Eclesiastés 3:11 - Li Santil hu

¹¹ Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

Q'eqchi Bible

¹¹ Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Eclesiastés 3:11 ပူးပေါင်းရင်းမြစ်များ

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Li xHu LAJ JOB 11:7

¿Ma nacacꞌoxla nak ta̱tau ru lix naꞌleb li Dios li mukmu nak cuan? ¿Ma nacacꞌoxla nak ta̱tau lix ti̱quilal xchꞌo̱l li nimajcual Dios?

Eclesiastés 8:17

Ut quinqꞌue retal nak ma̱ ani nataꞌoc ru li cꞌaꞌru naxba̱nu li Dios. Li cui̱nk ma̱ jokꞌe tixtau ru li cꞌaꞌru naxba̱nu li Dios saꞌ ruchichꞌochꞌ, usta tixtacuasi rib chixsicꞌbal. Li cuan xnaꞌleb naru naxye nak naxnau, abanan ma̱ jokꞌe tixtau ru.

Li xHu LAJ JOB 5:9

Aꞌan kꞌaxal nim xcuanquil chixba̱nunquil li sachba chꞌo̱lej. Ut ma̱ ani nataꞌoc ru li cꞌaꞌak re ru naxba̱nu.

Génesis 1:31

Ut li Dios quiril nak tzꞌakal re ru chixjunil li quixba̱nu. Ut qui-oc li kꞌojyi̱n ut quisake̱u. Aꞌan li xcuak li cutan.

San Marcos 7:37

Cꞌajoꞌ nak queꞌsach xchꞌo̱leb chirilbal ut queꞌxye: —Cha̱bil chixjunil li naxba̱nu. Naxqꞌue chi abi̱nc li tzꞌap xic ut naxqꞌue chi a̱tinac li mem, chanqueb.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Salmos 104:24

At Ka̱cuaꞌ, cꞌajoꞌ xlokꞌal li cꞌanjel li quilaja̱ba̱nu. Chixjunil li cꞌanjel aꞌin quilaja̱ba̱nu riqꞌuin la̱ naꞌleb. Li ruchichꞌochꞌ nujenak riqꞌuin chixjunil li us quilaja̱ba̱nu.

Eclesiastés 7:29

Nak yo̱quin xtzꞌilinquil rix li cꞌaꞌak re ru aꞌin, quinqꞌue retal nak li Dios quixyi̱b li cui̱nk chi cha̱bil ut chi tzꞌakal re ru. Abanan, eb aꞌan aꞌ chic li ma̱usilal queꞌraj xba̱nunquil.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

San Mateo 13:22

Ut li iyaj li quinak saꞌ xya̱nk li qꞌuix, aꞌaneb li nequeꞌabin re li ra̱tin li Dios. Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios chiruheb.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

Li xHu LAJ JOB 37:23

La̱o incꞌaꞌ nakatau ru li cꞌaꞌru naxba̱nu li nimajcual Dios. Aꞌan kꞌaxal cau rib ut ti̱c xchꞌo̱l. Ut xban nak ti̱c xchꞌo̱l, ma̱ ani naxba̱nu raylal re.

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 7:13

Cheqꞌuehak retal li cꞌaꞌru naxba̱nu li Dios. ¿Ma cuan ta biꞌ junak naru tixti̱cobresi rix junak li cꞌaꞌak re ru li ac xyi̱b li Dios chi yocos rix?

Eclesiastés 7:23

Quin-oc xtzꞌilbal rix li cꞌaꞌak re ru aꞌin xban nak cuan innaꞌleb. Abanan quicuecꞌa nak incꞌaꞌ tzꞌakal lin naꞌleb chixba̱nunquil.

Eclesiastés 11:5

La̱at incꞌaꞌ nacanau bar naxic li ikꞌ. Ut incꞌaꞌ ajcuiꞌ nacanau chanru nak naqꞌui li cꞌulaꞌal li toj ma̱jiꞌ nayoꞌla. Joꞌcan ajcuiꞌ nak incꞌaꞌ nacanau cꞌaꞌru naxba̱nu li Dios li quiyi̱ban re chixjunil li cꞌaꞌak re ru.