Eclesiastés 2:5 - Li Santil hu

⁵ Ut quinyi̱b ajcuiꞌ xnaꞌajeb li cuacui̱mk ut quicuau nabal pa̱y ru li cheꞌ li nau̱chin. Ut quinyi̱b ajcuiꞌ xnaꞌaj li cuutzꞌuꞌuj ut quicuau li utzꞌuꞌuj aran.

Q'eqchi Bible

⁵ Xinyiib' xna'ajeb' li wawimq ut xna'ajeb' li wuutz'u'uj; ut yalaq k'a' chi che'ul li na'uuchink xwaw aran.

Eclesiastés 2:5 ပူးပေါင်းရင်းမြစ်များ

Jeremías 39:4

Nak laj Sedequías lix reyeb laj Judá ut eb lix soldados queꞌrileb lix soldados li xicꞌ nequeꞌiloc reheb, queꞌe̱lelic chiruheb. Chiru kꞌojyi̱n queꞌel saꞌ xnaꞌaj li racui̱mk li rey saꞌ li oqueba̱l li cuan saꞌ xyi li cuib chi tzꞌac ut queꞌco̱eb saꞌ li be li naxic Arabá.

Cantares 6:2

Li cui̱nk li ninra xco̱ saꞌ xnaꞌaj li racui̱mk. Xco̱ saꞌ li naꞌajej li cꞌajoꞌ xsununcal. Co̱ chirilbaleb lix queto̱mk ut chixsicꞌbaleb li utzꞌuꞌuj.

Cantares 4:12

At cuixakil, at xsum li cua̱m, la̱at tzꞌakal cue injunes. Chanchanat jun lix cha̱bil naꞌaj li acui̱mk li tzꞌaptzꞌo saꞌ tzꞌac. Chanchanat li yuꞌam haꞌ tzꞌaptzꞌo.

Nehemías 2:8

Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Cantares 4:13

Saꞌ li naꞌajej aꞌan, cuan lix cheꞌel li granada ut cha̱bil nau̱chin. Ut cuan ajcuiꞌ li utzꞌuꞌuj alheña ut nardo.

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.