Eclesiastés 2:4 - Li Santil hu

⁴ Nabal li cꞌanjel quinba̱nu. Nabaleb li cab quinyi̱b chokꞌ cue. Ut quicuau ajcuiꞌ li uvas.

Q'eqchi Bible

⁴ Xinyoob' inninqal b'aanuhom: xinkab'la naab'aleb' li wochoch ut xink'e wawimq uub'.

Eclesiastés 2:4 ပူးပေါင်းရင်းမြစ်များ

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Isaías 5:1

Tinbicha jun li bich saꞌ xcꞌabaꞌ li kꞌaxal raro inban. Tinbicha̱nk chirix li racui̱mk. Aꞌan aꞌin li bich: Li kꞌaxal raro inban cuan jun lix chꞌochꞌ kꞌaxal cha̱bil saꞌ jun li chꞌina tzu̱l.

Cantares 7:12

Ekꞌela tocuacli̱k ut takil li acui̱mk uvas. Takil ma yo̱queb chi ni̱nka̱nc. Takil ma xpuqꞌueꞌ li ratzꞌum li granadas. Ut aran takara kib.

Cantares 1:14

Li cui̱nk li ninra, aꞌan chanchan xchꞌinaꞌusal li utzꞌuꞌuj alheña, li cuan saꞌ lix naꞌaj li uvas aran En-gadi.

Salmos 49:11

Eb aꞌan cuan saꞌ xchꞌo̱leb nak ta̱cua̱nk lix chꞌochꞌeb chi junelic ut nequeꞌxcꞌoxla nak li rochocheb teꞌcana̱k reheb li ralal xcꞌajol li toj teꞌcua̱nk mokon xban nak saꞌ xcꞌabaꞌeb cuan lix huhil lix chꞌochꞌeb.

2 Crónicas 26:10

Quixyi̱beb ajcuiꞌ li cab li najt xteram saꞌ li chaki chꞌochꞌ. Ut quixbec nabal li haꞌ xban nak cuan nabal lix queto̱mk saꞌ li ru takꞌa ut saꞌ li naꞌajej Sefela li tzu̱l ru. Ut cuanqueb ajcuiꞌ lix mo̱s li queꞌcꞌanjelac saꞌ lix naꞌaj lix uvas joꞌ saꞌ li tzu̱l ut saꞌ li ru takꞌa saꞌ li cha̱bil chꞌochꞌ xban nak aꞌan quicuulac ajcuiꞌ chiru li a̱uc.

2 Crónicas 8:11

Laj Salomón quirisi li rixakil saꞌ lix tenamit laj David ut quixqꞌue chi cua̱nc saꞌ li palacio li quixyi̱b chokꞌ re. Li rixakil, aꞌan lix rabin laj faraón. Laj Salomón quixcꞌoxla nak li rixakil incꞌaꞌ naru nacuan saꞌ li rochoch laj David li quicuan chokꞌ xreyeb laj Israel xban nak li naꞌajej aꞌan lokꞌ xban nak aran quicuan lix Lokꞌlaj Ca̱x li Dios.

1 Crónicas 27:27

Laj Simei, Ramat xtenamit, aꞌan li najolomin re li nequeꞌcꞌanjelac saꞌ xnaꞌajeb li uvas. Ut laj Zabdi, Sefam xtenamit, aꞌan li najolomin reheb li nequeꞌxococ re li vino.

1 Reyes 15:19

Laj Asa quixtakla xyebal re laj Ben-adad: —Kaba̱nuhak junak li contrato chi kibil kib joꞌ queꞌxba̱nu lin yucuaꞌ riqꞌuin la̱ yucuaꞌ. Xintakla li oro ut li plata chokꞌ a̱cue. Nintzꞌa̱ma cha̱cuu nak incꞌaꞌ chic ta̱qꞌue xcuanquil li contrato li xaba̱nu riqꞌuin laj Baasa, lix reyeb laj Israel, re nak incꞌaꞌ chic toxchꞌiꞌchꞌiꞌi, chan laj Asa.

1 Reyes 9:1

Laj Salomón quixchoy xyi̱banquil lix templo li Ka̱cuaꞌ joꞌ ajcuiꞌ lix palacio ut chixjunil li quiraj xyi̱banquil.

2 Samuel 18:18

Nak toj yoꞌyo laj Absalón quixtus li pec chi najt xteram saꞌ li ru takꞌa re li rey, re nak eb li tenamit teꞌxqꞌue xlokꞌal laj Absalón. Quixye: —Ma̱ jun cualal cuan re nak ta̱jultica̱k incꞌabaꞌ, chan. Joꞌcan nak quixqꞌue “Absalón” chokꞌ xcꞌabaꞌ li tusbil pec aꞌan. Ut chalen anakcuan li tusbil pec aꞌan “Absalón” nayeman re.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.