Eclesiastés 2:8 - Li Santil hu

⁸ Quinchꞌutub li plata ut li oro li queꞌxqꞌue cue li rey ut li jalan xtenamiteb. Nabaleb laj bichanel li nequeꞌqꞌuehoc xsahil inchꞌo̱l, joꞌ cui̱nk joꞌ ixk. Ut nabal pa̱y ru li cuajb li nequeꞌxchꞌeꞌ re xqꞌuebal xsahil inchꞌo̱l. Ut nabaleb ajcuiꞌ li ixk queꞌcuan cuiqꞌuin re xqꞌuebal xsahil inchꞌo̱l.

Q'eqchi Bible

⁸ Xintam li oor ut li plaat, jo'wi' naab'al inb'ihomal chalenaq rik'in xk'ihaleb' li awab'ej, sa' najtil tenamit. Xe'wanje'k aj b'ichanel jo' winq jo' ixq; xoxintaw chixjunil li k'aru wank xsahil sa' ruuchich'och', jo' ajwi' naab'aleb' li ixq.

Eclesiastés 2:8 ပူးပေါင်းရင်းမြစ်များ

1 Reyes 10:10

Li reina re li tenamit Sabá quixsi re li rey Salomón caꞌchꞌin chic ma̱ jun ciento quintal li oro. Ut quixsi ajcuiꞌ re nabal li sununquil ban joꞌ ajcuiꞌ li terto̱quil pec. Ma̱ jun sut quisiheꞌ nabal li sununquil ban re li rey Salomón joꞌ li quixsi li reina.

1 Reyes 9:28

Eb aꞌan queꞌco̱eb saꞌ li jucub saꞌ li tenamit Ofir ut queꞌxcꞌam chak caꞌchꞌin chic ma̱ cuaklaju quintal li oro ut queꞌxqꞌue re li rey Salomón.

2 Samuel 19:35

La̱in cuan ca̱cꞌa̱l chihab cue anakcuan. Ma̱cꞌaꞌ chic naxqꞌue xsahil inchꞌo̱l. Incꞌaꞌ chic ninnau cꞌaꞌru li sa xtzacanquil, chi moco naru tincuutzꞌ ma sunu̱nc malaj ut incꞌaꞌ sunu̱nc li cua cuucꞌa. Chi moco naru chic nacuabi lix bicheb li nequeꞌbichan. ¿Cꞌaꞌut nak tinqꞌue i̱k saꞌ a̱be̱n re cuilbal?

1 Reyes 10:14

Numenak o̱b ciento quintal li oro li naxcꞌul laj Salomón rajlal chihab.

Amós 6:5

Nequexbichan nak nequerabi xya̱b li xo̱lb. Nequeyi̱b le̱ cuajb re te̱ya̱basi ut nequeba̱nu e̱rib joꞌ li rey David.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Daniel 3:7

Joꞌcan nak chixjunileb queꞌxcuikꞌib ribeb nak queꞌrabi xya̱b li cuajb ut queꞌxlokꞌoni li yi̱banbil dios oro li quixakaba̱c xban li rey Nabucodonosor. Chixjunileb queꞌxcuikꞌib rib chiru, aꞌ yal bar xtenamiteb ut aꞌ yal chanru ra̱tinoba̱leb.

Daniel 3:5

Nak te̱rabi nak teꞌoc chi ecꞌa̱nc li trompeta, li xo̱lb, li tambor, li arpa, li salterio, li zampoña, joꞌ ajcuiꞌ chixjunileb li cuajb, la̱ex te̱cuikꞌib e̱rib ut te̱lokꞌoni li jalam u̱ch oro li quixqꞌue chi yi̱ba̱c li rey Nabucodonosor.

