꞌaꞌ texru̱k chixpoꞌbal ru. Qꞌuehomak retal chi us ma̱re anchal yo̱quex chi pletic riqꞌuin li Dios, chan laj Gamaliel.

Proverbios 30:6

Ma̱qꞌue xtzꞌakob li ra̱tin li Dios xban nak cui ta̱ba̱nu aꞌan, li Dios tatxkꞌus ut tatcana̱k joꞌ aj ticꞌtiꞌ.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Efesios 3:11

Ac cꞌu̱banbil chak junxil chi joꞌcaꞌin xban li Dios nak li Ka̱cuaꞌ Jesucristo tixjunajiheb ru li ralal xcꞌajol.

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Isaías 46:10

La̱in quinyehoc chak re cꞌaꞌru quicꞌulman chalen saꞌ xticlajic toj saꞌ rosoꞌjic. Chalen najter kꞌe cutan la̱in quinyehoc re cꞌaꞌru ta̱cꞌulma̱nk usta toj ma̱jiꞌ nacꞌulman. Li cꞌaꞌru ninye, aꞌan li ta̱cꞌulma̱nk. La̱in ninba̱nu chixjunil li cꞌaꞌru nacuaj.

Eclesiastés 7:18

Us nak te̱ba̱nu li cꞌaꞌru nequecꞌoxla xba̱nunquil, abanan incꞌaꞌ chinumta̱k li cꞌaꞌru te̱ba̱nu xban nak li ani naxxucua ru li Dios, us na-el riqꞌuin li cꞌaꞌru li naxba̱nu.

Eclesiastés 5:7

Joꞌcan nak cui la̱ex junes matqꞌuec nequeba̱nu ut junes a̱tinac nequeba̱nu, aꞌan ma̱cꞌaꞌ na-oc cuiꞌ. Li cꞌaꞌru tento xba̱nunquil, aꞌan xxucuanquil ru li Ka̱cuaꞌ Dios.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Salmos 64:9

Ut chixjunileb teꞌxucuak ut teꞌxqꞌue retal lix cuanquilal li Dios ut teꞌxye resil li cꞌaꞌru quixba̱nu.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Daniel 8:8

Ut yo̱ chi nima̱nc xcuanquil li chiba̱t ut yo̱ ajcuiꞌ chixnimobresinquil rib. Nak ac xniman chi us lix cuanquilal, quitokeꞌ lix nimla xucub ut aran queꞌel ca̱hib chic lix xucub chokꞌ re̱kaj li jun li quitokeꞌ. Saꞌ xca̱ pacꞌalil li ruchichꞌochꞌ nequeꞌiloc li ca̱hib chi xucub. Jun na-iloc saꞌ li sur, jun na-iloc saꞌ li norte, ut jun na-iloc saꞌ li este li na-el cuiꞌ li sakꞌe ut li jun chic na-iloc saꞌ li oeste li na-oc cuiꞌ li sakꞌe.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

2 Samuel 22:31

Chixjunil li cꞌaꞌru naxba̱nu li Ka̱cuaꞌ, aꞌan cha̱bil ut tzꞌakal re ru. Ut li cꞌaꞌru naxyechiꞌi ke, nakanau chi tzꞌakal nak tixqꞌue ke. Li Dios naxtenkꞌaheb li ani cauheb xchꞌo̱l riqꞌuin.

Eclesiastés 5:6

Cheqꞌuehak retal li cꞌaꞌru te̱ba̱nu re nak incꞌaꞌ texma̱cobk xban li cꞌaꞌru te̱yechiꞌi. Ma̱re mokon te̱ye re laj cꞌanjel chiru li Dios nak xma̱cꞌaꞌil e̱naꞌleb xeba̱nu cuiꞌ. Li Dios naru nasach ru li ac xeba̱nu. ¿Cꞌaꞌut nak te̱chikꞌ xjoskꞌil li Dios riqꞌuin li cꞌaꞌru nequeye?