Eclesiastés 2:18 - Li Santil hu

¹⁸ Ut xicꞌ ajcuiꞌ quicuil li cꞌanjel li quinba̱nu saꞌ ruchichꞌochꞌ xban nak quinnau nak ta̱cana̱k chokꞌ re li ta̱oc chokꞌ cue̱kaj.

Q'eqchi Bible

¹⁸ Xik' ajwi' nawil jo'ch'inal jo'nimal xintawasi wi' wib' chiru linyu'am, xb'aan naq a'an tkanaaq cho'q re li taa'ok sa' linna'aj.

Eclesiastés 2:18 ပူးပေါင်းရင်းမြစ်များ

Salmos 49:10

Arin nakaqꞌue retal nak chikajunilo nococam, li cuanqueb xnaꞌleb joꞌ ajcuiꞌ li ma̱cꞌaꞌeb xnaꞌleb. Ut lix biomaleb jalan chic nae̱chanin re.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

1 Corintios 3:10

Xban nak sicꞌbil cuu xban li Dios chi cꞌanjelac chiru joꞌ jun aj tzꞌac cha̱bil, joꞌcan nak xinnau xjolominquil li cꞌanjel. Chanchan nak xinyi̱b xcimiento li cab nak xinye resil li colba-ib ut jalan chic teꞌcablak saꞌ xbe̱n nak teꞌxchꞌolob lix ya̱lal che̱ru. Ut li junju̱nk chixqꞌuehak retal nak tzꞌakal re ru lix cꞌanjel tixba̱nu.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

Eclesiastés 9:9

Chanumsi la̱ yuꞌam chi sa saꞌ a̱chꞌo̱l riqꞌuin li ixk li nacara. Chanumsihak chi us la̱ yuꞌam li ma̱cꞌaꞌ na-oc cuiꞌ li quiqꞌueheꞌ a̱cue saꞌ ruchichꞌochꞌ, xban nak caꞌaj cuiꞌ aꞌan li naru ta̱ba̱nu re xyalbal xsahil la̱ cꞌanjel.

Eclesiastés 5:18

Riqꞌuin chixjunil aꞌin la̱in xinqꞌue retal nak li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li quixcꞌanjela ru nak cuan arin saꞌ ruchichꞌochꞌ. Lix yuꞌam quiqꞌueheꞌ re xban li Dios. Tento ta̱cꞌanjelak xban nak ac tenebanbil saꞌ xbe̱n.

Eclesiastés 4:3

Abanan kꞌaxal cuiꞌchic us chokꞌ reheb li toj ma̱jiꞌ nequeꞌyoꞌla, xban nak toj ma̱jiꞌ nequeꞌril li ma̱usilal li na-uxman saꞌ ruchichꞌochꞌ.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 1:3

¿Cꞌaꞌru tixra li cui̱nk nak tixcamsi rib chi trabajic rajlal cutan?

Salmos 17:14

Riqꞌuin la̱ cuanquil china̱col chiruheb li sa nequeꞌxnumsi li cutan junju̱nk xban lix biomaleb arin saꞌ ruchichꞌochꞌ. Canabeb chixba̱nunquil li cꞌaꞌru nequeꞌraj toj retal teꞌosokꞌ joꞌqueb ajcuiꞌ li ralal xcꞌajol ut eb li ri xmam.

Eclesiastés 2:11

Nak quin-oc chi cꞌoxlac chirix li cꞌanjel li quinba̱nu, quinqꞌue retal nak ma̱cꞌaꞌ na-oc cuiꞌ li cꞌanjel li quinba̱nu. Caꞌaj cuiꞌ raylal naxqꞌue. Riqꞌuin aꞌin nacꞌutun nak ma̱cꞌaꞌ xinra chirix li cꞌanjel li xinba̱nu saꞌ ruchichꞌochꞌ.

Eclesiastés 2:21

Joꞌcaꞌin li cꞌanjelac saꞌ ruchichꞌochꞌ. Li cui̱nk nacꞌanjelac chi cau ut cuan xnaꞌleb chixcꞌoxlanquil chanru tixba̱nu. Abanan, nak nacam naxcanab chixjunil li quixba̱nu chokꞌ re jalan li moco xcꞌulub ta xcꞌulbal xban nak incꞌaꞌ xcꞌanjela rix. Joꞌcan nak li cꞌanjel li naxba̱nu nacana chi ma̱cꞌaꞌ rajbal.

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.