Eclesiastés 3:10 - Li Santil hu

¹⁰ La̱in xinqꞌue retal nak kꞌaxal cau li cꞌanjel li quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 3:10 ပူးပေါင်းရင်းမြစ်များ

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

2 Ts 3:8

Incꞌaꞌ xocuaꞌac yal chi ma̱tan. Incꞌaꞌ xkacꞌul katenkꞌanquil nak xocuan saꞌ e̱ya̱nk. Xkatacuasi ban kib chi cꞌanjelac chi kꞌek chi cutan re nak ta̱cua̱nk cꞌaꞌru ke re xnumsinquil li cutan junju̱nk ut ma̱ ani xkachꞌiꞌchꞌiꞌi saꞌ e̱ya̱nk.

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

Eclesiastés 11:5

La̱at incꞌaꞌ nacanau bar naxic li ikꞌ. Ut incꞌaꞌ ajcuiꞌ nacanau chanru nak naqꞌui li cꞌulaꞌal li toj ma̱jiꞌ nayoꞌla. Joꞌcan ajcuiꞌ nak incꞌaꞌ nacanau cꞌaꞌru naxba̱nu li Dios li quiyi̱ban re chixjunil li cꞌaꞌak re ru.