Eclesiastés 2:21 - Li Santil hu

²¹ Joꞌcaꞌin li cꞌanjelac saꞌ ruchichꞌochꞌ. Li cui̱nk nacꞌanjelac chi cau ut cuan xnaꞌleb chixcꞌoxlanquil chanru tixba̱nu. Abanan, nak nacam naxcanab chixjunil li quixba̱nu chokꞌ re jalan li moco xcꞌulub ta xcꞌulbal xban nak incꞌaꞌ xcꞌanjela rix. Joꞌcan nak li cꞌanjel li naxba̱nu nacana chi ma̱cꞌaꞌ rajbal.

Q'eqchi Bible

²¹ xb'aan naq jo'ka'in li k'anjelak sa' ruuchich'och': li ani nak'anjelak rik'in chaab'il na'leb', xseeb'al xk'a'uxl ut anchal xch'ool, tento tixkanab' li k'aru wank re cho'q re jalan chik li ink'a' xtawasi rib' chi k'anjelak. A'in ajwi' moko us ta ut maak'a' rajb'al.

Eclesiastés 2:21 ပူးပေါင်းရင်းမြစ်များ

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Jeremías 22:15

At rey, ¿ma nacacꞌoxla nak la̱at cha̱bil rey yal xban nak cua̱nk la̱ cha̱bil palacio yi̱banbil riqꞌuin li cheꞌ chacalteꞌ? La̱ yucuaꞌ quixba̱nu li us ut quicuan saꞌ ti̱quilal. Joꞌcan nak us qui-el riqꞌuin li quixba̱nu. Incꞌaꞌ quipaltoꞌ cꞌaꞌru re.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

2 Crónicas 35:18

Ma̱ jun sut qui-uxman li ninkꞌe Pascua chi joꞌcaꞌin joꞌ najtil quicuan li profeta Samuel. Ut ma̱ jun rey quixba̱nu li ninkꞌe joꞌ quixba̱nu li rey Josías rochbeneb laj tij, laj levita, chixjunileb laj Judá ut eb laj Israel li cuanqueb aran Jerusalén.

2 Crónicas 34:2

Laj Josías quixba̱nu li us chiru li Ka̱cuaꞌ Dios joꞌ quixba̱nu laj David lix xeꞌto̱nil yucuaꞌ. Cha̱bil xnaꞌleb nak quicuan chokꞌ rey. Ut incꞌaꞌ quixcanab xba̱nunquil li us.

Salmos 49:10

Arin nakaqꞌue retal nak chikajunilo nococam, li cuanqueb xnaꞌleb joꞌ ajcuiꞌ li ma̱cꞌaꞌeb xnaꞌleb. Ut lix biomaleb jalan chic nae̱chanin re.

Eclesiastés 2:20

Ra raj chic quicuecꞌa nak quinqꞌue retal nak cau quincꞌanjelac saꞌ ruchichꞌochꞌ chi ma̱cꞌaꞌ rajbal.

Eclesiastés 4:4

Ut quinqꞌue ajcuiꞌ retal nak li ani nacꞌanjelac chi cha̱bil ut chi cau, aꞌan nacakali̱c. Ut chixjunil aꞌin ma̱cꞌaꞌ na-oc cuiꞌ. Junes raylal naxqꞌue.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Salmos 39:7

¿Cꞌaꞌ chic ru nacuoybeni, at Ka̱cuaꞌ? Caꞌaj chic a̱cuiqꞌuin cau inchꞌo̱l.

Salmos 49:11

Eb aꞌan cuan saꞌ xchꞌo̱leb nak ta̱cua̱nk lix chꞌochꞌeb chi junelic ut nequeꞌxcꞌoxla nak li rochocheb teꞌcana̱k reheb li ralal xcꞌajol li toj teꞌcua̱nk mokon xban nak saꞌ xcꞌabaꞌeb cuan lix huhil lix chꞌochꞌeb.