Eclesiastés 2:7 - Li Santil hu

⁷ Nabaleb inlokꞌbil mo̱s joꞌ cui̱nk joꞌ ixk, ut cuanqueb ajcuiꞌ inmo̱s queꞌyoꞌla saꞌ li cuochoch. Queꞌcuan nabal incuacax ut nabaleb lin carner. La̱in li nabal cꞌaꞌru cue chiruheb li rey li queꞌcuan Jerusalén xbe̱n cua chicuu la̱in.

Q'eqchi Bible

⁷ Xe'wank naab'aleb' inmoos winq ut ixq. Xe'wank ajwi' inketomq: naab'aleb' linwakax ut linkarneer, numtajenaq tz'aqal chiru li xe'wank reheb' li xe'awab'ejink Jerusalén xb'enwa chiwu.

Eclesiastés 2:7 ပူးပေါင်းရင်းမြစ်များ

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Li xHu LAJ JOB 1:3

Laj Job kꞌaxal nabal cꞌaꞌru re cuan. Cuukub mil lix carner ut oxib mil lix camello, o̱b ciento sumal lix bo̱yx ut o̱b ciento lix bu̱r. Kꞌaxal nabaleb lix mo̱s. Laj Job, aꞌan li kꞌaxal biom saꞌ chixjunil li naꞌajej li cuan saꞌ li oriente.

Nehemías 7:57

Eb li ralal xcꞌajol li queꞌcꞌanjelac chiru laj Salomón, aꞌaneb li ralal xcꞌajol laj Sotai, laj Soferet ut laj Perida,

Esdras 2:58

Chixjunileb li nequeꞌcꞌanjelac saꞌ li templo ut eb li ralal xcꞌajol li nequeꞌcꞌanjelac chiru laj Salomón, aꞌan oxib ciento riqꞌuin cablaju roꞌcꞌa̱l (392).

2 Crónicas 26:10

Quixyi̱beb ajcuiꞌ li cab li najt xteram saꞌ li chaki chꞌochꞌ. Ut quixbec nabal li haꞌ xban nak cuan nabal lix queto̱mk saꞌ li ru takꞌa ut saꞌ li naꞌajej Sefela li tzu̱l ru. Ut cuanqueb ajcuiꞌ lix mo̱s li queꞌcꞌanjelac saꞌ lix naꞌaj lix uvas joꞌ saꞌ li tzu̱l ut saꞌ li ru takꞌa saꞌ li cha̱bil chꞌochꞌ xban nak aꞌan quicuulac ajcuiꞌ chiru li a̱uc.

2 Reyes 3:4

Laj Mesa, lix reyeb laj Moab, aꞌan aj qꞌuiresihom carner. Ut rajlal chihab tento nak naxqꞌue jun ciento mil (100,000) chi carner toj sa̱j re lix reyeb laj Israel. Ut naxqꞌue ajcuiꞌ jun ciento mil li carner li ma̱jiꞌ besbileb rix.

1 Reyes 4:23

laje̱b li cuacax li ni̱nk xtibeleb, junmay li cuacax li junes ichaj queꞌxcuaꞌ, ut jun ciento li carner. Ma̱cꞌaꞌeb saꞌ ajl li quej, li yuc, ut li acꞌach ut li caxlan li ni̱nk xtibeleb.

Génesis 15:3

—La̱at ma̱ jun li cualal xaqꞌue. Xban aꞌan chixjunil li cꞌaꞌru cuan cue, tento nak jun lin najter mo̱s quiyoꞌla saꞌ cuochoch, aꞌan ta̱e̱chani̱nk re, chan laj Abram.

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Génesis 13:2

Numtajenak xbiomal laj Abram. Cuan x-oro. Cuan xplata ut cuan ajcuiꞌ nabal lix queto̱mk.

San Lucas 12:45

Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

Esdras 2:55

Eb li ralal xcꞌajol li nequeꞌcꞌanjelac chiru laj Salomón, aꞌaneb li ralal xcꞌajol laj Sotai, laj Soferet, ut laj Peruda,