Eclesiastés 2:9 - Li Santil hu

⁹ La̱in li rey li kꞌaxal nim incuanquil chiruheb chixjunileb li rey li queꞌcuan Jerusalén. Usta kꞌaxal nim incuanquil, abanan incꞌaꞌ quintzꞌekta̱na lin naꞌleb.

Q'eqchi Bible

⁹ Rik'in linna'leb' xoxintaw q'axal numtajenaq chik nim linwankil chiruheb' chixjunileb' li awab'ej xe'wank xb'enwa chiwu arin Jerusalén.

Eclesiastés 2:9 ပူးပေါင်းရင်းမြစ်များ

1 Crónicas 29:25

Ut li Ka̱cuaꞌ quixnimobresi xcuanquil laj Salomón chiruheb chixjunileb laj Israel. Ma̱ jun chic rey quicuan nak toj ma̱jiꞌ na-oc saꞌ xcuanquil laj Salomón quiqꞌueheꞌ xlokꞌal joꞌ laj Salomón.

Eclesiastés 1:16

La̱in quinye saꞌ inchꞌo̱l nak kꞌaxal nim incuanquil ut kꞌaxal cuan innaꞌleb chiruheb li queꞌcuan chokꞌ rey aran Jerusalén xbe̱n cua chicuu la̱in. Ut quinqꞌue inchꞌo̱l chixtaubal nabal chic innaꞌleb.

1 Reyes 10:23

Li rey Salomón aꞌan li kꞌaxal cuan xnaꞌleb ut kꞌaxal biom chiruheb chixjunileb li rey li cuanqueb saꞌ ruchichꞌochꞌ.

2 Crónicas 1:1

Lix cuanquil laj Salomón, li ralal laj David, quixakaba̱c saꞌ xnaꞌaj ut kꞌaxal cuiꞌchic quiniman xucuanquil xban nak li Ka̱cuaꞌ lix Dios cuan riqꞌuin.

1 Reyes 10:7

La̱in incꞌaꞌ ninpa̱b toj xinchal arin ut riqꞌuin xnakꞌ cuu xcuil chixjunil. Ya̱l nak kꞌaxal cuan a̱naꞌleb ut nabal li cꞌaꞌru a̱cue. Ya̱l li cꞌaꞌru quicuabi resil cha̱cuix. Riqꞌuin aꞌin ninqꞌue retal nak moco tzꞌakal ta yi jach li queꞌxserakꞌi cue.

1 Reyes 3:12

Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

Eclesiastés 5:11

Li ani cuan nabal cꞌaꞌru re, nabal ajcuiꞌ naxsach. ¿Cꞌaꞌru naxra nak cuan nabal cꞌaꞌru re? Ma̱cꞌaꞌ, xban nak yal naril nak na-osoꞌ chiru.