Esdras 2:65

Cuanqueb ajcuiꞌ cuukub mil riqꞌuin oxib ciento riqꞌuin cuuklaju xcaꞌcꞌa̱l (7,337) xmo̱seb, ixk ut cui̱nk. Ut cuanqueb ajcuiꞌ cuib ciento (200) aj bichanel, joꞌ cui̱nk joꞌ ixk.

2 Crónicas 9:11

Li cha̱bil cheꞌ sándalo quicꞌanjelac chiru laj Salomón re xyi̱banquileb li gradas re li templo ut re ajcuiꞌ li palacio. Ut quixyi̱beb ajcuiꞌ li arpa chiru joꞌ ajcuiꞌ li salterio re ta̱cꞌanjelak chiruheb li nequeꞌcuajbac. Ma̱ jun sut chic quicuulac li cha̱bil cheꞌ aran Israel ut ma̱ jun sut chic queꞌril ru toj chalen anakcuan.

1 Crónicas 25:6

Laj Asaf, laj Jedutún ut laj Hemán queꞌcꞌamoc be chiruheb li ralal xcꞌajol chi cuajbac re xlokꞌoninquil li Dios saꞌ lix templo joꞌ queꞌtakla̱c cuiꞌ xban li rey David. Chixjunileb li alalbej queꞌxlokꞌoni li Dios riqꞌuin li arpa, li salterio, ut li sursu̱quil chꞌi̱chꞌ.

1 Crónicas 25:1

Laj David ut eb li nequeꞌcꞌamoc be saꞌ xya̱nkeb laj Israel queꞌxsicꞌ ruheb li ralal xcꞌajol laj Asaf ut laj Hemán joꞌ eb ajcuiꞌ li ralal xcꞌajol laj Jedutún re teꞌxye resil li cꞌaꞌru nacꞌutbesi̱c chiruheb xban li Dios. Nak yo̱queb chixyebal resil, cuanqueb li yo̱queb chixchꞌeꞌbal li arpa, li salterio ut li sursu̱quil chꞌi̱chꞌ. Aꞌaneb aꞌin xcꞌabaꞌeb li queꞌsiqꞌueꞌ ruheb.

1 Reyes 14:27

Ut li rey Roboam quixyi̱b riqꞌuin bronce re̱kajeb li chꞌi̱chꞌ li nequeꞌxram cuiꞌ re xchꞌo̱leb ut quixkꞌaxtesi reheb li nequeꞌtaklan saꞌ xbe̱neb li soldado li nequeꞌcꞌacꞌalen re li oqueba̱l re li rochoch li rey.

1 Reyes 10:21

Chixjunil lix secꞌ li rey Salomón, aꞌan junes cha̱bil oro, joꞌ eb ajcuiꞌ chixjunil li secꞌ li cuan saꞌ li palacio “Qꞌuicheꞌ re Líbano” xcꞌabaꞌ. Ma̱cꞌaꞌ li secꞌ plata riqꞌuin xban nak li plata saꞌ eb li cutan aꞌan ma̱cꞌaꞌ xtzꞌak.

1 Reyes 9:14

Laj Hiram quixsi re laj Salomón caꞌchꞌin chic ma̱ jun ciento quintal li oro re li cablac.

1 Reyes 11:3

Laj Salomón quisumla riqꞌuin cuukub ciento li ixk xrabineb rey. Ut quicuan ajcuiꞌ riqꞌuin oxib ciento chic li ixk ma̱cuaꞌ tzꞌakal rixakil. Ut saꞌ xcꞌabaꞌeb li ixk aꞌan, laj Salomón quixcanab xlokꞌoninquil li Dios.

Eclesiastés 1:2

Aꞌin li quixye chirix li cꞌaꞌru cuan saꞌ ruchichꞌochꞌ: Chixjunil li cꞌaꞌak re ru cuan saꞌ ruchichꞌochꞌ, ma̱cꞌaꞌ na-oc cuiꞌ. Chixjunil li cꞌaꞌru nakacꞌoxla xba̱nunquil, ma̱cꞌaꞌ rajbal.