Eclesiastés 2:24 - Li Santil hu

²⁴ Li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li cꞌaꞌru tixcꞌanjela. Ut la̱in xinqꞌue retal nak chixjunil li cꞌaꞌru cuan ke li Dios naqꞌuehoc re.

Q'eqchi Bible

²⁴ Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Eclesiastés 2:24 ပူးပေါင်းရင်းမြစ်များ

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

Eclesiastés 8:15

Joꞌcan nak la̱in ninye nak li cui̱nk tixsicꞌ li sahil chꞌo̱lej arin saꞌ ruchichꞌochꞌ. Ta̱cuaꞌak ta̱ucꞌak ut ta̱sahokꞌ saꞌ xchꞌo̱l xban nak caꞌaj cuiꞌ aꞌan naru tixba̱nu re nak tixyal xsahil li cꞌanjel li naxba̱nu nak toj cuan lix yuꞌam saꞌ ruchichꞌochꞌ li naqꞌueheꞌ re xban li Dios.

1 Corintios 15:32

Ut cui incꞌaꞌ teꞌcuacli̱k chi yoꞌyo li camenak, ¿cꞌaꞌ raj ru tinra nak tincꞌul li raylal arin Éfeso? Chanchan nak yo̱quin chi pletic riqꞌuineb li joskꞌ aj xul nak cuanquin arin saꞌ xya̱nkeb li tenamit. Ma̱cꞌaꞌ raj rajbal aꞌan cui incꞌaꞌ takacꞌul kakꞌajca̱munquil chirix li kacamic. Kꞌaxal us raj cui takaba̱nu joꞌ li incꞌaꞌ nequeꞌxpa̱b nak teꞌcuacli̱k chi yoꞌyo li camenak li nequeꞌxye cuaꞌako, ucꞌako xban nak cuulaj caꞌbej nococam.

Deuteronomio 12:18

Te̱tzaca ban li mayej aꞌan chiru li Ka̱cuaꞌ saꞌ li naꞌajej li tixsicꞌ ru li Ka̱cuaꞌ le̱ Dios. Joꞌcan te̱ba̱nu la̱ex, ut eb le̱ ralal e̱cꞌajol, eb le̱ mo̱s ixk ut eb le̱ mo̱s cui̱nk, joꞌ eb ajcuiꞌ laj levita li cua̱nkeb saꞌ le̱ tenamit. Ut ta̱sahokꞌ saꞌ e̱chꞌo̱l chiru li Ka̱cuaꞌ riqꞌuin chixjunil li cꞌanjel te̱ba̱nu.

Hechos 14:17

Riqꞌuin li usilal li naxba̱nu ke, junelic yo̱ chixcꞌutbesinquil chiku nak aꞌan li Dios. Aꞌan naxcꞌut chiku nak aꞌan yal re saꞌ xbe̱n chixjunil. Aꞌan naqꞌuehoc re li hab. Aꞌan naqꞌuehoc re chi u̱chi̱nc li kacui̱mk chi nabal, ut aꞌan ajcuiꞌ nacꞌojoban re li kachꞌo̱l riqꞌuin li katzacae̱mk ut riqꞌuin lix sahil kachꞌo̱l, chan laj Pablo.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Eclesiastés 6:2

Cuanqueb li nequeꞌqꞌueheꞌ xbiomal ut xlokꞌal xban li Dios. Chixjunil cuan reheb. Ma̱cꞌaꞌ napaltoꞌ chiruheb. Abanan li Dios incꞌaꞌ naxqꞌueheb chixyalbal xsahil lix biomaleb. Jalan ban chic aj e nacana cuiꞌ. Aꞌin ma̱cꞌaꞌ na-oc cuiꞌ. Aꞌan jun raylal ut chꞌaꞌajquilal chokꞌ reheb li cristian.

Deuteronomio 12:12

Ut nak cua̱nkex saꞌ li naꞌajej aꞌan ta̱sahokꞌ saꞌ e̱chꞌo̱l la̱ex chiru li Ka̱cuaꞌ le̱ Dios. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, ut eb le̱ mo̱s cui̱nk ut eb le̱ mo̱s ixk ut e̱rochben ajcuiꞌ eb laj levita li cuanqueb saꞌ e̱ya̱nk. Eb aꞌan incꞌaꞌ queꞌxcꞌul lix naꞌajeb.

Nehemías 8:10

Ut queꞌxye ajcuiꞌ reheb: —Chenima ru li cutan aꞌin xban nak li cutan aꞌin kꞌaxal lokꞌ chiru li Ka̱cuaꞌ. Mirahoꞌ e̱chꞌo̱l. Tzacahomak li cha̱bil tzacae̱mk ut ucꞌumak li cha̱bil vino li quiꞌ ut qꞌuehomak xtzacae̱mk li ma̱cꞌaꞌ cuan reheb yi̱banbil. Ut chisahokꞌ taxak saꞌ e̱chꞌo̱l xban nak li sahil chꞌo̱lej li naxqꞌue li Ka̱cuaꞌ, aꞌan naxqꞌue xcacuil kachꞌo̱l.—

Eclesiastés 2:3

Xban nak junes xsicꞌbal innaꞌleb yo̱quin, quincꞌoxla nak tintau xsahil inchꞌo̱l riqꞌuin li cala̱c. Joꞌcan nak quin-oc chi ucꞌac re rilbal ma aꞌan li us tixba̱nu li cui̱nk joꞌ najtil ta̱cua̱nk saꞌ ruchichꞌochꞌ.

Eclesiastés 2:25

¿Ani ta biꞌ ta̱ru̱k ta̱cuaꞌak ut ta̱sahokꞌ saꞌ xchꞌo̱l cui ta li Dios incꞌaꞌ tixqꞌue li cꞌaꞌru re?

Eclesiastés 6:12

¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

Eclesiastés 2:10

Chixjunil li sahil chꞌo̱lej li quicuaj, quinba̱nu. Ma̱ jun sut incꞌaꞌ ta quinba̱nu li cꞌaꞌru quinrahi ru. Ut quisahoꞌ saꞌ inchꞌo̱l riqꞌuin lin cꞌanjel li quinba̱nu. Li sahil chꞌo̱lej quincꞌul, aꞌan re̱kaj li cꞌanjel quinba̱nu.

Eclesiastés 5:17

Li ani naxnumsi lix yuꞌam chi ma̱cꞌaꞌ rajbal chanchan saꞌ kꞌojyi̱n cuan. Nabal li raylal xcꞌul ut nabal li chꞌaꞌajquilal ut yajel.