Eclesiastés 2:16 - Li Santil hu

¹⁶ Nak telajeꞌnumekꞌ li cutan ma̱ ani chic ta̱cꞌoxla̱nk re li cuan xnaꞌleb joꞌ ajcuiꞌ li ma̱cꞌaꞌ xnaꞌleb. Ta̱sachk ban saꞌ xchꞌo̱leb chi junaj cua. Ta̱ca̱mk li cuan xnaꞌleb ut ta̱ca̱mk ajcuiꞌ li ma̱cꞌaꞌ xnaꞌleb.

Q'eqchi Bible

¹⁶ Ink'a' patz'b'ilaq li wank xna'leb' chi moko li jip, ut xkab'ichaleb' te'kamq. Naq yooqeb' chi xik li kutan, nasachmank sa' qach'ool chixjunil.

Eclesiastés 2:16 ပူးပေါင်းရင်းမြစ်များ

Eclesiastés 1:11

Chixjunil li cꞌaꞌak re ru ac xnumeꞌ, ac xsach saꞌ xchꞌo̱leb. Joꞌcan ajcuiꞌ chixjunil li cꞌaꞌru talajcha̱lk mokon, ta̱sachk ajcuiꞌ saꞌ xchꞌo̱leb.

Eclesiastés 9:5

Li toj yoꞌyo̱queb nequeꞌxnau nak teꞌca̱mk. Ut eb li ac camenakeb chic ma̱cꞌaꞌ nequeꞌxnau, chi moco cuan ta cꞌaꞌru teꞌroybeni. Ut ma̱ ani chic ta̱jultica̱nk reheb.

Salmos 88:12

¿Ma ta̱ru̱k ta biꞌ chic teꞌril li milagro li nacaba̱nu nak ac camenakeb chic? Nak ac xcam junak, moco ta̱julticokꞌ ta chic re li ti̱quilal.

Éxodo 1:8

Saꞌ li tenamit Egipto quijala li acuabej. Li acuabej aꞌan incꞌaꞌ quixnau chanru nak quicuan laj José.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Malaquías 3:16

Abanan eb li nequeꞌxxucua ru li Ka̱cuaꞌ queꞌxjultica chi ribileb rib li rusilal li Dios. Ut li Ka̱cuaꞌ quirabi ut quixqꞌue retal li cꞌaꞌru queꞌxye. Ut chiru li Ka̱cuaꞌ quitzꞌi̱ba̱c saꞌ jun li hu lix cꞌabaꞌeb li nequeꞌxucuan ru ut nequeꞌqꞌuehoc xlokꞌal li Ka̱cuaꞌ.

Eclesiastés 6:8

¿Ma kꞌaxal us ta biꞌ cuanqueb li cristian li cuanqueb xnaꞌleb chiruheb li ma̱cꞌaꞌeb xnaꞌleb? Ut, ¿ma kꞌaxal us ta biꞌ cuanqueb li nebaꞌ xban nak xeꞌxnau cua̱nc saꞌ xya̱nkeb li cuanqueb saꞌ ruchichꞌochꞌ?

Eclesiastés 2:14

Li ani cuan xnaꞌleb naxnau cꞌaꞌru ta̱cha̱lk saꞌ xbe̱n. Ut li ma̱cꞌaꞌ xnaꞌleb incꞌaꞌ naxnau cꞌaꞌru ta̱cha̱lk saꞌ xbe̱n. Abanan juntakꞌe̱t tixcꞌul li cuan xnaꞌleb riqꞌuin li ma̱cꞌaꞌ xnaꞌleb.

Salmos 103:16

Ut nacꞌameꞌ xban li ikꞌ ut incꞌaꞌ chic na-ilman ru chi moco nacꞌutun chic li quicuan cuiꞌ.

Salmos 49:10

Arin nakaqꞌue retal nak chikajunilo nococam, li cuanqueb xnaꞌleb joꞌ ajcuiꞌ li ma̱cꞌaꞌeb xnaꞌleb. Ut lix biomaleb jalan chic nae̱chanin re.

2 Samuel 3:33

Li rey David quixbicha li bich aꞌin re rahil chꞌo̱lej chirix lix camic laj Abner: —¿Cꞌaꞌut nak xatcam, at Abner? ¿Cꞌaꞌut nak xatcam chi ma̱cꞌaꞌ rajbal?

Éxodo 1:6

Quicam laj José ut queꞌcam ajcuiꞌ chixjunileb li ras ut eb li ri̱tzꞌin.

Eclesiastés 2:15

Ut quinye saꞌ inchꞌo̱l: —Cui la̱in li cuan innaꞌleb tincꞌul joꞌ tixcꞌul li ma̱cꞌaꞌ xnaꞌleb, ¿cꞌaꞌ ta cuiꞌ ru aj e nak cuan innaꞌleb?— Joꞌcan nak quinye nak chixjunil li cꞌaꞌru nakaba̱nu ma̱cꞌaꞌ na-oc cuiꞌ.

Eclesiastés 7:2

Kꞌaxal us nak toxic chi yoꞌlec camenak chiru nak toxic chi ninkꞌei̱c. Li ani toj yoꞌyo, tento nak cua̱nk saꞌ xchꞌo̱l lix camic xban nak aꞌan li rosoꞌjic li junju̱nk.

Eclesiastés 8:10

Ut ninqꞌue ajcuiꞌ retal nak eb li incꞌaꞌ useb xnaꞌleb nequeꞌqꞌueheꞌ xlokꞌal nak nequeꞌmukeꞌ. Abanan li nequeꞌxic rajlal saꞌ li templo, ma̱ ani nacꞌoxlan re li ti̱quilal li queꞌxba̱nu saꞌ li tenamit. Chixjunil aꞌin ma̱cꞌaꞌ na-oc cuiꞌ.

Eclesiastés 9:15

Ut saꞌ li tenamit aꞌan, cuan jun li cui̱nk cuan xnaꞌleb usta nebaꞌ. Li cui̱nk aꞌan xru raj xcolbal li tenamit xban nak cuan xnaꞌleb. Abanan ma̱ ani quixcꞌoxla nak aꞌan cuan xnaꞌleb xban nak nebaꞌ.

Proverbios 14:8

Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.