Eclesiastés 2:22 - Li Santil hu

²² Riqꞌuin aꞌin nacꞌutun nak li cui̱nk ma̱cꞌaꞌ naxra nak naxcamsi rib chi cꞌanjelac saꞌ ruchichꞌochꞌ.

Q'eqchi Bible

²² Rik'in a'in nak'utunk naq maak'a' aj e naq naqatawasi qib' ut naqayal qaq'e chi k'anjelak arin sa' ruuchich'och'.

Eclesiastés 2:22 ပူးပေါင်းရင်းမြစ်များ

Eclesiastés 1:3

¿Cꞌaꞌru tixra li cui̱nk nak tixcamsi rib chi trabajic rajlal cutan?

Salmos 127:2

Ma̱cꞌaꞌ rajbal nak junak cui̱nk ta̱cuacli̱k ekꞌela ut tixnumsi li cutan chi trabajic cui ma̱cꞌaꞌ li Dios riqꞌuin. Ma̱cꞌaꞌ rajbal nak tixcamsi rib chi cꞌanjelac re xsicꞌbal lix tzacae̱mk xban nak li Dios naxqꞌue reheb li ani naxra ut naxqꞌueheb ajcuiꞌ chi hila̱nc.

1 Pedro 5:7

Checanabak saꞌ rukꞌ li Dios chixjunil li cꞌaꞌak re ru yo̱ e̱cꞌaꞌux chirix xban nak li Dios naxqꞌue xchꞌo̱l che̱rix la̱ex.

1 Timoteo 6:8

Joꞌcan nak cui cuan katzacae̱mk ut cui cuan katꞌicr re xtzꞌapbal kib, cꞌojcꞌo̱k kachꞌo̱l riqꞌuin aꞌan.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

San Mateo 6:34

Joꞌcan ut nak mexcꞌoxlac chirix li cutan re cuulaj xban nak aꞌan ta̱cꞌoxlama̱nk ajcuiꞌ cuulaj. Tzꞌakalak riqꞌuin li chꞌaꞌajquilal li naxcꞌam chak li junju̱nk chi cutan.

Eclesiastés 4:6

Us nak naxba̱nu chi joꞌcan. Us nak kꞌalkꞌo rukꞌ saꞌ rochoch chiru nak tixcamsi rib chi cꞌanjelac chi ma̱cꞌaꞌ rajbal xban nak aꞌan junes raylal naxqꞌue.

Eclesiastés 3:9

¿Ma cuan ta biꞌ cꞌaꞌru naxra li cui̱nk nak naxcamsi rib chi cꞌanjelac?

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

San Mateo 6:11

Chaqꞌue taxak ke li kacua kucꞌa chi cuulaj cuulaj.

Eclesiastés 8:15

Joꞌcan nak la̱in ninye nak li cui̱nk tixsicꞌ li sahil chꞌo̱lej arin saꞌ ruchichꞌochꞌ. Ta̱cuaꞌak ta̱ucꞌak ut ta̱sahokꞌ saꞌ xchꞌo̱l xban nak caꞌaj cuiꞌ aꞌan naru tixba̱nu re nak tixyal xsahil li cꞌanjel li naxba̱nu nak toj cuan lix yuꞌam saꞌ ruchichꞌochꞌ li naqꞌueheꞌ re xban li Dios.

Eclesiastés 5:17

Li ani naxnumsi lix yuꞌam chi ma̱cꞌaꞌ rajbal chanchan saꞌ kꞌojyi̱n cuan. Nabal li raylal xcꞌul ut nabal li chꞌaꞌajquilal ut yajel.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

San Lucas 12:29

Joꞌcan ut nak incꞌaꞌ yo̱k e̱cꞌaꞌux chirix le̱ cua e̱rucꞌa.

San Lucas 12:22

Ut li Jesús quixye reheb lix tzolom: —Mixic e̱chꞌo̱l chixcꞌoxlanquil chanru nak te̱numsi li cutan junju̱nk, chi moco riqꞌuin li cꞌaꞌru te̱tzaca chi moco riqꞌuin lix tikibanquil e̱rib.

San Mateo 6:25

Joꞌcan ut nak ninye e̱re: Mixic e̱chꞌo̱l chirix le̱ cua e̱rucꞌa chi moco chirix chanru te̱tikib e̱rib. ¿Ma incꞌaꞌ ta biꞌ kꞌaxal lokꞌ li kayuꞌam chiru li cꞌaꞌru takatzaca? ¿Ma incꞌaꞌ ta biꞌ kꞌaxal lokꞌ li kayuꞌam chiru li kakꞌ?

Proverbios 16:26

Li ani natrabajic, natrabajic xban nak tzaca̱nc naraj. Xban nak cuaꞌac naraj, cau nacꞌanjelac.

1 Corintios 16:16

Joꞌcan nak tintzꞌa̱ma che̱ru nak tex-abi̱nk chiru laj Estéfanas joꞌqueb ajcuiꞌ chixjunileb li nequeꞌtenkꞌan ut nequeꞌcꞌanjelac saꞌ e̱ya̱nk.

Eclesiastés 2:11

Nak quin-oc chi cꞌoxlac chirix li cꞌanjel li quinba̱nu, quinqꞌue retal nak ma̱cꞌaꞌ na-oc cuiꞌ li cꞌanjel li quinba̱nu. Caꞌaj cuiꞌ raylal naxqꞌue. Riqꞌuin aꞌin nacꞌutun nak ma̱cꞌaꞌ xinra chirix li cꞌanjel li xinba̱nu saꞌ ruchichꞌochꞌ.