Eclesiastés 2:19 - Li Santil hu

¹⁹ Ma̱ ani nanaꞌoc re ma cuan xnaꞌleb malaj ut ma̱cꞌaꞌ li ta̱oc chokꞌ cue̱kaj. Incꞌaꞌ ninnau ma cuan xnaꞌleb li ta̱e̱chani̱nk re li cꞌaꞌru cue li xinqꞌue inchꞌo̱l xcꞌanjelanquil riqꞌuin lin naꞌleb. Joꞌcan nak chixjunil li cꞌaꞌru xinba̱nu, ma̱cꞌaꞌ na-oc cuiꞌ.

Q'eqchi Bible

¹⁹ Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

Eclesiastés 2:19 ပူးပေါင်းရင်းမြစ်များ

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

Eclesiastés 9:13

Ut quinqꞌue ajcuiꞌ retal jun li naꞌleb li na-uxman saꞌ ruchichꞌochꞌ, li na-oc incꞌaꞌux xban.

1 Timoteo 6:10

Li xrahinquil ru li tumin, aꞌan xxeꞌ xto̱nal chixjunil li ma̱usilal. Cuanqueb li queꞌxtzꞌekta̱na lix pa̱ba̱l xban xrahinquil ru li tumin. Ut qꞌuila raylal queꞌxbok saꞌ xbe̱neb. Ut nequeꞌyotꞌotꞌnac saꞌ xchꞌo̱leb riqꞌuin li incꞌaꞌ us nequeꞌxba̱nu.

1 Reyes 12:13

Li rey Roboam cau quira̱tinaheb li tenamit ut incꞌaꞌ quixba̱nu li cꞌaꞌru quiyeheꞌ re xbaneb li che̱quel cui̱nk.

Eclesiastés 2:20

Ra raj chic quicuecꞌa nak quinqꞌue retal nak cau quincꞌanjelac saꞌ ruchichꞌochꞌ chi ma̱cꞌaꞌ rajbal.

1 Reyes 11:43

Laj Salomón quicam ut quimukeꞌ saꞌ lix tenamit laj David lix yucuaꞌ, li queꞌmukeꞌ cuiꞌ lix xeꞌto̱nil yucuaꞌ. Ut laj Roboam, li ralal, aꞌan chic li qui-oc chokꞌ rey chokꞌ re̱kaj.

Eclesiastés 2:11

Nak quin-oc chi cꞌoxlac chirix li cꞌanjel li quinba̱nu, quinqꞌue retal nak ma̱cꞌaꞌ na-oc cuiꞌ li cꞌanjel li quinba̱nu. Caꞌaj cuiꞌ raylal naxqꞌue. Riqꞌuin aꞌin nacꞌutun nak ma̱cꞌaꞌ xinra chirix li cꞌanjel li xinba̱nu saꞌ ruchichꞌochꞌ.